Author: អេបិល

  • ទស្សនាកម្រងរូបភាព Pre-Wedding របស់កវីល្បីឈ្មោះ សុខ ជំនោរ

    ទស្សនាកម្រងរូបភាព Pre-Wedding របស់កវីល្បីឈ្មោះ សុខ ជំនោរ

    ប៉ុន្មានម៉ោងមុននេះបន្ដិច  គូ​ដណ្ដឹង​របស់​លោក​ សុខ ជំនោរ គឺ​កញ្ញា ស្រី សុ​រង្សី បានបង្ហោះរូបថតជាច្រើនសន្លឹកលើបណ្ដាញទំនាក់ទំនងសង្គម Fcaebook ដែលបង្ហាញពីភាពផ្អែមល្ហែមជាមួយកវីល្បីឈ្មោះរូបនេះ ។ គេសង្កេតឃើញថា រូបភាពទាំងអស់នេះ គឺជាកម្រងរូបភាព Pre-Wedding  ដែលបានផ្ដិតយកទេសភាពនៅខេត្តមណ្ឌលគិរី។ មានមួយសន្លឹកដែលបញ្ជាក់ពីស្នេហាដ៏ស្មោះស័្មគ្ររវាងអ្នកទាំងពីរដោយបានចារជាអក្ខរានៅលើរូបភាពថា “មាត់មិននិយាយ តែបេះដូងឮ”  អូហូ! ពិតជាផ្អែមជាងស្ករ និងទឹកឃ្មុំទៅទៀត មិនមែនធម្មតាទេ!។ ប្រសិនបើប្រិយមិត្តបានឃើញហើយ ពិតជាអត់មិនសរសើរ មិនបានឡើយ។

    គួររំឭកផងដែរថា ​លោក​ សុខ ជំនោរ និងគូដណ្ដឹងកញ្ញា ស្រី សុ​រង្សី  បានភ្ជាប់ពាក្យនៅថ្ងៃទី6 ខែសីហា ឆ្នាំ2017 ហើយត្រៀមនឹងចូលរោងការនៅអំឡុងខែវិច្ឆិកានេះហើយ។ ដើម្បីឱ្យកាន់តែជាក់ច្បាស់ សូមទស្សនារូបភាពខាងក្រោមនេះ៖

  • សម្រស់ Miss Earth 2017 រងការរិះគន់យ៉ាងខ្លាំង

    សម្រស់ Miss Earth 2017 រងការរិះគន់យ៉ាងខ្លាំង

    ថ្មីៗនេះ តំណែងបវរកញ្ញាផែនដី ឬ Miss Earth 2017 ត្រូវបានទៅលើបវរកញ្ញា Karen Ibasco ជនជាតិហ្វ៊ីលីពីន និងព្រមទាំងទទួលបានការបំពាក់មកុដពីអតីតបវរកញ្ញាផែនដី កញ្ញា  Katherine Espin តំណាងបវរកញ្ញាផែនដីអេក្វាឌ័រ ដែលជាជយលាភីកាលពីឆ្នាំមុនផងដែរ។ នេះបើតាមសារព័ត៌មាន Abs-cbn ដែលបានចេញផ្សាយនៅថ្ងៃទី5 ខែតុលា ឆ្នាំ2017 ។

    អំឡុងពេលប្រកួតសំនួរ-ចម្លើយ បេក្ខនារី Karen Ibasco ត្រូវបានចាប់ឆ្នោតចំសំណួរដែលចោទសួរថា “តើអ្វីទៅ ឬនរណាគេដែលអ្នកនាងគិតថា ជាសត្រូវដ៏ធំបំផុតរបស់មាតាផែនដី? និងព្រោះហេតុអ្វី?” ។ មិនបង្អង់យូរ នាង Ibascoបានតបថា “នាងខ្ញុំជឿជាក់ថា បញ្ហាពិតប្រាកដនៅក្នុងពិភពលោកនេះ មិនមែនមានតែការប្រែប្រួលរបស់អាកាសធាតុនោះទេ។ បញ្ហាពិតប្រាកដគឺ ខ្លួនយើងផ្ទាល់ ពីព្រោះតែភាពល្ងង់ខ្លៅ និងភាពព្រងើយកន្ដើយរបស់យើងហ្នឹងឯង។ អ្វីដែលយើងត្រូវធ្វើគឺ ត្រូវចាប់ផ្តើមផ្លាស់ប្តូរវិធីរស់នៅរបស់យើង ដើម្បីចាប់ផ្តើមធ្វើឱ្យចិត្តរបស់យើងត្រឡប់មកវិញ និងផ្លាស់ប្តូរទិសដៅរបស់យើង ពីព្រោះការរួបរួមគ្នាជាសហគមន៍សកល និងកិច្ចខិតខំប្រឹងប្រែង ដោយរួមផ្សំពីចំណុចតូចៗ ដើម្បីជួយសង្គ្រោះកន្លែងរស់នៅ  និងស្រុកកំណើតរបស់យើងដែលនៅលើភពផែនដីនេះ”។

    គួរបញ្ជាក់ផងដែរថា យ៉ាងណាមិញ គេសង្កេតឃើញនៅលើបណ្ដាញសង្គម Facebook បច្ចុប្បន្ននេះកំពុងរិះគន់សម្រស់របស់បវរកញ្ញា  Karen Ibasco ថាដូចជា នារីភេទទី3 ដែលមើលទៅដូចជាមានវ័យចំណាស់ទៀតផង។ ការមិនពេញចិត្តនេះ បានបណ្ដាលឱ្យមានការរិះគន់ដល់កម្មវិធី  Miss Earth 2017 ដែលបានធ្វើឡើងនៅប្រទេស ហ្វីលីពីន ទាំងមូលទៀតផង៕

