ក្នុងអំឡុង ២៤ ម៉ោង នៃថ្ងៃទី ១៩ ខែមិថុនា ២០២២ កម្ពុជា មិនមានករណីជាសះស្បើយថ្មី, មិនមានករណីវិជ្ជមានថ្មី និងមិនមានករណីស្លាប់ថ្មី ដោយសារកូវីដ-១៩ នោះទេ។
Author: សឿន សំណាង
អូស្ត្រាលី ផ្ដល់ជំនួយជារថពាសដែកដឹកទាហាន ដល់ អ៊ុយក្រែន
រដ្ឋាភិបាលអូស្ត្រាលី កំពុងបន្តបើកកញ្ចប់ជំនួយយោធាសម្រាប់ អ៊ុយក្រែន ខណៈដែលជំនួយថ្មីបំផុតត្រូវបានដឹកជញ្ជូនទៅដល់គោលដៅ នោះគឺ រថពាសដែកសម្រាប់ដឹកទាហានចំនួន ៤ គ្រឿង។
ក្នុងប្រកាសថ្មីបំផុត ក្រសួងការពារជាតិអូស្ត្រាលី បានឱ្យដឹងថា កញ្ចប់ជំនួយយោធាដែលរួមមាន រថពាសដែក M១១៣AS៤ ចំនួន ៤ គ្រឿង បានចាកចេញពី អូស្ត្រាលី កាលពីសប្ដាហ៍កន្លង នៅលើយន្តហោះ Antonow AN-១២៤ របស់ អ៊ុយក្រែន។ នេះគឺជាជំនួយដំបូងក្នុងចំណោមរថពាសដែកសម្រាប់ដឹកទាហាន ១៤ គ្រឿងដែល អូស្ត្រាលី គ្រោងនឹងផ្ដល់ឱ្យ ទីក្រុងកៀវ។
មកដល់បច្ចុប្បន្ន រដ្ឋាភិបាលអូស្ត្រាលី បានសន្យាផ្ដល់ជំនួយដល់ អ៊ុយក្រែន សរុប ២៨៥ លានដុល្លារអូស្ត្រាលី (ប្រហែល ១៩៨ លានដុល្លារអាម៉េរិក) រួមមាន រថពាសដែក M១១៣AS៤ ចំនួន ១៤ គ្រឿង, រថពាសដែក Bushmaster ២០ គ្រឿង, កាំភ្លើងធំធុនស្រាល ១៥៥ M៧៧៧ ចំនួន ៦ ឈុត, អាវុធទម្លុះដែក, យន្តហោះគ្មានមនុស្សបើក, ឧបករណ៍តាមដានវិទ្យុសកម្ម, គ្រាប់រំសេវ និងអាវុធផ្ទាល់ខ្លួនជាច្រើនប្រភេទទៀត។
រថពាសដែក M១១៣AS ដែលអភិវឌ្ឍដោយ អូស្ត្រាលី នេះ គឺជាប្រភេទយានពាសដែកដែលអភិវឌ្ឍពីរថពាសដែក M១១៣ ដែល សហរដ្ឋអាម៉េរិក បានប្រើប្រាស់ចាប់ពីឆ្នាំ ១៩៦០ និងត្រូវបានកែលម្អច្រើនដងដើម្បីសម្របខ្លួនទៅតាមគោលដៅនៃការប្រើប្រាស់ និងទម្រង់សមរភូមិ។ រថពាសដែក M១១៣AS មានទម្ងន់ ១៨ តោន អាចធ្វើសកម្មភាពបានក្នុងរយៈចម្ងាយ ៥៥០ គីឡូម៉ែត្រ និងអាចផ្ទុកទាហានបាន ១០ នាក់ ក្នុងនោះមានអ្នកបើកបរ ២ នាក់៕
មហាព្រឹត្តិការណ៍ប្រចាំឆ្នាំរបស់ក្រុមហ៊ុន RMA Cambodia ពិធីសម្ពោធជាផ្លូវការ រថយន្ត Next-Generation Ford Ranger 2023
