មានរឿងអ្វីបានជាតារាចម្រៀងស្រី Taylor Swift លុបវីដេអូ និងព័ត៌មានផ្ទាល់ខ្លួនរបស់នាងចេញពីបណ្ដាញផ្សព្វផ្សាយទំនាក់ទនងសង្គមទាំងអស់ដូច្នោះ?
![](https://i0.wp.com/i.dailymail.co.uk/i/pix/2017/08/18/19/435C41A100000578-4803454-image-a-133_1503079256939.jpg?resize=634%2C422&ssl=1)
តាមរយៈសារព័ត៌មានដ៏ធំមួយប្រចាំចក្រភពអង់គ្លេស Dailymail បានចេញផ្សាយឱ្យដឹងថា នៅប្រមាណជាម៉ោង 11 និង 30 នាទីព្រឹកថ្ងៃម្សិលមិញនេះ តារាចម្រៀងល្បីឈ្មោះ Taylor Swift បានលុបចោលរាល់ព័ត៌មានផ្ទាល់ខ្លួន វីដេអូ និង រូបភាពដែលនាងតែងតែអាប់ដេតជាមួយអ្នកគាំទ្ររបស់នាង ចេញពីបណ្ដាញទំនាក់ទំនងសង្គមទាំងអស់ដូចជា Instagram, Twitter, Tumblr ជាពិសេសគឺ Facebook Page ផ្លូវការរបស់នាងទាំងអស់ដែលនាងទើបតែចាប់ផ្ដើមប្រើប្រាស់កាលពីឆ្នាំ 2015។
![](https://i0.wp.com/i.dailymail.co.uk/i/pix/2017/08/18/18/435C0CF800000578-0-image-m-104_1503076267924.jpg?resize=634%2C357&ssl=1)
ហេតុការណ៍ចម្លែកមួយនេះបានធ្វើឱ្យបណ្ដាអ្នកគាំទ្ររបស់នាងមានការភ្ញាក់ផ្អើល ដោយមានការសង្ស័យថា គណនីសង្គមរបស់នាងទាំងប៉ុន្មាននេះអាចត្រូវបានជនមិនស្គាល់មុខលួចចូលទៅប្រើប្រាស់ ពោលគឺស្របពេលដែលបច្ចុប្បន្នមានការហ៊ែកចូលគណនីជាច្រើន។ ការភ័យស្លន់ស្លោ គឺស្របពេលដែលតារាស្រីរូបនេះកំពុងតែដាក់លក់អាល់ប៊ុមចម្រៀងថ្មីរបស់ខ្លួនដែលបានច្រៀងរួមគ្នាជាមួយអតីតសមាជិកក្រុមចម្រៀងប្រុស One Direction គឺលោក ZAYN ដែលមានចំណងជើងថា «Don’t Wanna Live Forever»។
![](https://i0.wp.com/i.dailymail.co.uk/i/pix/2017/08/18/18/435C207A00000578-4803454-image-m-121_1503077453081.jpg?resize=634%2C488&ssl=1)
គួរបញ្ជាក់ផងដែរថា នៅលើបណ្ដាញសង្គមរបស់តារាចម្រៀងរូបស្អាតរូបនេះដូចជា Twitter page មានអ្នកគាំទ្រ 85.4 លាននាក់ ហើយ Instagram មានប្រមាណជា 102 million និង Facebook មានលើសពី 70.5 លាននាក់ផងដែរ។ រហូតមកទល់ពេលនេះមិនទាន់មានការបញ្ជាក់ណាមួយពីតារាវ័យ 27ឆ្នាំរូបនេះនៅឡើយទេ ដឹងត្រឹមតែថា នាងកំពុងតែស្វែងរកដំណោះស្រាយ៕
![](https://i0.wp.com/i.dailymail.co.uk/i/pix/2017/08/18/18/435C0CF100000578-0-image-a-99_1503076151974.jpg?resize=634%2C887&ssl=1)