ក្នុងចំណោមអ្នកវិជ្ជមានថ្មីនឹង កូវីដ-១៩ ចំនួន ៥២ នាក់ ដែលបានរកឃើញកាលពី ២៤ ម៉ោង នៃថ្ងៃទី ២៧ មីនា មានករណីឆ្លងសហគមន៍ទាំង ៥២ នាក់ ដែលទាំងអស់សុទ្ធតែវិជ្ជមាននឹង អូមីក្រុង។
Author: សឿន សំណាង
កម្ពុជា អត់មានតម្រូវការយន្តហោះចម្បាំង តែអាចបាញ់ទម្លាក់រាល់យន្តហោះយោធាឈ្លានពានរបស់បរទេស
នៅក្នុងពិធីសម្ពោធដាក់ឱ្យប្រើប្រាស់ជាផ្លូវការនូវមន្ទីរព្យាបាលជំងឺត្រចៀក ច្រមុះ កំពង់ក មិត្តភាពកម្ពុជា-កូរ៉េ នៃ មន្ទីរពេទ្យព្រះអង្គដួង នាព្រឹកថ្ងៃទី ២៨ មីនា ២០២២ នេះ សម្ដេច ហ៊ុនសែន បានថ្លែងថា រឿងកងទ័ព កម្ពុជា អត់មានតម្រូវការនាវាមុជទឹក និងយន្តហោះចម្បាំងអ្វីទាំងអស់ ហើយថា ទុកលុយកសាងមន្ទីរពេទ្យ ផ្លូវថ្នល់ និងសាលារៀនវិញ។
ប្រមុខរដ្ឋាភិបាល បញ្ជាក់ថា កម្ពុជា មានសំណាញ់អាកាស សម្រាប់ការពារដែនអាកាស ហើយអាចបាញ់ទម្លាក់យន្តហោះយោធារបស់ប្រទេសទាំងឡាយណាដែលហោះរំលោភចូលដែនអាកាសដោយមិនបានសុំច្បាប់ជាមុន។ សម្ដេច អះអាងថា ការទិញយន្តហោះចម្បាំង គឺត្រូវចំណាយថវិកាច្រើន ហើយថា វាមិនអាចធ្វើអ្វីបានច្រើន។
ប្រសាសន៍ខាងលើរបស់ ប្រមុខរដ្ឋាភិបាលកម្ពុជា ត្រូវបានលើកឡើងនៅក្នុងគ្រាដែលពិភពលោកកំពុងរត់ប្រណាំងផ្នែកសព្វាវុធយ៉ាងខ្លាំងក្លា នៅពេលជម្លោះប្រដាប់អាវុធ និងសង្គ្រាមរវាងប្រទេសមួយនឹងប្រទេសមួយ កំពុងកើតមាន ក្នុងនោះមាន រុស្ស៊ី និង អ៊ុយក្រែន ជាដើម។
នៅក្នុងបណ្ដាប្រទេសដែលមានព្រំដែនជាប់នឹង កម្ពុជា រួមមាន ថៃ វៀតណាម និង ឡាវ ភាគច្រើនជាប្រទេសដែលមានកម្លាំងទ័ពខ្លាំងក្លា ក្នុងនោះ ប្រទេសវៀតណាម សម្រាប់ឆ្នាំ ២០២២ កំពុងនាំមុខគេក្នុងចំណោមប្រទេសខាងលើ ដោយជាប់ចំណាត់ថ្នាក់ទី ២៨ ក្នុងបញ្ជីចំណាត់ថ្នាក់ផ្នែកកម្លាំងទ័ពរបស់ Gobalfirepower។
ក្នុងបញ្ជីរបស់ Gobalfirepower ប្រទេសថៃ ជាប់ចំណាត់ថ្នាក់ទី ២៩ ក្នុងចំណោមប្រទេសទាំង ១៤២ ដែលត្រូវបានគណនាអំពីអំណាចយោធា។ ចំណែក កម្ពុជា វិញ ជាប់ចំណាត់ថ្នាក់ទី ១០០ ខណៈដែល ប្រទេសឡាវ ជាប់ចំណាត់ថ្នាក់ទី ១២១៕
រុស្ស៊ី អាចនឹង «កាត់ទឹកដីរបស់ អ៊ុយក្រែន ជាពីរ» ដូចទៅនឹង ឧបទ្វីបកូរ៉េ