ក្រុមហ៊ុន RMA Cambodia បានផ្តល់នូវភាពភ្ញាក់ផ្អើលជាថ្មីម្តងទៀតជាមួយនឹងមហាព្រឹត្តិការណ៍ប្រចាំឆ្នាំ២០២៣ គឺពិធីបើកសម្ពោធជាផ្លូវការ រថយន្ត Next-Generation Ford Ranger 2023 ជាមួយនឹងរូបរាងថ្មីទាំងស្រុង ទំនើបទាន់សម័យ និងបំពាក់ដោយបច្ចេកវិទ្យាថ្មីចុងក្រោយបំផុត។ ពិធីសម្ពោធជាផ្លូវការរថយន្ត Next-Generation Ford Ranger 2023 នេះ បានប្រព្រឹត្តធ្វើឡើងនាល្ងាចថ្ងៃទី១៧ ខែមិថុនា ឆ្នាំ២០២២ នៅ ដឹ ព្រេមៀ សេនធ័រ សែនសុខ រាជធានីភ្នំពេញ ដោយមានភ្ញៀវកិត្តិយសរហូតដល់ជាង៦ពាន់នាក់មកចូលរួមអបអរសាទរនៅក្នុងពិធីបើកសម្ពោធជាផ្លូវការរថយន្ត Ford Ranger ស៊េរីថ្មីប្រចាំឆ្នាំ2023នេះ គឺមានវត្តមានរបស់អតិថិជនជាតិ និងអន្តរជាតិដែលតែងតែគាំទ្រដល់រថយន្ត Ford ពីគ្រប់ស្ថាប័ន ក្រុមហ៊ុនជាដៃគូសហការរបស់ក្រុមហ៊ុន RMA Cambodia តារាសិល្បៈល្បីៗប្រចាំព្រះរាជាណាចក្រកម្ពុជា ព្រមទាំងអ្នកសារព័ត៌មានជាតិ និងអន្តរជាតិពីស្ថាប័នធំៗនៅក្នុងប្រទេសផងដែរ។
នៅក្នុងឱកាសនៃពិធីសម្ពោធជាផ្លូវការរថយន្ត Next-Generation Ford Ranger 2023 នេះ លោក ងន សាំង អគ្គនាយក ក្រុមហ៊ុន RMA Cambodia បានមានប្រសាសន៍ថា៖ “រថយន្ត Ford ជារថយន្តភីកអាប់ដ៏ល្បីល្បាញជាប់ចំណាត់ថ្នាក់លេខ១ និងបានឈរជើងយ៉ាងរឹងមាំនៅក្នុងប្រទេសកម្ពុជា ហើយម៉ូដែលថ្មី ឆ្នាំ២០២៣នេះ គឺក្រុមហ៊ុនបានរចនារូបរាងទាំងខាងក្នុង និងខាងក្រៅ ឱ្យមានរូបរាងថ្មីទាំងស្រុង ដោយផ្អែកទៅតាមគំនិតច្នៃប្រឌិតរបស់រថយន្តនាពេលអនាគត ព្រមជាមួយនឹងពាក្យស្លោក “Built Ford Tough” ដែលបញ្ជាក់ពីភាពឆ្លាតវៃ ភាពធន់រឹងមាំ និងភាពទំនើបអស្ចារ្យលើសគេ។ រថយន្ត Ford Ranger ត្រូវបានប្រជាជនកម្ពុជាគាំទ្រ និងពេញនិយមប្រើប្រាស់ ព្រមទាំងទទួលស្គាល់ថាជារថយន្តដែលមានគុណភាពល្អប្រសើរ និងបំពាក់ដោយបច្ចេកវិទ្យាទំនើប។
ជាមួយនឹងរូបរាងថ្មីទាំងស្រុងដ៏ស្រស់ស្អាតរបស់រថយន្ត Next-Generation Ford Ranger 2023 ដែលមានរហូតដល់ទៅ៦ពណ៌ជាជម្រើសជូនអតិថិជនទាំងអស់ ព្រមជាមួយនឹងបច្ចេកវិទ្យាដ៏ទំនើប ដែលផ្តល់នូវផាសុកភាព ទំនុកចិត្ត និងសុវត្ថិភាពខ្ពស់ដល់អ្នកធ្វើដំណើរ យើងជឿជាក់ថា រថយន្ត Ford ភីកអាប់ជំនាន់ថ្មីនេះ នឹងឆក់យកបេះដូង និងការគាំទ្រពីសំណាក់អតិថិជនទាំងអស់ ព្រមទាំងធ្វើការវាយលុកទីផ្សារប្រទេសកម្ពុជា