  • សុគន្ធ ថេរ៉ាយុ បញ្ចេញរថយន្ដប្រណីតភ្លាម ប៉ះសម្ដីជាមួយអ្នកលេងហ្វេសប៊ុកភ្លែត

    សុគន្ធ ថេរ៉ាយុ បញ្ចេញរថយន្ដប្រណីតភ្លាម ប៉ះសម្ដីជាមួយអ្នកលេងហ្វេសប៊ុកភ្លែត

    មួយរយៈចុងក្រោយថ្មីៗនេះ តារាចម្រៀងប្រចាំផលិតកម្មថោន លោក សុគន្ធ ថេរ៉ាយុ បានបង្ហោះរូបភាពជាច្រើនសន្លឹក ដែលបង្ហាញពីរថយន្តប្រណីតសេរ៊ីថ្មី Land Cruiser 2017 ដែលមានតម្លៃជិត 20 ម៉ឺនដុល្លារសហរដ្ឋអាមេរិកនៅលើបណ្ដាញសង្គមហ្វេសប៊ុករបស់លោក ។ យ៉ាងណាមិញ តារាចម្រៀងរូបនេះក៏បានប៉ះសម្ដីរិះគន់ជាមួយអ្នកលេងហ្វេសប៊ុក ដែលលោកបានចាត់ទុកពួកគេថា ជាអ្នកតាមដានជីវិតឯកជនរបស់លោក ។

    ដោយឡែកប្រភពដែលសារព័ត៌មានឡារ៉ែនទទួលបាន បានឱ្យដឹងថា អ្នកនិយមតាមដានរឿង សុគន្ធ ថេរ៉ាយុ បានបង្ហោះសារឌឺដងគ្នាមួយចំនួនពីរនាក់តែម្ដង ដែលត្រូវបានគេស្គាល់ថា ជាហ្វេសប៊ុកដែលមានឈ្មោះថា Yura Kun និងឈ្មោះ  PuthyPrak បានសរសេរសារក្នុងន័យតែមួយទាំងពីរនាក់តែម្ដងថា “Land Cruiser 08 ឡើង 017 តម្លៃយ៉ាងច្រើន 7ម៉ឺនដុល្លារ ហើយថា តម្លៃជិត20ម៉ឺនដុល្លារ អីណា!” ។ ភ្លាមៗ តារាចម្រៀង សុគន្ធ ថេរ៉ាយុ បានថតស្គ្រីន យករូបភាពរបស់គណនីទាំងពីរបង្ហោះព្រមទាំងតសម្ដីថា “អរគុណដល់លោកកូនអ្នកមាន ដែលបានតាមដានជីវិតឯកជនរបស់ខ្ញុំ ខ្ញុំអត់លុយទិញឡានរាប់សិបម៉ឺនដូចលោកទេ ចាំបាច់អីមកខ្វល់ពីជីវិតខ្ញុំ…រស់ដូចជីវិតខ្លួនឯងដោយស្រួលទៅវាថី?” ។

    គួរបញ្ជាក់ផងដែរថា មិនបានប៉ុន្មាននាទីផង គណនីហ្វេសប៊ុកទាំងពីរខាងលើ បានចូលទៅ Comment ក្នុងព័ត៌មានដែលខ្លួនបានស៊ែរ ដោយបញ្ជាក់ប្រាប់ទៅតារារូបនេះវិញថា “ខ្ញុំហ៊ានស្បថ ខ្ញុំមិនបាននិយាយពីលោកទេ គឺគ្រាន់តែស៊ែរព័ត៌មានពីគេប៉ុណ្ណោះ” ។ ក្នុង Comment នោះ បន្ទាប់មកគេសង្គេតឃើញថា តារាចម្រៀងដែលយីអ៊ុនខ្ពស់នេះបានតបទៅវិញថា “បើអ៊ីចឹងល្អហើយ យើងគ្មានអ្វីពាក់ព័ន្ធនឹងគ្នាទេ ខ្ញុំរស់ដោយជីវិតខ្ញុំ លោករស់ដោយជីវិតលោក កុំប៉ះពាល់គ្នា” ។

    ជាចុងក្រោយ ដោយក្ដីមិនសូវសប្បាយចិត្ត តារាចម្រៀងរូបនេះ ក៏បានបញ្ចេញសារថ្មីមួយទៀតថា ” មួយរយះនេះសម្បូរឆ្កែឆ្មាតាមខាំណាស់ អាណិតគ្នាដែរ ហេតុតែគ្នាច្រណែន ចង់ប្រាប់ថា បើមនុស្សមានខួរគិត គេអត់គិតគំនិតចេញមកដូចអ្នកឯងទេ មានតែខួរប្រឡាក់លាមកដូចអ្នកឯងទេដែលគិតចេញមកបែបនេះ ឃើញគេមានជួយអរគេទៅ ច្រណែនគេក៏គ្មានបានអីដែរ បានតែក្តៅក្រហាយអត់ប្រយោជន៍ទេអាក្អូន ខំប្រឹងតែខ្លួនឯងឱ្យល្អទៅ ជីវិតរបស់គេជាសិទ្ធិគេ ជីវិតអ្នកជាសិទ្ធិរបស់អ្នក កុំលូកលាន់គ្នា បើមិនពេញចិត្តទេកុំមើល អូសចោលទៅមិនបាច់ខំប្រឹង share & comment នាំតែខាតពេល និងអស់ថ្លៃ internet ទេ ចង់ប្រាប់ថា អត់បានឈឺក្បាលជាមួយទេ កុំខំប្រឹងធ្វើអ៊ីចឹងអី”៕