មេដឹកនាំអង្គភាពស៊ើបការណ៍សម្ងាត់ផ្នែកយោធារបស់ អ៊ុយក្រែន នាថ្ងៃទី ២៨ មីនា បានសរសេរនៅលើបណ្ដាញសង្គមថា រុស្ស៊ី អាចបង្កើតព្រំដែនរវាងតំបន់ដែលគ្រប់គ្រងដោយ ទីក្រុងមូស្គូ និងតំបន់ដែលកាន់កាប់ដោយ អ៊ុយក្រែន ដើម្បី «កាត់ អ៊ុយក្រែន ជា ២ ដូចទៅនឹង កូរ៉េខាងត្បូង និង កូរ៉េខាងជើង»។
លោក Kyrylo Budanov ដែលជាមេដឹកនាំអង្គភាពស៊ើបការណ៍សម្ងាត់ផ្នែកយោធារបស់ អ៊ុយក្រែន បន្ថែមថា យុទ្ធសាស្ត្រខាងលើនេះអាចជាលទ្ធផលនៃការដែល រុស្ស៊ី «មិនអាចចូលកាន់កាប់ រដ្ឋធានីកៀវ»។
នៅ ឧបទ្វីបកូរ៉េ អំពីទ្រឹស្ដី កូរ៉េខាងជើង និង កូរ៉េខាងត្បូង បច្ចុប្បន្នស្ថិតក្នុងស្ថានភាពសង្គ្រាមនៅឡើយ ក្រោយពីការប្រយុទ្ធគ្នាអំឡុងឆ្នាំ ១៩៥០-១៩៥៣ ត្រូវបានបញ្ចប់ដោយកិច្ចព្រមព្រៀងឈប់បាញ់ ពោលគឺមិនមែនជាសន្ធិសញ្ញាសន្តិភាពនោះទេ។ តំបន់ខណ្ឌចែក កូរ៉េ ទាំង ២ មានទទឹង ៤ គីឡូម៉ែត្រ និងបណ្ដោយ ២៤៨ គីឡូម៉ែត្រ ដែលត្រូវបានគេហៅថា តំបន់គ្មានកងទ័ព (DMZ)។
ឧបទ្វីបកូរ៉េ ទាក់ទងនឹងការអះអាងរបស់ មេដឹកនាំអង្គភាពស៊ើបការណ៍សម្ងាត់ផ្នែកយោធារបស់ អ៊ុយក្រែន នេះ ភាគីខាង រុស្ស៊ី មិនទាន់បញ្ចេញប្រតិកម្មអ្វីនៅឡើយ៕
កូរ៉េខាងជើង ប្រកាសបន្តអភិវឌ្ឍកម្លាំងវាយប្រហារយុទ្ធសាស្ត្រដ៏គួរឱ្យញញើត
មេដឹកនាំកូរ៉េខាងជើង លោក គីម ជុងអ៊ុន ឱ្យដឹងថា ប្រទេសនេះនឹងបន្តការអភិវឌ្ឍ «កម្លាំងវាយប្រហារដ៏គួរឱ្យញញើត» ដែលមិនអាចដោះដូរ និងទិញបាន។
«មានតែបំពាក់អាវុធវាយប្រហារដែលគួរឱ្យញញើត កម្លាំងយោធាខ្លាំងក្លាគ្មាននគរទប់ទល់បាន ទើបយើងអាចទប់ស្កាត់សង្គ្រាម ធានាសន្តិភាពជូនប្រទេសជាតិ និងគ្រប់គ្រងរាល់ការគំរាមកំហែង» ទីភ្នាក់ងារសារព័ត៌មាន KCNA ដកស្រង់សម្ដីរបស់លោក គីម ជុងអ៊ុន ថ្លែងនៅក្នុងពិធីជួបជុំក្រុមមន្ត្រី អ្នកវិទ្យាសាស្ត្រ វិស្វករ និងបុគ្គលិកដែលបានចូលរួមត្រៀមសម្រាប់ការបាញ់មីស៊ីលអន្តរទ្វីប (ICBM) កាលពីថ្ងៃទី ២៤ មីនា។
មេដឹកនាំកូរ៉េខាងជើង ឱ្យដឹងថា ការសាកល្បងបច្ចេកវិទ្យា ICBM ថ្មីបំផុតរបស់ប្រទេសនេះ គឺមានបំណងទប់ស្កាត់រាល់សកម្មភាពយោធារបស់ សហរដ្ឋអាម៉េរិក។