ក៏ដូចជាទីផ្សារពិភពលោកបានយ៉ាងឆាប់រហ័ស។ ជាក់ស្តែងគ្រាន់តែក្រុមហ៊ុន RMA Cambodia ប្រកាសបើកទទួលការកក់ទិញរថយន្ត Next-Generation Ford Ranger 2023 នេះភ្លាម មានអតិថិជនរាប់ពាន់នាក់បានបញ្ជាទិញ និងកក់រយន្តជំនាន់ថ្មីនេះរួចស្រេចទៅហើយ។ រថយន្ត Next-Generation Ford Ranger 2023 ធន់មាំ ស្រស់ស្អាត តម្លៃល្អ បច្ចេកវិទ្យាអស្ចារ្យបំផុតប្រចាំត្រកូល Ford Ranger៕
យានចុះចតរបស់ ចិន នៅលើឋានព្រះចន្ទ រកឃើញទឹក ប៉ុន្តែមិនច្រើនដូចការគិតពីមុន
ស្ថានីយចុះចត Chang’e ៥ បានរកឃើញ hydroxyl ដែលជាធាតុបង្ហាញថាមានទឹក ក្នុងបរិមាណតិចតួចបំផុត ពោលគឺប្រហែល ៣០ ក្រាមក្នុងដីព្រះចន្ទ ១ តោន។
ការរកឃើញថ្មីនេះបានផ្លាស់ប្ដូរសម្មតិកម្មដែលត្រូវបានលើកឡើងច្រើនទសវត្សរ៍កន្លងមក ស្ដីពីវត្តមានរបស់ទឹកនៅលើឋានព្រះចន្ទ។ បេសកកម្ម Chang’e ៥ របស់ ប្រទេសចិន បានរកឃើញ hydroxyl ដែលជា «សាច់ញាតិផ្ទាល់» របស់ទឹក ហើយក៏ជាធាតុដែលបញ្ជាក់ថាមានទឹក។
ស្ថានីយចុះចតរបស់ ប្រទេសចិន បានប្រមូលភ័ស្ដុតាងស្ដីពីទឹក ដោយផ្ទាល់ជាលើកដំបូងនៅលើឋានព្រះចន្ទ។ សម្មតិកម្មស្ដីពីទឹកលើឋានព្រះចន្ទនាពេលកន្លងមកដែលយោងទៅលើទិន្នន័យបានពីយាន Chandrayaan ១ (ឥណ្ឌា) គឺប្រមូលបានពីគន្លងគោចរ។
សំណាកវត្ថុធាតុថ្មីដែល Chang’e ៥ ទើបតែបានរកឃើញ បង្ហាញថា ទឹកដែលត្រូវបានរកឃើញនៅលើដីរបស់ព្រះចន្ទនេះបានមកពីប្រភពគួរឱ្យភ្ជាក់ផ្អើល នោះគឺនៅក្រោមដី។ កន្លងមក ក្រុមអ្នកវិទ្យាសាស្ត្រជឿថា ទឹកនៅលើឋានព្រះចន្ទគឺជាលទ្ធផលដែលបង្កើតឡើងដោយសារខ្យល់ព្រះអាទិត្យ។
បច្ចុប្បន្ន ភ័ស្ដុតាងថ្មីបង្ហាញថា ប្រភពទឹកគឺស្ថិតនៅក្នុងខ្លួនរបស់ព្រះចន្ទ។ ក៏ប៉ុន្តែ បរិមាណ hydroxyl ដែលត្រូវបានរកឃើញគឺមានតិចតួចខ្លាំងណាស់ គឺប្រហែល ៣០ ក្រាមប៉ុណ្ណោះនៅក្នុងដីព្រះចន្ទ ១ តោន។ ដូច្នេះ ព្រះចន្ទមិនមែនសោះកក្រោះទាំងស្រុងឡើង ប៉ុន្តែវាស្ងួតជាងបើធៀបនឹងសម្មតិកម្មដំបូង។
ការរកឃើញទឹកពិតជាមានសារសំខាន់សម្រាប់មហិច្ឆតាសាងសង់មូលដ្ឋានរបស់ ចិន នៅលើឋានព្រះចន្ទក្នុងឆ្នាំ ២០២៧។ យោងតាមកម្មវិធី Chang’e ៥ ប្រទេសចិន មានបេសកកម្មចំនួន ៣ ទៀតនៅលើឋានព្រះចន្ទ។ បេសកកម្មទាំងនេះគឺជាគ្រឹះសម្រាប់ការសាងសង់មូលដ្ឋាននៅលើភពរណបមួយនេះ។