  • តួឯកប្រុសនៅក្នុងរឿង ” មែបៀ ” ប្រកាសរៀបការជាលើកទី2

    តួឯកប្រុសនៅក្នុងរឿង ” មែបៀ ” ប្រកាសរៀបការជាលើកទី2

    លោក ឆាគ្រីត យែមណាម ជាតួឯកប្រុសល្បីនៅក្នុងរឿង “3AM” និងរឿង “មែបៀ” ត្រូវបានព័ត៌មានមួយទម្លាយថា លោកបានប្រកាសបើកចិត្តត្រៀមនឹងរៀបមង្គលការជាលើកទី2 នៅថ្ងៃទី 7 ខែ វិច្ឆិកា ឆ្នាំ 2017 នេះ នៅក្នុងបរិវេណអាគារផលិតកម្ម GMM Grammy ទីក្រុង បាងកក ប្រទេសថៃ។ ក៏ប៉ុន្ដែព័ត៌មានប្រកាសរៀបអាពាហ៍ពិពាហ៍នេះ អ្នកគាំទ្ររបស់លោកទាំងអស់បានរិះគន់វិញថា អាចជាក្ដីអស់សង្ឃឹមច្រើនជាងទៅវិញទេ ពីព្រោះតែអ្នកគ្រប់គ្រងរបស់តារាស្រី ដែលជាអនាគតកូនក្រមុំបានអះអាងថា លោក ឆាគ្រីត យល់ឃើញ និងប្រកាសតែម្ខាងប៉ុណ្ណោះ ចំពោះខាងស្រីមិនទាន់បានបញ្ជាក់ទេ។ នេះបើតាមសារព័ត៌មាន Kapook បានចេញផ្សាយមុននេះបន្ដិច នៅថ្ងៃទី 4 ខែ វិច្ឆិកា ឆ្នាំ2017 ។

    ដោយឡែកសារព័ត៌មានដដែល និង តាមរយៈបណ្ដាញទំនាក់ទំនងសង្គម Facebook របស់តារាស្រីខាងលើនេះ ដែលមានឈ្មោះថា​ Pattira Ann Roongroj បានបញ្ជាក់ឱ្យដឹងផងដែរថា ជុំវិញព័ត៌មាននេះស្ថានីយ៍ទូរទស្សន៍ One Tv ប៉ុស្តិ៍លេខ 31 នឹងអញ្ជើញតារាប្រុសរូបនេះ ចូលរួមក្នុងកម្មវិធី One Entertainment ដើម្បីផ្ដល់បទសម្ភាសន៍ករណីពាក់ព័ន្ធជាមួយ ការប្រកាសរៀបការជាលើកទី 2 របស់លោកនៅថ្ងៃទី 7 ខាងមុខនេះ​ ដែលខណៈនេះ លោកកំពុង តែស្ថិតនៅប្រទេស ឡាវនៅឡើយទេ តែលោកនឹងត្រឡប់មកប្រទេសថៃវិញ នៅថ្ងៃទី 5 ខែវិច្ឆិកា នេះផងដែរ។ គួរបញ្ជាក់ផងដែរថា កូនក្រមុំរបស់នាយ ឆាគ្រីត យែមណាម មានឈ្មោះថា ” អេន ផាត់ធិរ៉ា ” ៕

     

  •  មណ្ឌលកម្សាន្តណាហ្គាវើលទី២ សម្ពោធជាផ្លូវការ ខណៈគម្រោងទី៣កំពុងសិក្សា

     មណ្ឌលកម្សាន្តណាហ្គាវើលទី២ សម្ពោធជាផ្លូវការ ខណៈគម្រោងទី៣កំពុងសិក្សា

    នៅក្នុងឳកាសពិធីបើកជាផ្លូវការ នៃមណ្ឌលកម្សាន្តណាហ្គាវើលទី២ នៅយប់ថ្ងៃទី៣ ខែវិច្ឆិកា ឆ្នាំ២០១៧ ដោយអញ្ជើញចូលរួមពីលោក ថោង ខុន រដ្ឋមន្រ្តីក្រសួងទេសចរណ៍ នៃប្រទេសកម្ពុជា និងជាប្រធានគណៈកម្មាធិការជាតិ អូឡាំពិកកម្ពុជា និងលោក Tan Sri Dr. Chen Lip Keong ជាស្ថានិក និងនាយកប្រតិបត្តិ ក្រុមហ៊ុនណាហ្គាខប លីមីធីត ព្រមទាំងឯកអគ្គរដ្ឋអាស៊ាន ប្រចាំនៅប្រទេសកម្ពុជាទំាង១០ប្រទេស ក្នុងរាត្រីសមោលអាស៊ានហ្គោល ក្រោមបរិយាកាសរីករាយ និងស្និទ្ធស្នាលបំផុត ។