ទីក្រុងវ៉ាស៊ីងតោន បានស្វែងរកវិធីដាក់សម្ពាធលើ ទីក្រុងព្យុងយ៉ាង ក្នុងបំណងបង្ខំឱ្យ កូរ៉េខាងជើង បោះបង់ ឬកាត់បន្ថយចំនួនក្បាលគ្រាប់នុយក្លេអែរ និង ICBM ដែលមានលទ្ធភាពអាចបាញ់ដល់គោលដៅនានានៅ សហរដ្ឋអាម៉េរិក។ ក៏ប៉ុន្តែ លោក គីម ជុងអ៊ុន បានអះអាងថា កម្លាំងការពារជាតិរបស់ កូរ៉េខាងជើង «មិនអាចត្រូវបានដោះដូរ ឬទិញដោយប្រការណាមួយឡើយ» ហើយថា នឹងរក្សាឱ្យបាន បើទោះជារងទណ្ឌកម្មខ្លាំងក្លាយ៉ាងណាក៏ដោយ។
លោក គីម ជុងអ៊ុន អំពីកម្លាំងនុយក្លេអែរ លោក គីម ថ្លែងថា កូរ៉េខាងជើង នឹងបន្តកសាង «កម្លាំងយុទ្ធសាស្ត្រល្អឥតខ្ចោះ និងខ្លាំងក្លាជាងមុន»។
សហរដ្ឋអាម៉េរិក កាលពីថ្ងៃទិ ២៥ មីនា បានឱ្យដឹងថា នឹងជំរុញឱ្យ អង្គការសហប្រជាជាតិ បង្កើនការដាក់ទណ្ឌកម្មលើ កូរ៉េខាងជើង ទាក់ទិននឹងការបាញ់សាកល្បងមីស៊ីលអន្តរទ្វីប កាលពីសប្ដាហ៍មុន របស់ប្រទេសនេះ។ ក៏ប៉ុន្តែ ប្រទេសចិន និង រុស្ស៊ី បានបញ្ជេញសញ្ញាបដិសេធរួចទៅហើយ។
មីស៊ីល Hwasong-១៧ ជាកំណែ ICBM ដំបូងរបស់ កូរ៉េខាងជើង ដែលបានចាប់ផ្ដើមបាញ់សាកល្បងតាំងពីឆ្នាំ ២០១៧ អាចហោះឡើងដល់រយៈកម្ពស់ជាង ៦,២០០ គីឡូម៉ែត្រ និងធ្វើដំណើរបានជិត ១,១០០ គីឡូម៉ែត្រ មុនពេលធ្លាក់នៅ សមុទ្រជប៉ុន។ ក្រុមអ្នកជំនាញអះអាងថា បើសិនត្រូវបានបាញ់ទៅតាមគន្លងគោចរស្ដង់ដា នោះ Hwasong-១៧ អាចបាញ់ដល់រយៈចម្ងាយ ១៣,០០០ គីឡូម៉ែត្រ គ្រប់គ្រាន់សម្រាប់បន្តក់លើគោលដៅនានានៅទូទាំង សហរដ្ឋអាម៉េរិក៕
អគារព្យាបាលជំងឺត្រចៀក ច្រមុះ កំពង់ក មិត្តភាពកម្ពុជា-កូរ៉េ ត្រូវបានសម្ពោធដាក់ឱ្យប្រើប្រាស់ចាប់ពីថ្ងៃនេះ
ប្រមុខរដ្ឋាភិបាលកម្ពុជា សម្ដេចតេជោ ហ៊ុន សែន អញ្ជើញជាអធិបតី ក្នុងពិធីសម្ពោធដាក់ឱ្យប្រើប្រាស់ជាផ្លូវការ អគារជំងឺត្រចៀក ច្រមុះ កំពង់ក មិត្តភាពកម្ពុជា-កូរ៉េ នៃមន្ទីរពេទ្យព្រះអង្គឌួង នាព្រឹកថ្ងៃទី ២៨ ខែមីនា ឆ្នាំ ២០២២ នេះ។
សម្ដេចអគ្គមហាសេនាបតីតេជោ ហ៊ុន សែន និងឯកឧត្តម Park Heung-kyeong ឯកអគ្គរដ្ឋទូតសាធារណរដ្ឋកូរ៉េ (កូរ៉េខាងត្បូង) ប្រចាំកម្ពុជា អញ្ជើញជាអធិបតី សម្ពោធដាក់ឱ្យប្រើប្រាស់ជាផ្លូវការ អគារខាងលើ ដែលជាជំនួយឥតសំណងពីរដ្ឋាភិបាល នៃសាធារណរដ្ឋកូរ៉េ។