យន្តហោះត្រូវត្រលប់ក្រោយ និងចុះចតបន្ទាន់ ព្រោះតែម៉ាស៊ីនត្រូវឆាបឆេះ
(ឥណ្ឌា)-យន្តហោះដឹកអ្នកដំណើរមួយគ្រឿងដែលកំពុងហោះទៅកាន់ រដ្ឋធានីញូវដែលី កាលពីម្សិលមិញ ត្រូវចុះចតជាបន្ទាន់ ដោយសារតែម៉ាស៊ីនរបស់វាឆាបឆេះ។
យន្តហោះមួយគ្រឿងរបស់ក្រុមហ៊ុនអាកាសចរណ៍ក្នុងស្រុក SpiceJet បានហោះត្រលប់ទៅកាន់ព្រលានយន្តហោះនៅឯទីក្រុង Patna ភាគខាងកើតប្រទេសឥណ្ឌា នៅពេលកើតហេតុការណ៍អគ្គិភ័យ នេះបើតាមសមត្ថកិច្ច។ អ្នកដំណើរទាំង ១៨៥ នាក់ នៅលើយន្តហោះនេះ ត្រូវបានជម្លៀសខ្លួនចេញពីយន្តហោះដោយសុវត្ថិភាព។
Chandrashekhar Singh ដែលជាមន្ត្រីក្នុងតំបន់មួយរូបបានឱ្យដឹងថា «មូលហេតុនៃករណីឆាបឆេះនេះគឺដោយសារបញ្ហាបច្ចេកទេស។ ក្រុមបច្ចេកទេសកំពុងតែធ្វើការវិភាគ»។
អ្នកដំណើរម្នាក់បាននិយាយថា អ្នកនៅលើយន្តហោះបានឮសំឡេងរំខានខ្លាំងក្នុងរយៈពេលប្រហែល ១៥ នាទីដំបូងបន្ទាប់ពីយន្តហោះនេះបានហោះឡើង។ «អ្នកបើកបរបានរាយការណ៍ថា មានបញ្ហាមួយចំនួន ហើយយើងនឹងត្រលប់ទៅកាន់ទីក្រុង Patna…។ បញ្ហានេះគឺពិតជាគួរឱ្យភ័យខ្លាច» អ្នកដំណើរម្នាក់នេះបន្ថែមដូច្នេះ។
ទូរទស្សន៍ NDTV ដកស្រង់ប្រភពព័ត៌មានក្នុងវិស័យអាកាសចរណ៍ ឱ្យដឹងថា អគ្គិភ័យនេះអាចកើតឡើងដោយសារសត្វហោះបុកចូលក្នុងម៉ាស៊ីន។
តាលីបង់ ប្រដូចស្ត្រីដែលមិនបិទបាំងមុខ ទៅនឹង «សត្វតិរច្ឆាន»
(អាហ្វហ្គានីស្ថាន)-ប៉ូលិសសាសនារបស់ តាលីបង់ បិទបដានៅពាសពេញទីក្រុង Kandahar និយាយថា ស្ត្រីដែលមិនបិទបាំងមុខគឺកំពុងតែ «ព្យាយាមធ្វើខ្លួនឱ្យដូចសត្វ»។
ក្រសួងអប់រំសីលធម៌ និងបង្ការអំពើពុករលួយ ដែលជាស្ថាប័នអនុវត្តច្បាប់សាសនាអ៊ីស្លាម ក្នុងសប្ដាហ៍នេះ បានបិទប្រកាសនៅពេសពេញដងផ្លូវក្នុងទីក្រុង Kandahar ភាគខាងត្បូងអាហ្វហ្គានីស្ថាន បង្ហាញអំពីរូបភាព burqa ដែលជាប្រភេទសម្លៀកបំពាក់ គ្របពីក្បាលដល់ចុងជើង សម្រាប់ស្ត្រីដែលកាន់សាសនាអ៊ីស្លាម។
«ស្ត្រីជាអ៊ីស្លាមសាសនិកទាំងឡាយដែលមិនពាក់កន្សែងគ្របក្បាល កំពុងតែធ្វើខ្លួនឱ្យដូចសត្វតិរច្ឆាន» នេះបើតាមខ្លឹមសារដែលបានសរសេរនៅលើបដា និងផ្ទាំងប្រកាសព័ត៌មាននានាដែលត្រូវបានបិទនៅតាមហាងកាហ្វេ ហាងទំនិញ ក៏ដូចជានៅលើផ្ទាំងផ្សាយពាណិជ្ជកម្មនៅ Kandahar ជាមូលដ្ឋានអំណាចសំខាន់ជាងគេរបស់ តាលីបង់។