    លោក Tan Sri Dr. Chen Lip Keong ជាស្ថានិក និងនាយកប្រតិបត្តិក្រុមហ៊ុនណាហ្គាខប លីមីធីតបានមានប្រសាសន៍ថា ណាហ្គាខបមិនត្រឹមតែជា មណ្ឌលកម្សាន្តចម្រុះធំជាងគេ ក្នុងប្រទេសកម្ពុជាប៉ុណ្ណោះទេ តែថែមទំាំងធំជាងគេ ក្នុងតំបន់ទន្លេមេគង្គទៀតផង។ វាជាក្រុមហ៊ុនកាស៊ីណូទីមួយ នៅក្នុងទីផ្សារភាគហ៊ុន ទីក្រុងហុងកុង ដែលបានចុះបញ្ជីឆ្នាំ២០០៦ និងជាក្រុមហ៊ុនបរទេសទីមួយ ដំណើរការមានមូលដ្ឋាននៅប្រ ទេសកម្ពុជា ថែមទំាងចុះបញ្ជីទីផ្សារភាគហ៊ុន នៅក្រៅប្រទេស ចំពោះណាហ្គាខប បានផ្តល់ការងារ ដល់ប្រជាជនកម្ពុជា ប្រមាណមួយម៉ឺននាក់ ។ មានន័យថា យើងបានជួយបង្កើតការងារ និងចូលរួមអភិឌ្ឍវិស័យសេដ្ឋកិច្ច និងសង្គមក្នុងប្រទេសកម្ពុជា ប្រកបដិយភាពវិជ្ជមាន យើងបានជួយលើកកម្ពស់ វិស័យទេសចរណ៍ លើកកម្ពស់ការវិនិយោគទុន ពីបរទេសទាកទាញ FDI និងជាក្រុមហ៊ុនធំជាងគេ ដែលបានបង់ពន្ធយ៉ាងត្រឹមត្រូវ ដល់ប្រទេសកម្ពុជា។

    លោកនាយកប្រតិបត្តិក្រុមហ៊ុន ណាហ្គាខប បានបន្តថា នៅក្រោមការដឹកនាំដ៏ឈ្លាសវៃ របស់សម្តេចអគ្គមហាសេនាបតីតេជោ ហ៊ុន សែន ប្រទេសកម្ពុជាមានស្ថេរភាពនយោបាយ ដែលស្ថេរភាពនេះនឹងនាំ នាវាកម្ពុជាឆ្ពោះទៅរកភាពរីកចម្រើនជាលំដាប់ កាន់តែឆាប់រហ័ស។ ខ្ញុំជឿជាក់ថា ប្រទេសកម្ពុជានឹងមានសន្តិភាព សន្តិសុខ និង ស្ថេរភាពនយោបាយ តរៀងទៅដែលជាប្រទេស ប្រជាធិបតេយ្យសេរីពហុបក្ស។ ជាមួយគ្រឹះនយោបាយដ៏រឹងមាំនេះ ខ្ញុំជឿជាក់ថាប្រជាជនកម្ពុជា នឹងមានជីវភាពកាន់តែប្រសើរថែមទៀត ព្រមទាំងអាចទាក់ទាញ វិនិយោគិនឲ្យមកវិនិយោគ កាន់តែច្រើនថែមទៀត ។

    តាមរបាយការណ៍ របស់ធនាគារពិភពលោកបានឲ្យដឹងថា កម្ពុជាគឺជាប្រទេសមួយ ដែលមានសេដ្ឋកិច្ចរីកចម្រើន យ៉ាងឆាប់រហ័សក្នុងទ្វីបអាស៊ី គឺកើនឡើង៧ភាគរយ ហើយអត្រានៃភាពក្រីក្រ បានថយចុះពី ៤៧,៨ភាគរយ ក្នុងឆ្នាំ២០០៧ ទៅ ១៣,៥ភាគរយក្នុងឆ្នាំ២០១៤ ។
    អតីតនាយកប្រចាំប្រទេស នៃធនាគារពិភពលោកប្រចាំតំបន់អាស៊ី ភាគអាគ្នេយ៍លោក Ultrich Zachau បានមានប្រសាសន៍ថា “អ្វីដែលធ្វើឲ្យចាប់អារម្មណ៍ខ្លាំងនោះ គឺកម្ពុជាមានអភិវឌ្ឍខ្លួន យ៉ាងឆាប់រហ័សក្នុងរយៈពេលដ៏ខ្លី”។ កម្ពុជានឹងមានសេដ្ឋកិច្ច កាន់តែប្រសើរ ហើយអត្រានៃភាពក្រីក្រ នឹងកាន់តែថយចុះ ខ្ញុំគិតថាកម្ពុជា គឺជាប្រទេសដែលបានកាត់បន្ថយ ភាពក្រីក្រយ៉ាងឆាប់រហ័សមួយ ក្នុងទ្វីបអាស៊ី និងពិភពលោក ។

    ខ្ញុំជឿជាក់ថា ចំនួនបន្ទប់នៅមណ្ឌលកម្សាន្ត NagaCity Complex នឹងអាចកើនដល់ពីប្រហែល ៧០០០ដល់១០០០០ បន្ទប់ ហើយខ្ញុំសង្ឃឹមថា ក្នុងពេលឆាប់ៗនេះ អ្នកទាំងអស់គ្នាប្រហែល ជានឹងអាចចូលរួមពិធីបើកសម្ពោធ ណាហ្គាទី៣ ក៏ថាបាន។ ណាហ្គាខប គឺជាមណ្ឌលកម្សាន្តចម្រុះ លំដាប់ពិភពលោកដែលជាក្រុមហ៊ុន និងសណ្ឋាគារ ដែលរកប្រាក់ចំណេញ បានច្រើនជាងគេមួយនៅក្នុងពិភពលោក។  ជាមួយការបើកដំណើរការ នៃណាហ្គាទី២ និងផ្សារទំនើបក្រោមដីណាហ្គាស៊ីធីវ៉ក វានឹងក្លាយទៅជាមណ្ឌល កម្សាន្តចម្រុះលំដាប់ពិភពលោកមួយ ដែលមានទឹកប្រាក់វិនិយោគប្រមាណ១,៥កោដិ ដុល្លារអាមេរិក។ គិតត្រឹមថ្ងៃទី ៣១ តុលា ២០១៧ មូលធនទីផ្សាររបស់មណ្ឌលកម្សាន្ត ណាហ្គាវើល ដ៍មានទំហំទឹកប្រាក់ ៣,៥២ កោដិដុល្លារអាមេរិក។ ក្នុងឆ្នាំ ២០១៦ ក្រុមហ៊ុនអចលនទ្រព្យហុងកុង Colliers International HK បានវាយតម្លៃ ណាហ្គាទី ១ និងណាហ្គាទី ២ មានតម្លៃប្រមាណ ៥,១ កោដិដុល្លារអាមេរិក ហើយណាហ្គាគ្រុប មិនមានជំពាក់បំណុលអ្វីទាំងអស់។

