ប្រធានាធិបតី ចូ បៃដិន ប្រកាសថា ជំងឺរាតត្បាតសកលកូវីដ-១៩ នៅ សហរដ្ឋអាម៉េរិក បានបញ្ចប់ ប៉ុន្តែថា រដ្ឋាភិបាលនៅតែមានកិច្ចការជាច្រើនដែលត្រូវធ្វើដើម្បីទប់ទល់នឹងប្រភេទវីរុសដែលបានសម្លាប់មនុស្សជាង ១ លាននាក់នៅប្រទេសនេះ។
«ជំងឺរាតត្បាតសកលបានបញ្ចប់ ប៉ុន្តែយើងនៅមានបញ្ហាជាមួយនឹងកូវីដ-១។ យើងនៅតែធ្វើកិច្ចការជាច្រើនដើម្បីដោះស្រាយ ប៉ុន្តែ ជំងឺរាតត្បាតសកលនេះបានបញ្ចប់ហើយ។ ដូចអ្នកបានឃើញហើយ លែងមានអ្នកណាពាក់ម៉ាស។ គ្រប់គ្នាទំនងជាកំពុងស្ថិតក្នុងស្ថានភាពល្អប្រសើរ។ ខ្ញុំគិតថា គ្រប់យ៉ាងបានប្រែប្រួល» ប្រធានាធិបតីអាម៉េរិក លោក ចូ បៃដិន ថ្លែងនៅក្នុងកម្មវិធី «៦០ នាទី» របស់ CBS កាលពីថ្ងៃទី ១៨ កញ្ញា។
យោងតាម CNN ទីក្រុងវ៉ាស៊ីងតោន នៅតែកំណត់ថា កូវីដ-១៩ គឺជាស្ថានភាពបន្ទាន់នៃសុខភាពសាធារណៈ ខណៈដែល អង្គការសុខភាពពីភពលោក (WHO) ក៏អះអាងដូច្នេះ។ ការអធិប្បាយរបស់លោក ចូ បៃដិន ត្រូវបានលើកឡើងបន្ទាប់ពីមានការថ្លែងប្រកបដោយភាពជឿជាក់ពីក្រុមមេដឹកនាំផ្នែកសុខាភិបាលនៃបណ្ដាប្រទេសក្នុងពិភពលោក។
នៅក្នុងសន្និសីទសារព័ត៌មានមួយកាលពីសប្ដាហ៍កន្លង ប្រធានអង្គការសុខភាពពិភពលោក (WHO) លោក Tedros Adhanom Ghebreyesus បានឱ្យដឹងថា «សប្ដាហ៍កន្លង តួលេខប្រចាំសប្ដាហ៍ស្ដីពីអ្នកស្លាប់ដោយសារកូវីដ-១៩ បានថយចុះទាបបំផុតរាប់ចាប់ពីខែមីនា ២០២០។ យើងមិនធ្លាប់បានស្ថិតក្នុងស្ថានភាពល្អបែបនេះ ចាប់តាំងពីជំងឺរាតត្បាតសកលបានផ្ទុះឡើង»។