យោងតាមបណ្ដាផ្ទាំងប្រកាសព័ត៌មាន ការស្លៀកពាក់ខើចខ្លី រឹបរាង និងស្ដើង ក៏ជាប្រការផ្ទុយពីបទបញ្ជារបស់ អាជ្ញាធរតាលីបង់។
ចាប់តាំងពីបានឡើងកាន់អំណាចកាលពីខែសីហា ឆ្នាំ ២០២១ តាលីបង់ បានរឹតបន្តឹងបញ្ហាជាច្រើនចំពោះស្ត្រី។ កាលពីខែឧសភា ២០២២ តាលីបង់ ក៏បានអនុម័តបទបញ្ជាដែលនិយាយថា ស្ត្រីគួរតែនៅផ្ទះ។ ស្ត្រីអាហ្វហ្គានីស្ថាន ក៏ត្រូវបានបញ្ជាឱ្យបិទមុខ បើសិនចេញទៅកាន់ទីសាធារណៈ។
តាលីបង់ កន្លងមក បានសន្យាលើរឿងជាច្រើន ក៏ប៉ុន្តែ ភាគច្រើនមិនត្រូវបានពួកគេគោរពអនុវត្ត ក្នុងនោះមានដូចជាការអនុញ្ញាតឱ្យនិស្សិតស្រីចូលរៀនជាដើម ធ្វើឱ្យមានការរិះគន់ពីរដ្ឋាភិបាលបរទេស។
ស្នងការសិទ្ធិមនុស្សនៃ អង្គការសហប្រជាជាតិ Michelle Bachelet កាលពីថ្ងៃទី ១៥ មិថុនា បានរិះគន់អាជ្ញាធរតាលីបង់ ព្រោះតែ «ការកៀបសង្កត់ជាប្រព័ន្ធដែលត្រូវបានដាក់ជារបប» ទៅលើស្ត្រីភេទ។ លោកស្រី Bachelet ថ្លែងថា «ស្ថានភាពរបស់ពួកគេ (ស្ត្រីអាហ្វហ្គានីស្ថាន) គឺពិតជាគ្រោះថ្នាក់ និងលំបាកខ្លាំង»៕
ផ្លូវដែកប្រវែងជិត ៣,០០០ គីឡូម៉ែត្រ ព័ទ្ធជុំវិញសមុទ្រខ្សាច់ ចាប់ផ្ដើមដំណើរទាំងស្រុង
គម្រោង Hotan-Ruoqiang នៅ ស៊ីនជាំង បានចាប់ផ្ដើមដំណើរការ និងក្លាយជាផ្លូវដែកព័ទ្ធជុំវិញសមុទ្រខ្សាច់ដំបូងគេបង្អស់ក្នុងពិភពលោក។
ក្រុមហ៊ុនផ្លូវដែករដ្ឋចិន (CR) កាលពីថ្ងៃទី ១៥ មិថុនា បានប្រកាសត្រៀមដំណើរការផ្លូវដែកមួយខ្សែដែលមានប្រវែង ២,៧១២ គីឡូម៉ែត្រ ព័ទ្ធជុំវិញសមុទ្រខ្សាច់ Taklimakan បន្ទាប់ពីកំណត់ផ្លូវដែកចុងក្រោយដែលតភ្ជាប់ស្រុក Hotan នៅភាគខាងលិចតំបន់ ស៊ីនជាំង ជាមួយនឹងស្រុក Ruoqiang នៅភាគអាគ្នេយ៍ ត្រូវបានដាក់ឱ្យដំណើរការជាផ្លូវការកាលពីថ្ងៃព្រហស្បតិ៍កន្លងទៅ។
កំណាត់ផ្លូវដែក Hotan-Ruoqiang ប្រវែង ៨២៥ គីឡូម៉េត្រ ក្នុងនោះមាន ៥២៤ គីឡូម៉ែត្រ រត់ឆ្លងកាត់តំបន់ខ្សាច់។ ផ្លូវដែកនេះអាចឱ្យរថភ្លើងធ្វើដំណើរក្នុងល្បឿន ១២០ គីឡូម៉ែត្រ/ម៉ោង និងឆ្លងកាត់ស្ថានីយរថភ្លើងចំនួន ២២ កន្លែង។