អគារព្យាបាលជំងឺត្រចៀក ច្រមុះ កំពង់ក មិត្តភាពកម្ពុជា-កូរ៉េ ដែលស្ថិតនៅក្នុង សង្កាត់ផ្សារថ្មី ១, ខណ្ឌដូងពេញ, រាជធានីភ្នំពេញ តាមបណ្ដោយវិថីព្រះនរោត្តម និងក្បែររង្វង់មូលវត្តភ្នំ នេះ ទទួលបានជំនួយឥតសំណង ៨ លានដុល្លារអាម៉េរិក ពី រដ្ឋាភិបាលកូរ៉េខាងត្បូង តាមរយៈទីភ្នាក់ងារសហប្រតិបតិ្តការអន្តរជាតិកូរ៉េ (KOICA)។
អគារនេះត្រូវបានបំពាក់បរិក្ខាទំនើបបំផុត រួមនឹងសមត្ថភាពរបស់ក្រុមវេជ្ជបណ្ឌិត និងបុគ្គលិក ដែលត្រូវបានបណ្តុះបណ្តាល និងផ្ទេរជំនាញ ឯកទេសពីវេជ្ជបណ្ឌិត ជនជាតិកូរ៉េ៕
Ford Cambodia បើកទទួលការកក់រថយន្ត Ford Everest ស៊េរីថ្មីឆ្នាំ ២០២៣
កាលពីពេលថ្មីៗនេះមានការផ្ទុះនៃការចាប់អារម្មណ៍ និងការចែករំលែកយ៉ាងពេញទំហឹងនៅក្នុងបណ្តាញសង្គមទាក់ទងនឹងការប្រកាសចេញលក់ជាផ្លូវការនៃរថយន្ត Ford ស៊េរីថ្មីនៅប្រទេសអូស្ត្រាលី និងព្រឹត្តិការណ៍តាំងពិពណ៌រថយន្តខ្នាតធំនៅប្រទេសថៃដែលមានគាំទ្រយ៉ាងច្រើនពីសំណាក់មិត្តអ្នកស្រឡាញ់រថយន្ត។ មិនបង្អង់យូរបន្ទាប់ពីក្រុមហ៊ុន Ford Motor Company បានប្រកាសជាផ្លូវការនោះ Ford Cambodia ក៏បានបើកទទួលការកក់ជាផ្លូវនៃរថយន្ត Ford Everest ស៊េរីថ្មីឆ្នាំ 2023 ផងដែរ ជាមួយនឹងតម្លៃពិសេស និងជម្រើសពណ៌ថ្មីយ៉ាងច្រើនសម្បូរបែបដូចជា៖ ស ខ្មៅ ទឹកប្រាក់ ប្រផេះ ក្រហម និងខៀវ។
រថយន្ត Ford Everest ត្រូវបានមហាជនទទួលស្គាល់ថាជារថយន្ត Luxury Off-Road SUV ដែលរថយន្តនេះល្បីល្បាញទាំងប្រណិតភាព ផាសុកភាព ប្រព័ន្ធសុវត្ថិភាព បច្ចេកវិទ្យា និងសមត្ថភាពបើកបរគ្រប់ស្ថានភាពផ្លូវ ជាពិសេសនោះគឺផ្លូវដែលមានឧបសគ្គតែម្តង។
ដោយផ្តោតសំខាន់លើប្រណិតភាព រថយន្ត Ford Everest ស៊េរីថ្មីឆ្នាំ 2023 នេះបានផ្លាស់ប្តូរនូវរូបរាងថ្មីទាំងស្រុងដោយផ្នែកខាងមុខនៃរថយន្តបានយកគំរូទៅតាមរថយន្ត Ford Ranger ស៊េរីថ្មីឆ្នាំ 2023 ដោយបានបំពាក់ចង្កៀង LED រចនាជារាងអក្សរ C ប្រភេទ Matrix LED និងប៉ាណាចំកណ្តាលធំជាងមុន