    មណ្ឌលកម្សាន្តណាហ្គាវើលដ៍ មានបន្ទប់សណ្ឋាគារប្រមាណ១,៧០០ បន្ទប់ តុហ្គេមជាង ៦០០ គ្រឿង និងតុហ្គេមអេឡិចត្រូនិកប្រមាណ៥,០០០ គ្រឿង សាលមហោស្រពដែលមាន ២២០០  កៅអី មហាសាលសន្និបាត ហាងលក់ទំនិញក្រោមដី ព្រមទាំងភោជនីយដ្ឋាន បានីយដ្ឋាន និងហាងកាហ្វេលំដាប់កំពូលជាច្រើនកន្លែង៕

  • ណាហ្គាខប បោះទុន វិនិយោគប្រមាណ ១,៥កោដិដុល្លារ សម្រាប់កសាងណាហ្គាទី២ និងផ្សារក្រោមដី ណាហ្គាស៊ីធីវ៉ក

    ណាហ្គាខប បោះទុន វិនិយោគប្រមាណ ១,៥កោដិដុល្លារ សម្រាប់កសាងណាហ្គាទី២ និងផ្សារក្រោមដី ណាហ្គាស៊ីធីវ៉ក

    ភ្នំពេញ៖ នៅថ្ងៃទី២ ខែវិច្ឆិកា ឆ្នាំ២០១៧ ក្រុមហ៊ុនណាហ្គាខប លីមីធីតតាមរយៈសាខារបស់ខ្លួន គឺណាហ្គាវើលលីមីធីត ដែលគ្រប់គ្រង និងប្រតិបត្តិការ ណាហ្គាវើល បានប្រកាសត្រៀមពិធី បើកសម្ពោធបឋមរបស់ខ្លួន បន្ទាប់ពីបញ្ចប់ការសាងសង ណាហ្គាទី២ និងផ្សារក្រោមដី ណាហ្គាស៊ីធីវ៉ក ជាមួយការពង្រីកចុងក្រោយ មណ្ឌលកម្សាន្តណាហ្គាវើល នឹងក្លាយជាមណ្ឌលកម្សាន្តចម្រុះ លំដាប់ពិភពលោកមួយ ដែលមានទឹកប្រាក់វិនិយោគ ប្រមាណ១,៥កោដិដុល្លារអាមេរិក ។

    ណាហ្គាវើល មានបន្ទប់សណ្ឋាគារសរុប ប្រមាណ១៧០០បន្ទប់ សាលមហោស្រពមាន ២២០០កៅអី សាលមហាសន្និបាត សាលកាស៊ីណូ ហាងលក់ទំនិញក្រោមដី ភោជនីយដ្ឋាន បានីយដ្ឋាន និងហាងកាហ្វេ ជាច្រើនកន្លែងថែមទៀត។ មណ្ឌលកម្សាន្តណាហ្គាវើល រំពឹងលើកកិត្តិសព្ទ រាជាធានីភ្នំពេញ និងចូលរួមអភិឌ្ឍសេដ្ឋកិច្ចសង្គម នៃប្រទេសកម្ពុជា ហើយនាពេលបច្ចុប្បន្ន ណាហ្គាវើល មានបុគ្គលិកប្រមាណជាង ៧០០០នាក់ ដោយបានចូលរួមបង្កើន ផលិតផលក្នុងស្រុក នៃវិស័យទេសចរណ៍ ចំនួន២៥ភាគរយ និងបង្កើនផលិតផល សរុបរបស់ប្រទេសកម្ពុជា ប្រមាណជា៣ភាគរយ ។

    នៅក្នុងឱកាសពិធី បើកជាផ្លូវការនៃមណ្ឌលកម្សាន្ត ណាហ្គាវើលទី២ ដោយអញ្ជើញចូលរួមពីលោក ថោង ខុន រដ្ឋមន្រ្តីក្រសួងទេសចរណ៍ នៃប្រទេសកម្ពុជា និងជាប្រធានគណៈកម្មាធិការជាតិ អូឡាំពិកកម្ពុជា ព្រមទាំងឯកអគ្គរដ្ឋអាស៊ាន ប្រចាំនៅប្រទេសកម្ពុជាទំាង១០ប្រទេស ក្នុងរាត្រីសមោលអាស៊ានហ្គោល ក្រោមបរិយាកាសរីករាយ និងស្និទ្ធស្នាលបំផុត ។