ដោយស្ថិតនៅភាគខាងត្បូងនៃសមុទ្រខ្សាច់ផ្លាស់ទីធំជាងគេទីពីរក្នុងពិភពលោក ផ្លូវដែក Hotan-Ruoqiang ត្រូវប្រឈមនឹងឧបសគ្គច្រើនក្នុងដំណាក់កាលសាងសង់ ក៏ដូចជាដំណើរការ។
ដើម្បីសុវត្ថិភាពសម្រាប់ការធ្វើដំណើរនៅតំបន់ដែលកើតមានព្យុះខ្សាច់ជាញឹកញាប់ ក្រុមហ៊ុនខាងលើបានសាងសង់ស្ពានគោកជិត ២២០ ស្ពាននៅទូទាំងផ្លូវដែក។ សំណាញ់ស្មៅប្រមាណ ៥០ លានម៉ែត្រគូប និង រុក្ខជាតិចំនួន ១៣ លានដើមក៏ត្រូវបានដាំនៅតាមបណ្ដោយផ្លូវដែកនេះ ដើម្បីទប់ទល់នឹងខ្សាច់។
ផ្លូវដែក Hotan-Ruoqiang ដែលបានចាប់ផ្ដើមលក់សំបុត្រកាលពីថ្ងៃទី ១៦ មិថុនា នឹងមានជើងរថភ្លើងដឹកអ្នកដំណើរចំនួន ២ ជើង និងដឹកទំនិញ ៨ ជើងជារៀងរាល់ថ្ងៃ។
ផ្លូវដែក Hotan-Ruoqiang ផ្ដល់ផលប្រយោជន៍ដល់មនុស្សជាង ១០ លាននាក់ ចាប់ពីភាគខាងត្បូងតំបន់ស៊ីនជាំង រួមមានទាំងតំបន់ស្វយ័ត Byaingolin, Kizilsu Kirghiz និងតំបន់ Aksu, Kashgar និង Hotan។
ផ្លូវដែកនេះអាចជាផ្លូវដែកខ្លីបំផុតដែលដឹកទំនិញពី ប្រទេសចិន ទៅកាន់ អឺរ៉ុប និង មជ្ឈិមបូព៌ា កាត់បន្ថយការធ្វើដំណើរចម្ងាយ ៩០០ គីឡូម៉ែត្រ និងសំច័យពេលធ្វើដំណើរបានពី ៧ ដល់ ៩ ថ្ងៃ។
គិតត្រឹមចុងឆ្នាំ ២០២១ ប្រវែងសរុបនៃផ្លូវដែកកំពុងដំណើរការរបស់ ចិនដីគោក មានជាង ១៥០,០០០ គីឡូម៉ែត្រ ក្នុងនោះមានជាង ៤០,០០០ គីឡូម៉ែត្រ ជាផ្លូវដែកល្បឿនលឿន៕
ក្រុមហ៊ុនផលិតរថយន្តអគ្គិសនីរបស់ វៀតណាម មានគម្រោងបើកហាង VinFast Store ដំបូងជាង ៥០ កន្លែង នៅ អឺរ៉ុប
កាលពីថ្ងៃទី ១៣ មិថុនា ក្រុមហ៊ុន VinFast ប្រកាសគម្រោងបើកមជ្ឈមណ្ឌលពាណិជ្ជកម្មជាង ៥០ កន្លែង នៅក្នុង ប្រទេសអាល្លឺម៉ង់, បារាំង និង ហូឡង់ នៅក្នុងកម្មវិធីបង្ហាញជាផ្លូវការនូវរថយន្តអគ្គិសនីម៉ូដែល VF ៨ និង VF ៩ នៅក្នុង ទីផ្សារអឺរ៉ុប។
ក្រុមហ៊ុនដែលទើបតែលេចធ្លោមួយនេះ មានគម្រោងបើក VinFast Store យ៉ាងតិច ២៥ នៅ អាល្លឺម៉ង់, ២០ នៅ បារាំង និង ៥ នៅ ហូឡង់។ បណ្ដាហាងនៅ អាល្លឺម៉ង់ នឹងបង្ហាញខ្លួននៅក្នុងបណ្ដាទីក្រុងធំៗដូចជា Frankfurt, Berlin, Cologne, Oberhausen និង Hamburg។ ចំណែកនៅ បារាំង ហាងទាំងនេះនឹងមាននៅទីក្រុងប៉ារីស, Marseille, Nantes, Rennes, Nice។ល។ រីឯនៅ ប្រទេសហូឡង់ វិញ VinFast Store នឹងមាននៅទីក្រុងអាំស្ទែដាំ។