ហើយចំណុចដែលបានបន្ថែមនោះគឺបានបំពាក់នូវទម្ពក់ដែកសណ្តោងចំនួន 2 ដូចទៅនឹង Ford Ranger Raptor ផងដែរ យ៉ាន់កង់អាលុយមីញ៉ូមទំហំ 20 អ៊ីញ រចនាម៉ូដថ្មីស្រឡាងជាមួយនឹងជម្រើសពណ៌ប្រាក់ ឬពណ៌ខ្មៅ។
ប៉ុន្តែអ្វីដែលអ្នកគាំទ្រផ្ទុះការចាប់អារម្មណ៍នោះគឺ ផ្នែកខាងក្រោយនៃរថយន្តតែម្តង ដែលបានរចនាយ៉ាងទាន់សម័យ និងទាក់ទាញបំផុតមិនធ្លាប់មានពីមុនមក ដោយចំកណ្តាលនៃរថយន្តបានបំពាក់នូវអក្សរផុស EVEREST ចំកណ្តាល ហើយចង្កៀងផ្នែកខាងក្រោយជាប្រភេទ LED ដែលរចនាជារាងជ្រុងកាច់កែង និងមានឆ្នូតក្រហមប្រដេញស្រដៀងទៅនឹងរថយន្ត Ford Mustang ដែលមើលទៅពិតស្អាតប្លែក។
មិនត្រឹមតែប្រណិតភាពផ្នែកខាងក្រៅប៉ុណ្ណោះទេ ថែមទាំងកាន់តែផ្តល់ជូននូវផាសុកភាពផ្នែកខាងក្នុង ដែលភាគច្រើននៃឧបករណ៍ដែលបានបំពាក់សុទ្ធតែធ្វើឡើងពីស្បែកប្រណិត ចំណុចពិសេសដែលមានបំពាក់នោះក៏មិនខុសពីរថយន្ត Ford ជំនាន់ថ្មីផ្សេងដែលនោះគឺកុងទ័រឌីជីថលថ្មីស្រឡាងទំហំ 8 ឬ12.4 អ៊ីញ
អេក្រង់ Touchscreen កម្រិតខ្ពស់បញ្ឈរចំកណ្តាលទំហំ 10.1 ឬ12 អ៊ីញ ប្រអប់លេខស៊េរីថ្មី6 វគ្គអូតូ ឬ10 វគ្គអូតូទៅតាមជម្រើសនៃម៉ូឌែលរថយន្តនីមួយៗ អាចប្រើប្រាស់បានទាំងលេខអូតូ និងលេខដៃ ប្រព័ន្ធហ្វ្រាំងដៃអេឡិចត្រូនិច ចង្កូតបូមអេឡិចត្រូនិចដែលមានមុខងារច្រើនសម្បូរបែបជាងមុន និងចំណុចមិនអាចខ្វះបានសម្រាប់ Ford Everest នោះគឺប្រព័ន្ធគ្រប់គ្រងម៉ាស៊ីនត្រជាក់គ្រប់ជួរ។
ដូចបានបញ្ជាក់ខាងលើរថយន្ត Ford Everest ជារថយន្ត Luxury Off-Road SUV ចំណុចដែលអាចបញ្ជាក់បានថារថយន្តនេះអាចជំនះបានគ្រប់ឧបសគ្គនោះគឺ ប្រព័ន្ធគ្រប់គ្រងការបើកបរគ្រប់ស្ថានភាពផ្លូវដែលមានជម្រើសរហូតដល់ទៅ 7 រួមមាន៖ ធម្មតា សន្សំសំចៃ ស្ព័រ អូសសណ្តោង រអិល ភក់ និងខ្សាច់
បូករួមជាមួយនឹងប្រព័ន្ធគ្រប់គ្រងប៉ុងរថយន្ត (កាប់ពីតាស) ប្រព័ន្ធជើងក្រោមធ្វើកំណែទម្រង់ថ្មី ប្រព័ន្ធសុវត្ថិភាព និងបច្ចេកវិទ្យាជំនាន់ចុងក្រោយជាច្រើនទៀតដែលធ្វើឲ្យរថយន្តនេះមានសមត្ថភាពបើកបរគ្រប់ស្ថានភាពផ្លូវ។