    ណាហ្គាវើលទី២ និងផ្សារក្រោមដី ណាហ្គាស៊ីធីវ៉ក ត្រូវបានសាងសងលើផ្ទៃដីសរុប ប្រមាណ១២០,០០០ម៉ែត្រកូរ៉េ ហើយណាហ្គាវើលទី២ មានបន្ទប់សណ្ឋាគារ៩០៣បន្ទប់ (រួមមាន បន្ទប់ VIP ចំនួន៣៦បន្ទប់ទៀត) ផ្សារទំនើបក្រោមដីណាហ្គាស៊ីធីវ៉ក ដែលមានទំហំ៣៨០០ម៉ែត្រកូរ៉េ មណ្ឌលស្ប៉ាប្រណិត លំដាប់ពិភពលោក (មានចំនួន៦៥បន្ទប់ស្ប៉ាស្វ៊ីត) ភោជនីយដ្ឋាន លំដាប់អន្តរជាតិជាច្រើនកន្លែង។  ណាហ្គាស៊ីធីវ៉ក ដែលជាផ្សារទំនើបក្រោមដី លក់ទំនិញរួចពន្ធ ម៉ាកអន្តរជាតិល្បីៗ គឺជាផ្សារទំនើបក្រោមដី ដែលតភ្ជាប់ណាហ្គាវើល ទៅណាហ្គាទី២៕

  • សប្បាយទិញ ការលក់បញ្ចុះតម្លៃពិសេសពីសម្លៀកបំពាក់ម៉ាក LOOKSWOMEN

    សប្បាយទិញ ការលក់បញ្ចុះតម្លៃពិសេសពីសម្លៀកបំពាក់ម៉ាក LOOKSWOMEN

    ជាមួយនឹងការចូលរួមរីករាយអបអរសាទរនៅក្នុងព្រះរាជពិធីបុណ្យអុំទូក អកអំបុក និងសំពះព្រះខែ ដែលប្រព្រឹត្តទៅចាប់ពីថ្ងៃទី 02-04 ខែតុលា ឆ្នាំ២០១៧ នេះ ក្រុមហ៊ុននាំចូល និងចែកចាយសម្លៀកបំពាក់ម៉ាក LOOKSWOMEN បានផ្តល់ជូននូវកម្មពិសេស ដោយការលក់បញ្ចុះតម្លៃ រួមជាមួយការផ្តល់ជូននូវកាដូជាច្រើនយ៉ាងសន្ធឹកសន្ធាប់មិនធ្លាប់មាន ដូចជា ទិញ ១ ថែមមួយ ១ (សម្រាប់ការជាវសម្លៀកបំពាក់ក្នុងមួយឈុត ឬមួយម៉ូដ) ក៏ដូចជាការទទួលបានមួក LOOKSWOMEN យ៉ាងស្រស់ស្អាតចំនួន១ ផងដែរ។ ដោយឡែកសម្រាប់ថ្ងៃទី០៤ ខែតុលា ដែលជាថ្ងៃចុងក្រោយនៃព្រះរាជពិធីបុណ្យប្រពៃណីជាតិខ្មែរនេះ LOOKSWOMEN កាន់តែមានកម្មវិធីពិសេសទ្វេរដង ទាំងការជាវដុំយកទៅលក់បន្ត ក៏ដូចជាការជាវរាយយកទៅប្រើប្រាស់ផ្ទាល់ខ្លួនផងដែរ។

    ជាមួយនឹងកម្មវិធីលក់បញ្ចុះតម្លៃនេះ លោកអ្នកអាចស្វែងរកទិញសម្លៀកបំពាក់ដ៏ស្រស់ស្អាតជាច្រើនម៉ូដ ច្រើនឈុត យ៉ាងសម្បូរបែប ដែលតាំងលក់នៅស្ដង់ LOOKSWOMEN នៅកោះពេជ្រ ស្ថិតនៅជិតឆាកប្រគុំតន្រ្តីរបស់ក្រុមហ៊ុនស្រាបៀរកម្ពុជា។

    រួសរាន់ឡើងកុំឱ្យឱកាសដ៏កម្រមួយនេះរំលងផុតទៅ។ សប្បាយទិញ សប្បាយរើសម៉ូដស្អាតៗ ជាមួយនឹងការលក់បញ្ចុះតម្លៃយ៉ាងពិសេសប្រចាំឆ្នាំពីសម្លៀកបំពាក់ស្ត្រីដ៏ល្បីឈ្មោះ និងទាន់សម័យ ម៉ាក LOOKSWOMEN ។

    លោកអ្នកនឹងក្លាយជាសុភាពនារីដែលស្រស់ស្អាត ទាន់សម័យ និងថ្លៃថ្នូរ ជាមួយសម្លៀកបំពាក់ LOOKSWOMEN

  • ទស្សនាទិដ្ឋភាពរៀបអាពាហ៍ពិពាហ៍របស់  Song Joong Ki និង Song HyeKyo

    ទស្សនាទិដ្ឋភាពរៀបអាពាហ៍ពិពាហ៍របស់  Song Joong Ki និង Song HyeKyo

    នៅរាត្រីពិធីបុណ្យ Halloween នៅប្រទេសកូរ៉េ គឺជាថ្ងៃរៀបមង្គលការដ៏ភ្ញាក់ផ្អើលជាងគេនៅក្នុងទីក្រុងសេអ៊ូល គឺជាពិធីរៀបអាពាហ៍ពិពាហ៍របស់គូស្វាមី-ភរិយា Song Joong Ki និង Song HyeKyo ដែលបានកាន់ដៃគ្នាដើរចូលទៅក្នុងព្រះវិហារកាតូលិកកាលព្រឹកថ្ងៃម្សិលមិញ ព្រមទាំងទទួលភ្ញៀវកិត្តិយសនៅក្នុងបរិវេណសណ្ឋាគារ Shilla Hotel Seoul ទៀតផង។