ថ្មីៗនេះ VinFast ក៏បានប្រកាសអំពីតម្លៃរថយន្ត និងកញ្ចប់សេវាជួលថ្មនៅ អាល្លឺម៉ង់, បារាំង និង ហូឡង់។ ក្នុងនោះ ដើម្បីលើកទឹកចិត្តដល់អតិថិជនដំបូងៗ ក្រុមហ៊ុននេះនឹងផ្ដល់តម្លៃថេរចំពោះការជួលថ្ម ដោយមិនផ្លាស់ប្ដូរជារៀងរហូត សម្រាប់អ្នកទិញ VF ៨ និង VF ៩ ក្នុងឆ្នាំ ២០២២ និង ២០២៣៕
Ford អញ្ជើញសាធារណជន ចួលរួមក្នុងកម្មវិធីបើកបរសាកល្បងរថយន្ត Ford Ranger ស៊េរីថ្មីឆ្នាំ ២០២៣
កម្មវិធីបើកបរសាកល្បងរថយន្ត Ford Ranger ស៊េរីថ្មីឆ្នាំ ២០២៣ នេះ នឹងប្រព្រឹត្តឡើងនៅ៖
- នៅថ្ងៃទី ១៧ ខែមិថុនា ឆ្នាំ ២០២២
- ចាប់ពីម៉ោង ៩ ព្រឹក ដល់ម៉ោង ៤ ល្ងាច
- នៅ ដឹ ព្រេមៀ សេនធ័រ សែនសុខ (ទល់មុខផ្សារទំនើបអ៊ីអនម៉ល សែនសុខ)។
- រាល់ការអញ្ជើញចូលរួមកម្មវិធីបើកបរសាកល្បងរថយន្ត Ford Ranger ស៊េរីថ្មីឆ្នាំ ២០២៣ នេះលោកអ្នកនឹងទទួលបានកាដូអនុស្សាវរីយ៍។
ជិតដល់ពេលត្រូវ «បោះបង់រថយន្តសាំង» ហើយមែនទេ បន្ទាប់ពី អឺរ៉ុប កំណត់កាលបរិច្ឆេទ «ហាមលក់ចាប់ពីឆ្នាំ ២០៣៥»?
ជាក់ស្ដែងគឺនៅមានឧបសគ្គយ៉ាងច្រើននៅក្នុងដំណើរឆ្ពោះទៅរកគោលដៅហាមលក់រថយន្តប្រើប្រេងសាំងថ្មីនៅឆ្នាំ ២០៣៥ សូម្បីតែនៅក្នុងទីផ្សារមួយដែលបានរីកចម្រើនហើយក៏ដោយ។
កាលពីសប្ដាហ៍កន្លង ក្រុមអ្នកបង្កើតច្បាប់នៅ សហភាពអឺរ៉ុប (EU) បានបោះឆ្នោតអនុម័តលើការហាមលក់រថយន្តដំណើរការដោយប្រេងសាំង និងម៉ាស៊ូតថ្មី នៅក្នុងតំបន់នេះចាប់ពីឆ្នាំ ២០៣៥។
គោលដៅដែលកំណត់លើការប្រើប្រាស់រថយន្តអគ្គិសនី ត្រូវបានបញ្ជាក់យ៉ាងច្បាស់
សេចក្ដីព្រាងច្បាប់ស្ដីពីផែនការប្រើប្រាស់រថយន្តអគ្គិសនី ១០០% ត្រូវបាន សភាអឺរ៉ុប (MEP) អនុម័តកាលពីសប្ដាហ៍កន្លង ក្នុងនោះ មានសំឡេងគាំទ្រចំនួន ៣៣៩ សំឡេង, ប្រឆាំងចំនួន ២៤៩ សំឡេង និងអនុបវាទ ២៤ សំឡេង។
គម្រោងដែលត្រូវបានអនុម័តខាងលើ បានជួយឱ្យ EU បោះមួយជំហានយ៉ាងវែងនៅក្នុងដំណើរទៅរកគោលដៅកាត់បន្ថយការបំភាយឧស្ម័នផ្ទះកញ្ចក់ពីរថយន្ត និងយានយន្តធុនស្រាលឱ្យបាន ១០០% ក្នុងឆ្នាំ ២០៣៥ ធៀបនឹងឆ្នាំ ២០២១។ គោលដៅកាត់បន្ថយការបំភាយឧស្ម័នកាបូន នៅឆ្នាំ ២០៣០ របស់ EU គឺ ៥០% សម្រាប់រថយន្តដឹកទំនិញ និង ៥៥% សម្រាប់រថយន្តទេសចរណ៍។