សម្រាប់ព័ត៌មានបន្ថែមលោកអ្នកអាចអញ្ជើញទៅសាកសួរនៅតាមបណ្តាសាខាអគារតាំងបង្ហាញរថយន្ត Ford និងទំនាក់ទំនងទៅតាមលេខទូរស័ព្ទដូចខាងក្រោម៖
- អគារតាំងបង្ហាញសាខា ផ្លូវព្រះមុនីវង្ស ដែលស្ថិតនៅអគារលេខ 444 ផ្លួវព្រះមុនីវង្ស ជាប់ទូតវៀតណាម លេខទូរស័ព្ទទំនាក់ទំនង៖ 078 999 773
- អគារតាំងបង្ហាញសាខា ទឹកថ្លា ដែលស្ថិតនៅតាមបណ្តោយផ្លូវទៅព្រលានយន្តហោះ លេខទូរស័ព្ទទំនាក់ទំនង៖ 095 939 939
- អគារតាំងបង្ហាញសាខា ទួលសង្កែ ដែលស្ថិតនៅលើផ្លូវ 105 ជិតផ្សារសាំហាន់ លេខទូរស័ព្ទទំនាក់ទំនង៖ 078 935 935
- អគារតាំងបង្ហាញសាខា ខេត្តសៀមរាប ដែលស្ថិតនៅអគារលេខ 593 តាមបណ្តោយផ្លូវជាតិលេខ 6A លេខទូរស័ព្ទទំនាក់ទំនង៖ 077 666 357 | 088 9 666 357
- អគារតាំងបង្ហាញសាខា ខេត្តកំពង់ចាម ដែលស្ថិតនៅអគារលេខ 940 តាមបណ្តោយផ្លូវជាតិលេខ 7 ភូមិបឹងស្នាយ សង្កាត់សំបូមាស ក្រុងកំពង់ចាម លេខទូរស័ព្ទទំនាក់ទំនង៖ 078 999 883 | 088 3 999 883។
មាសនៅទូទាំងពិភពផែនដី មានចំនួនប៉ុន្មានតោន?
ក្រុមអ្នកជំនាញផ្នែកភូគព្ភសាស្ត្របានគណនាឃើញថា មាសនៅក្នុងដីនៅមានប្រហែល ៥០,០០០ តោនទៀត ខណៈ ១៩០,០០០ តោន ត្រូវបានទាញយករួចហើយក្នុងប្រវត្តិសាស្ត្រ។
នៅក្នុងជ្រុងណាមួយនោះ ពិភពលោកបច្ចុប្បន្នត្រូវបានកសាងដោយយោងទៅលើមាស។ មាសនៅក្នុងឧបករណ៍បច្ចេកវិទ្យាទាំងឡាយដែលមនុស្សកំពុងប្រើប្រាស់ប្រចាំថ្ងៃ។ កុំព្យូទ័រ ទូរស័ព្ទ ទូរទស្សន៍ សុទ្ធតែត្រូវការមាសក្នុងដំណាក់កាលនៃការផលិត។ សូម្បីតែគ្រឿងម៉ាស៊ីនដែលផលិតឧបករណ៍បច្ចេកវិទ្យាក៏មានមាស។
ជាមួយនឹងមាសដែលវិស័យឧស្សាហកម្មទាំងឡាយក្នុងពិភពលោកប្រើប្រាស់ យើងងាយនឹងភ្លេចនឹកដល់ប្រភពដែលមានកំណត់របស់វា។ សម្រាប់វិស័យរ៉ែ ការទាញយកមាសបាន ១ ក្រាម ពីដី ១ តោន គឺជាលទ្ធផលល្អ។ ប៉ុន្តែ ដោយសារមាសមានតម្លៃខ្ពស់ ក្រុមហ៊ុនទាញយករ៉ែប្រភេទនេះ នៅតែចំណេញ។
នៅក្នុងអំឡុងពាក់កណ្ដាលខែមីនា ២០២២ មាស ១ ដុំ ទម្ងន់ ១២.៥ គីឡូក្រាម មានតម្លៃរហូតដល់ ៨០០,០០០ ដុល្លារអាម៉េរិក។
ដូច្នេះ តើពិភពលោកទាំងមូលមានមាសចំនួនប៉ុន្មានតោន?