    តាមរយៈបណ្តាញសារព័ត៌មានកូរ៉េ Koreaboo បានចេញផ្សាយឱ្យដឹងថា កូនក្រមុំ និងកូនកំលោះ រួមជាមួយភ្ញៀវកិត្តិយសទាំងអស់បានសម្រក់ទឹកភ្នែក ខណៈដែលអ្នកភ្លេងប្រគំតន្ត្រីបទមនោសញ្ចេតនា ដែលបកស្រាយដោយតារាចម្រៀង Ok Joo Hyun ដែលជាមិត្ដជិតស្និទ្ធរបស់ Song HyeKyo តាមរយៈបទចម្រៀងដែលមានចំណងជើងថា “A Whole New World” បានធ្វើឱ្យពិធីទាំងមូលរំជើបរំជួល រំភើបដល់ថ្នាក់ស្រក់ទឹកភ្នែកជំនួសគូស្នេហ៍មួយគូនេះ។

    ដើម្បីឱ្យកាន់តែជាក់ច្បាស់សូមទស្សនារូបភាពទាំងឡាយ នៅក្នុងពិធីមង្គលការរបស់  Song Joong Ki និង Song HyeKyo ខាងក្រោម៖

  • អតីតតារាឯកធម្មជាតិ 2013 វិលចូលសិល្បៈវិញ គ្រោងធ្វើឱ្យផ្ទុះទីផ្សារសិល្បៈស្រុកខ្មែរ

    អតីតតារាឯកធម្មជាតិ 2013 វិលចូលសិល្បៈវិញ គ្រោងធ្វើឱ្យផ្ទុះទីផ្សារសិល្បៈស្រុកខ្មែរ

    បន្ទាប់ពីទទួលបានជោគជ័យចំពោះវិស័យសិល្បៈនៅឯបរទេស​ ព្រមទាំងទទួលបានបទពិសោធជាច្រើនអំពីការងារសិល្បៈ រួចមក អតីតតារាឯកធម្មជាតិ 2013 ដែលបានឆ្លងកាត់ការប្រកួតនៅប្រទេស ហ្វីលីពីន បានវិលចូលមកប្រឡូកក្នុងពិភពសិល្បៈខ្មែរវិញម្ដង ដោយងាកមកចាប់អារម្មណ៍បើកផលិតកម្មរបស់ខ្លួនមួយដែលបាញ់ឆ្ពោះតែលើចម្រៀងបុរាណ មរតកដើម យីកេ ភ្លេងការ…ជាដើម-ល- ក្នុងគោលបំណងធ្វើឱ្យទីផ្សារសិល្បៈស្រុកខ្មែរល្បីល្បាញឡើង។

    លោក សន សុវណ្ណារ៉ា បានប្រាប់គេហទំព័រព័ត៌មាន ឡារ៉ែន ថា ក្នុងមួយជីវីតរបស់លោក លោកស្រឡាញ់សិល្បៈណាស់ មានសិល្បៈទើបលោកអាចស្គាល់ពិភពលោក និងមានជីវិតបែបសុខស្រួលមួយនេះ។ ពីដើមឡើយ លោកថា លោកកើតចេញពីក្រុមគ្រួសារមានជីវភាពក្រីក្រ គ្មានអាហារហូបចុកគ្រប់គ្រាន់ទេ ។ លុះដល់លោកចម្រើនវ័យធំឡើងមានឱកាសបានធ្វើការជាមួយមិត្តភ័ក្ដិដែលធ្លាប់ប្រឡូកក្នុងសិល្បៈ ហើយដោយសារតែមានរូបរាងសង្ហាគួបផ្សំផងនេះ ទើបលោកសម្រេចចិត្តប្រឡងជាបុរសឯកសម្រស់ធម្មជាតិនៅប្រទេសហ្វីលីពីនឆ្នាំ2013 និងបានជាប់ជយលាភីលេខ 2 ។ តាំងពីនោះមក លោកក៏បានចុះកិច្ចកុងត្រាទៅបម្រើការងារសិល្បៈនៅសហរដ្ឋអាមេរិក និងប្រទេសមួយចំនួន ដែលជាមូលហេតុបណ្ដាលឱ្យលោកអវត្តមានពីសិល្បៈនៅស្រុកខ្មែរ។

    អតីតប្រុសស្អាតបែបធម្មជាតិរូបនេះបានអះអាងទៀតថា លោកទើបតែសម្រេចចិត្តត្រឡប់មករស់នៅប្រទេសកម្ពុជាវិញបានប្រមាណជាង1 ឆ្នាំចុងក្រោយនេះប៉ុណ្ណោះ ហើយដោយឡែករាល់ថ្ងៃលោកមានតួនាទីជាពិធីករ អ្នករៀបចំពិធីការ តាមកម្មវិធីក្រុមហ៊ុនមួយចំនួន និងជាអ្នករៀបចំកម្មវិធីប្រគំតន្ត្រីនានាផងដែរ។ និយាយពីការវិលត្រឡប់ចូលសិល្បៈវិញ  បច្ចុប្បន្ននេះ លោកបានសម្តែងរឿងមួយចំនួន និងបានថតស្ប៉តពាណិជ្ជកម្មជាច្រើន ព្រមទាំងមានក្រុមហ៊ុនផលិតកម្មក្នុងស្រុកជាច្រើនបានទាក់ទងលោកចុះកិច្ចកុងត្រាធ្វើជាតារាក្នុងទ្រនំរបស់គេផងដែរ។