ក្នុងព្រឹត្តិការណ៍សន្ទនាអំពីបញ្ហាអាកាសធាតុដែលត្រូវបានធ្វើឡើងនៅ Glasgow កាលពីខែវិច្ឆិកា ២០២១ ក្រុមមេដឹកនាំ បានអំពាវនាវដោយមិនមានការបង្ខំចំពោះបណ្ដាប្រទេសក្នុងពិភពលោកថា សង្ឃឹមថា នៅឆ្នាំ ២០៤០ យានយន្តដែលត្រូវបានលក់ចេញ សុទ្ធតែជាប្រភេទមិនបំភាយឧស្ម័នពុល។
ក្រោយព្រឹត្តិការណ៍នៅ Glasgow មានសកម្មភាពជាច្រើនត្រូវបានធ្វើឡើងក្នុងបំណងគាំទ្រដល់ការអំពាវនាវខាងលើ។ ក្រុមហ៊ុនផលិតរថយន្តបែបប្រពៃណីជាច្រើនបានប្រកាសផែនការងាកទៅផលិតយានយន្តអគ្គិសនីទាំងស្រុងចាប់ពីឆ្នាំ ២០៣០ ឬ ២០៣៥ ដូចទៅនឹងគម្រោងរបស់រដ្ឋាភិបាលមួយចំនួន។
គោលដៅបញ្ចប់ការលក់យានយន្តប្រើប្រាស់ប្រេងសាំងនៅឆ្នាំ ២០៣៥ មិនងាយនឹងសម្រេចបាន
ឆ្នាំ ២០៣៥ ស្ដាប់ទៅដូចជានៅយូរទៀត ក៏ប៉ុន្តែ បណ្ដាប្រទេសមានពេលតែ ១២ ឆ្នាំទៀតប៉ុណ្ណោះដើម្បីអនុវត្ត។ អ្នកជំនាញជាច្រើនយល់ថា ១២ ឆ្នាំ គឺមិនគ្រប់គ្រាន់ឡើយនៅក្នុងការអនុវត្តផែនការបដិវត្តមធ្យោបាយដឹកជញ្ជូន សូម្បីតែនៅក្នុងទីផ្សារដែលរីកចម្រើនខ្លាំងដូច អឺរ៉ុប និង សហរដ្ឋអាម៉េរិក។
ហេដ្ឋារចនាសម្ព័ន្ធ (ក្នុងនោះមានទាំងបណ្ដាស្ថានីយបញ្ចូលថាមពលអគ្គិសនី) បច្ចុប្បន្នមិនទាន់មានច្រើននៅឡើយ «ការបញ្ចប់ការជួញដូររថយន្តប្រើសាំងនៅឆ្នាំ ២០៣៥ ទាមទារឱ្យមានការផ្លាស់ប្ដូរធំធេង តាំងពីការវិនិយោគទៅលើហេដ្ឋារចនាសម្ព័ន្ធ រហូតដល់ការផ្លាស់ប្ដូរការគិត និងឥរិយាបថរបស់អ្នកប្រើប្រាស់» Jasmine Sanders នាយកប្រតិបត្តិរបស់ OurClimate ឱ្យដឹងដូច្នេះ។
សមាគមអ្នកផលិតរថយន្តអឺរ៉ុប (ACEA) ឱ្យដឹងថា ពួកគេបារម្ភចំពោះគោលដៅកាត់បន្ថយការបំភាយឧស្ម័នកាបូន ១០០% ពីរថយន្ត ចាប់ពីឆ្នាំ ២០៣៥ របស់ EU។
Oliver Zipse ប្រធានរបស់ ACEA និងជានាយកប្រតិបត្តិរបស់ BMW និយាយថា វិស័យផលិតរថយន្តកំពុងស្ថិតក្នុងដំណាក់កាលជំរុញឱ្យមានរថយន្តអគ្គិសនី ក្នុងនោះ ម៉ូដែលថ្មីៗជាច្រើនបានបង្ហាញខ្លួនជាបន្តបន្ទាប់។ ប៉ុន្តែ លោកថា កាលបរិច្ឆេទរបស់ EU ហាក់ឆាប់រហ័សពេកហើយ៕