មាសនៅក្នុងដី ត្រូវបានចែកចេញជា ២ ក្រុម៖ រ៉ែមាស (មាសដែលរងកម្ដៅគ្រប់គ្រាន់ដល់ថ្នាក់រលាយដាច់ដោយឡែក) និងរ៉ែលោហមាស (គឺជារ៉ែមាសដែលនៅលាឡំជាមួយលោហធាតុផ្សេង)។
មាស ៣១ ក្រាម (ជាង ១ តម្លឹង) ត្រូវការចំណាយប្រាក់ទាញយកប្រហែលពី ៧០០ ទៅ ១,៤០០ ដុល្លារអាម៉េរិក អាស្រ័យលើទំហំនៃការចំណាយសម្រាប់ដំណើរការសកម្មភាពរុករក និងទីតាំងរុករក។
ក្រុមអ្នកជំនាញផ្នែកភូគព្ភសាស្ត្រ គណនាឃើញថា មាសប្រហែល ៥០,០០០ តោន កំពុងស្ថិតនៅក្រោមដី រង់ចាំការទាញយក។ ចំណែកមាសដែលត្រូវបានទាញយករួចហើយ មានចំនួនជាង ១៩០,០០០ តោន នៅទូទាំងសកលលោក។
យោងតាមតួលេខខាងលើ ប្រភពផ្គត់ផ្គង់មាសឆៅនៅលើពិភពលោក នៅសល់តែប្រហែល ២០% ទៀតប៉ុណ្ណោះ។ នៅពេលរ៉ែមាសឈានដល់ដំណាក់កាល «ខ្សោះ» មនុស្សមានតែកែច្នៃ និងប្រើប្រាស់វាឡើងវិញ។
កូវីដ-១៩ នៅ កម្ពុជា! រកឃើញអ្នកឆ្លងថ្មី 58 នាក់ទៀត ក្នុងថ្ងៃទី ២៥ មីនា ២០២២
ក្នុងចំណោមអ្នកវិជ្ជមានថ្មីនឹង កូវីដ-១៩ មាន ករណីឆ្លងសហគមន៍ ៥៤ នាក់ និងអ្នកដំណើរពីបរទេស ៤ នាក់ ដែលទាំងអស់សុទ្ធតែវិជ្ជមាននឹង អូមីក្រុង។
ប្រេងឡើងថ្លៃលើសពី ១២០ ដុល្លារ/ធុង ខណៈមាសធ្លាក់ថ្លៃទៅវិញ
បញ្ចប់ការជួញដូរកាលពីថ្ងៃទី ២៥ មីនា តម្លៃប្រេងបានកើនឡើងដល់ជាងពី ១២០ ដុល្លារអាម៉េរិក/ធុងបារ៉ែល ចំណែកមាស និងលោហធាតុមានតម្លៃមួយចំនួន បែរជាធ្លាក់ថ្លៃ។
ប្រេងឡើងថ្លៃជាង ១% ឡើងដល់ជាង ១២០ ដុល្លារ/ធុង ព្រោះតែផលប៉ះពាល់ពីករណីកងកម្លាំងបះបោររបស់ យេម៉ែន បានបាញ់រ៉ុក្កែត ទៅលើឃ្លាំង និងរោងចក្រចម្រាញ់ប្រេងរបស់ អារ៉ាប៊ីសាអូឌីត។