    យ៉ាងណាក៏ដោយ ពេលនេះលោកមិនបណ្តោយឲ្យពេលវេលារំលងទៅមុខទៀតដោយមិនបានរំលេចសកម្មភាពសំខាន់ៗឡើយ ព្រោះយូរបំផុតពាក់កណ្តាលឆ្នាំ2018នេះ  លោកគ្រោងបើកផលិតកម្មមួយដែលនឹងថតចម្រៀងបែបបុរាណ មរតកដើម យីកេ ភ្លេងការប្រពៃណីខ្មែរ ពោលគឺគាស់រំលើងពីមរតកចម្រៀងរបស់សម័យទសវត្សរ៍ទី60 និង70 ដោយចំណាយទុនប្រមាណ៥ម៉ឺនដុល្លារ ដែលលោកអះអាងថា មានការសហការជួយពីបរទេស 50 ភាគរយ។ លោកមិនខ្លាចការខាតបង់នោះទេ ព្រោះមិនរំពឹងទីផ្សារក្នុងស្រុកខ្មែរឡើយ តែពឹងលើក្រៅស្រុក​ ស្របពេលដែលបងប្អូននៅក្រៅប្រទេសគាត់សំណូមពរផង ទើបដុះគំនិតបែបនេះឡើង។ ណាមួយបងប្អូនយើងនៅឯនាយសមុទ្រក៏ជួយជ្រោមជ្រែងបរិច្ចាគថវិកាពាក់កណ្តាលផង លោកក៏រឹតតែមានទឹកចិត្តទៅទៀត ព្រោះចង់ចូលរួមថែរក្សាបទសម័យដើមដែលបង្កប់ន័យជ្រាលជ្រៅបំផុតហ្នឹងឯង។

    ជាពិសេសលោកបានបញ្ជាក់ផងដែរថា លោក និងសហការផលិតបទចម្រៀង និងស្រាវជ្រាវពីវប្បធម៌ខ្មែរ អរិយធម៌ខ្មែរជាមួយអ្នកគ្រូ គង់ ណារី ព្រមទាំងថ្លែងអំណរគុណអ្នកគ្រូដែលជាអ្នកជួយបណ្តុះបណ្តាលថ្នាលវិស័យសិល្បៈកាលពីពេលមុនឲ្យ​មានមុខមាត់ក្នុងវិស័យសិល្បៈនេះផងដែរ៕

  • Selena Gomez និង Weeknd កំពុងទម្លាយរឿងមួយ…

    Selena Gomez និង Weeknd កំពុងទម្លាយរឿងមួយ…

    តាមរយៈសារព័ត៌មាន TMZ បានចេញផ្សាយនៅថ្ងៃទី31 ខែតុលា ឆ្នាំ​2017 នេះ បានឱ្យដឹងថា រវាងតារាទាំងពីរដួង គេសង្កេតឃើញដូចជាមិនសូវមានទំនាក់ទំនងផ្អែមល្ហែម បណ្ដើរគ្នាយ៉ាងត្រសងនៅតាមទីសាធារណៈដូចមុនទៀតឡើយ ហើយថែមទាំងមានដំណឹងលេចឮមកថា អ្នកទាំងបានចែកផ្លូវគ្នាទៅហើយទៀតផង គ្រាន់តែមិនទាន់ទម្លាយឱ្យដឹងជាផ្លូវការតែប៉ុណ្ណោះ។

    ប្រភពស្និទ្ធជាមួយនឹងតារាចម្រៀងស្រី Selena Gomez និង Abel បានរៀបរាប់ប្រាប់សារព័ត៌មានខាងលើយ៉ាងដូច្នោះថា បន្ទាប់ពី Selena Gomez និង  Weeknd បានបើកចំហអំពីទំនាក់ទំនងរបស់ពួកគេជាសាធារណៈអស់រយៈពេល 10 ខែកន្លងមក  ពួកយើងបានដឹងត្រឹមតែថា រឿងរ៉ាវរបស់ពួកគេបានបញ្ចប់ទៅហើយ ពោលគឺ គូស្នេហ៍មួយគូនេះមិនបានស្និទ្ធស្នាលនឹងគ្នាដូចមុនទៀតទេ ហើយពួកគេចាប់ផ្ដើមទាក់ទងគ្នាចាប់តែពីខែ មករា មកម្លេះ។

    គួរបញ្ជាក់ផងដែរថា Abel ដែលជាសម្លាញ់ជិតដិតរបស់តារាចម្រៀងមុខស្អាត Selena Gomez បានបន្ថែមថា ខណៈដែល Selena Gomez  កំពុងសម្រាកព្យាបាលវះកាត់ក្រលៀន គេសង្កេតឃើញមានតែលោក Weeknd ម្នាក់គត់ដែលតែងតែនៅជួយជាកម្លាំងចិត្ត និងគាំទ្ររូបនាង ក៏ប៉ុន្ដែនាពេលថ្មីៗនេះវិញ ក៏ស្រាប់តែផ្ទុះឡើងនូវព័ត៌មានថា នាងកំពុងតែទាក់ទងជាមួយអតីតមិត្តប្រុស JB ទៅវិញ ដែលជាមូលហេតុបណ្ដាលឱ្យ Weeknd ខកចិត្តចំពោះរូបនាងយ៉ាងខ្លាំង៕