ព្រោះតែកន្លងមកទស្សនិកជនក៏ដូចជាអ្នកគាំទ្រតែងតែផ្គូផ្គងចង់ឱ្យកំពូលតារាចម្រៀងលោក ខេមរៈ សិរីមន្ត និងអ្នកនាង ឱក សុគន្ធកញ្ញា ចាប់ដៃគូច្រៀងជាមួយគ្នា ដោយសារតែយល់ឃើញថា អ្នកទាំងពីរពិតជាដៃគូដ៏ស័ក្កិសមឥតខ្ចោះ ហើយក៏ជាតារាចម្រៀងដែលឈរលំដាប់ជួរមុខក្នុងប្រទេសផងដែរ ។ តាំងពីទ្រនំផលិតកម្ម U2 រហូតមកជ្រកនៅហង្សមាស អ្នកនាង ឱក សុគន្ធកញ្ញា និងលោក ខេមរៈ សិរីមន្ត ត្រូវបានហ្វេនៗគាំទ្រឱ្យជាដៃគូចម្រៀងលំដាប់កំពូល។
![](https://i0.wp.com/www.lareine.com.kh/wp-content/uploads/2020/11/ថដង-1.jpg?resize=696%2C870&ssl=1)
ថ្មីៗនេះកំពូលតារាចម្រៀងល្បីឈ្មោះរស់ក្នុងផលិតកម្មហង្សមាស ឱក សុគន្ធកញ្ញា បានធ្វើការបង្ហោះរូបភាពរួមមិត្តសំឡាញ់ក្នុងវិថីចម្រៀងលោក ខេមរៈ សិរីមន្ដ ក្នុងឱកាសថ្ងៃកំណើតយ៉ាងភ្ញាក់ផ្អើលពីសំណាក់អ្នកគាំទ្រជាមួយពាក្យពេចន៍ដ៏ស្និទ្ធស្នាលមិនធ្លាប់ឃើញពីមុនមកឡើយ។
![](https://i0.wp.com/www.lareine.com.kh/wp-content/uploads/2020/11/ថដង-2.jpg?resize=640%2C960&ssl=1)
តារាស្រីដែលជាប្អូនថ្លៃថៅកែហង្សមាសបានរៀបរាប់ឲ្យដឹងកាន់តែច្បាស់ទំនាក់ទំនងរួម សិរីមន្ដ ថា៖ «ថ្វីត្បិតតែយើងជាមិត្ត តែគ្មានឱកាសបានជុំគ្នាក្រៅពីម៉ោងធ្វើការ តែយ៉ាងណាក៏មិនដែលភ្លេចគិតពីសុខទុក្ខគ្នាឡើយ ហើយខ្ញុំនៅតែចាំថាខ្ញុំមានមិត្តម្នាក់ចាំផ្ដល់កំលាំងចិត្ត និងជាអ្នកគាំទ្រខ្ញុំគ្រប់ពេល រីករាយថ្ងៃកំណើតមិត្តល្អរបស់ខ្ញុំ»។ សុគន្ធ កញ្ញា តារាចម្រៀងកូនមួយត្រួយជីវិតមានឈ្មោះឆលី បានថ្លែងនូវចុងបញ្ចប់នៃសំណេរខ្លួនពីការជូនពរថា៖ «សូមឲ្យអ្នកទទួលបានអ្វីៗគ្រប់យ៉ាងដែលជាបំណងប្រាថ្នា ឈប់អន់ចិត្តទៀត OK ចាស់ៗអស់ហើយ»៕
![](https://i0.wp.com/www.lareine.com.kh/wp-content/uploads/2020/11/ថដង-7-1024x538-1.jpg?resize=696%2C365&ssl=1)
![](https://i0.wp.com/www.lareine.com.kh/wp-content/uploads/2020/11/ថដង-3.jpg?resize=625%2C960&ssl=1)
![](https://i0.wp.com/www.lareine.com.kh/wp-content/uploads/2020/11/ថដង-4.jpg?resize=600%2C750&ssl=1)
![](https://i0.wp.com/www.lareine.com.kh/wp-content/uploads/2020/11/ថដង-5-1024x1024-1.jpg?resize=696%2C696&ssl=1)