កងទ័ពអ៊ុយក្រែន នាព្រឹកនេះ បានប្រកាសថា បានបាញ់ទម្លាក់យន្តហោះមួយគ្រឿងរបស់ ប្រទេសរុស្ស៊ី ប៉ុន្តែ មិនទាន់ឱ្យដឹងព័ត៌មានលំអិតទាក់ទងនឹងប្រភេទយន្តហោះ និងទីតាំងនៃហេតុការណ៍នោះនៅឡើយ។
ព័ត៌មាននេះត្រូវបានលើកឡើងបន្ទាប់ពី រុស្ស៊ី បានប្រកាសបើកយុទ្ធនាការយោធាចូលមកកាន់តំបន់ Donbass នៅភាគខាងកើតនៃ ប្រទេសអ៊ុយក្រែន។
តំបន់ Donbass ដែលរួមមាន ខេត្ត Donetsk និង Luhansk បានក្លាយជាចំណុចក្ដៅនៃសង្គ្រាមដណ្ដើមទឹកដី រវាង អ៊ុយក្រែន និងក្រុមផ្ដាច់ខ្លួនដែលគាំទ្រដោយ រុស្ស៊ី ចាប់តាំងពីឆ្នាំ ២០១៤ បណ្ដាលឱ្យមនុស្សជាង ១៤ ម៉ឺននាក់ បានបាត់បង់ជីវិត។
ទាក់ទងនឹងការចូលលុកលុយ ប្រទេសអ៊ុយក្រែន ពីសំណាក់ រុស្ស៊ី មន្ត្រីរបស់អង្គការណាតូ (NATO) មួយរូប បានឱ្យដឹងថា ក្រុមប្រទេសរបស់ ណាតូ នឹងបើកកិច្ចប្រជុំបន្ទាន់ក្នុងថ្ងៃនេះ។ ចំណែក អគ្គលេខាធិការអង្គការណាតូ Jens Stoltenberg ក៏នឹងបើកសន្និសីទសារព័ត៌មានបន្ទាប់នោះ ដែលគ្រោងនឹងធ្វើឡើងនៅវេលាម៉ោង ១២ កន្លះ (ម៉ោង ១៦ កន្លះ នៅភ្នំពេញ)។