ប្រេងឆៅ Brent កាលពីថ្ងៃទី ២៥ មីនា បញ្ចប់ការជួញដូរក្នុងតម្លៃ ១២០.៦៥ ដុល្លារ/ធុង ដោយកើន ១.៦២ ដុល្លារ ដែលប្រហាក់ប្រហែលនឹង ១.៤% ចំណែកប្រេង WTI កើន ១.៥៦ ដុល្លារ ប្រហែលនឹង ១.៤% ឡើងដល់ ១១៣.៩ ដុល្លារ/ធុង។ ក្នុងការជួញដូរដំបូង ប្រេងទាំងពីរប្រភេទខាងលើសុទ្ធតែធ្លាក់ថ្លៃ ៣ ដុល្លារ/ធុង។ ក្នុង ១ សប្ដាហ៍កន្លងមកនេះ ប្រេង Brent ឡើងថ្លៃជាង ១១.៥% និងប្រេង WTI ឡើងថ្លៃ ៨.៨%។
តម្លៃឧស្ម័នធម្មជាតិ កើនឡើងខ្ពស់បំផុតក្នុងអំឡុង ៨ សប្ដាហ៍មកនេះ ចំណែកស្ករចម្រាញ់ឡើងថ្លៃខ្ពស់បំផុតក្នុង ៥ ឆ្នាំ ខណៈដែលដែក កៅស៊ូជប៉ុន កាហ្វេ ស្រូវសាលី ពោត ប្រេងដូង និងសណ្ដែកសៀង សុទ្ធក៏តែកើនឡើង។
រីឯមាស ប្រាក់ និងប្លាទីន សុទ្ធតែធ្លាក់ថ្លៃ ក្នុងនោះ តម្លៃមាសប្រគល់ភ្លាមថយ ០.៣% មកនៅត្រឹម ១,៩៥២.៦ ដុល្លារ/អោន និងមាសកំណត់ពេលក្នុងខែមេសា ២០២២ ថយចុះ ០.៤% មកនៅត្រឹម ១,៩៥៤.២ ដុល្លារ/អោន (មាស ១ អោន (ounce) ស្មើនឹងជិត ៨.៣ ជី)៕
អ៊ុយក្រែន ស្នើឱ្យ អាម៉េរិក ផ្ដល់ជំនួយជាគ្រាប់រ៉ុក្កែត ១,០០០ គ្រាប់/ថ្ងៃ
ទីក្រុងកៀវ បានស្នើសុំជំនួយជាគ្រាប់រ៉ុក្កែតប្រឆាំងរថក្រោះ Javelin ចំនួន ៥០០ គ្រាប់ និងរ៉ុក្កែតការពារដែនអាកាស Stinger ៥០០ គ្រាប់ជារៀងរាល់ថ្ងៃ ដើម្បីជួយប្រទេសនេះ ទប់ទល់នឹង កងទ័ពរុស្ស៊ី។
ព័ត៌មានពី RT ឱ្យដឹងថា ក្នុងមួយរយៈពេលចុងក្រោយនេះ បណ្ដាប្រទេសលោកខាងលិច បានផ្ដល់អាវុធ និងសម្ភារៈយោធាជាច្រើនដល់ អ៊ុយក្រែន។ ក៏ប៉ុន្តែ ប្រធានាធិបតី វ៉ូឡូឌីមៀ ហ្សេឡែនស្គី យល់ថា ការផ្ដល់ជំនួយនោះមិនទាន់គ្រប់គ្រាន់។
CNN ដកស្រង់ប្រភពព័ត៌មានច្បាស់ការណ៍មួយចំនួន ឱ្យដឹងថា ឯកសារបញ្ជូនឡើងទៅកាន់សភាអាម៉េរិក បង្ហាញថា អ៊ុយក្រែន កំពុងស្នើឱ្យ អាម៉េរិក ផ្ដល់អាវុធច្រើនជាងបច្ចុប្បន្ន។ សំណើនេះត្រូវបានលើកឡើងនៅពេល កងទ័ពអ៊ុយក្រែន កំពុងខ្វះអាវុធដើម្បីប្រយុទ្ធតតាំងទល់នឹងការឈ្លានពានរបស់ រុស្ស៊ី។
មីស៊ីលប្រឆាំងយន្តហោះ Stinger 
រ៉ុក្កែតប្រឆាំងរថក្រោះ Javelin