សម្រាប់អ្នកទេសចរវិញ មិនថាតែឡើងភ្នំ ឬចុះទឹកនោះទេ ពួកគេអាចទៅបានគ្រប់ទីកន្លែងគ្មានខ្លាចញញើតអ្វីទាំងអស់ រឹតតែជាអ្នកដែលស្រឡាញ់ចូលចិត្តធម្មជាតិដែលស្រស់ស្អាត និងចម្លែកភ្នែកផងនោះ ឡារ៉ែនសូមទាយថា 14 ល្អាងធម្មជាតិដែលយើងនឹងនាំយកមកជូនទស្សនានៅពេលនេះ ច្បាស់ជាធ្វើឱ្យបេះដូងរបស់ពួកគេញ័ររញ្ជួយយ៉ាងពិតប្រាកដ។
1 . ល្អាងទឹកកក(Ice Cave) ប្រទេស Iceland
![](https://i0.wp.com/www.lareine.com.kh/wp-content/uploads/2020/10/1-abjkhdsf.jpg?resize=696%2C463&ssl=1)
![](https://i0.wp.com/www.lareine.com.kh/wp-content/uploads/2020/10/1-bkceut.jpg?resize=696%2C463&ssl=1)
ឬឈ្មោះមួយទៀតហៅថា ល្អាងគ្រីស្តាល់ ជាល្អាងដែលកើតឡើងនៅក្នុងបឹងទឹកកកទឹកសាប ដែលស្ថិតនៅក្នុងតំបន់ ស្កាហ្វតាហ្វេល(Skaftafell)ជាល្អាងមួយក្នុងចំណោមល្អាងទឹកកកដែលស្អាតបំផុតក្នុងពិភពលោក និងល្បីឈ្មោះបំផុត។
2 . ល្អាង បាទូ(Batu Caves) ប្រទេស ម៉ាឡេស៊ី
![](https://i0.wp.com/www.lareine.com.kh/wp-content/uploads/2020/10/2-bvkaseukt.jpg?resize=696%2C464&ssl=1)
ល្អាងថ្មកំបោរ បាទូ ស្ថិតនៅប៉ែកខាងជើងនៃទីក្រុង កួឡាឡាំពួ ដែលក្រៅពីជានិមិត្តសញ្ញារបស់រដ្ឋ សាឡាំងង៉រ ហើយនោះ ទីកន្លែងមួយនេះថែមទាំងជាវត្តអារាម និងជាកន្លែងប្រតិបត្តិពិធីខាងសាសនាហ៊ីនឌូ និងថែមទាំងបានទទួលការពេញនិយមពីបណ្ដាអ្នកទេសចរទូទាំងពិភពលោកទៀតផង។
3 . ល្អាងគ្រីស្តាល់(Cave of the Crystals) ប្រទេស ម៉ិកស៊ិក
![](https://i0.wp.com/www.lareine.com.kh/wp-content/uploads/2020/10/3-bvkasdijt.jpg?resize=696%2C463&ssl=1)
ស្ថិតនៅក្នុងខេត្ត ណៃកា ភាគខាងជើងនៃប្រទេស ម៉ិកស៊ិក។ នៅខាងក្នុងល្អាង ត្រូវបានគេរកឃើញកំណករ៉ែ យីបសាំ ដ៏ធំអស្ចារ្យដែលកើតឡើងពីសារធាតុរ៉ែដែលរលាយដោយសារទឹកក្ដៅដែលមកពីបណ្ដុំថ្មស្អិត ម៉ែកម៉ា ដែលនៅខាងក្រោម ជ្រៅទៅក្រោមដីជម្រៅជាង 300ម៉ែត្រ។
4 . ល្អាងទឹកកក ក្បែរភ្នំភ្លើង(The Mutnovsky) ប្រទេសរុស្ស៊ី
![](https://i0.wp.com/www.lareine.com.kh/wp-content/uploads/2020/10/4-bvkasejtl.jpg?resize=696%2C464&ssl=1)
ដោយសារតែល្អាងទឹកកកនេះស្ថិតនៅក្បែរភ្នំភ្លើង Mutnovsky ទើបធ្វើឱ្យកើតមានការផ្ដុំគ្នារបស់ទឹកកកកើតចេញជាក្បូរក្បាច់ និងធ្វើឱ្យទីកន្លែងនេះក្លាយជាល្អាងទឹកកកដែលមើលទៅស្អាតប្លែកភ្នែកបំផុត។
5 . ល្អាង Blue Cave ប្រទេស ក្រូអាស៊ី
![](https://i0.wp.com/www.lareine.com.kh/wp-content/uploads/2020/10/5-bvkasjeoti.jpg?resize=696%2C463&ssl=1)
ឬមានឈ្មោះមួយទៀតថា Modra Spilja ស្ថិតនៅក្នុងឈូងសមុទ្រ Balun របស់កោះ Bisevo។ ភាពពិសេសរបស់ល្អាងមួយនេះគឺ បាតុភូតឆ្លុះពន្លឺពណ៌ផ្ទៃមេឃខៀវដែលកើតឡើងក្នុងចន្លោះម៉ោង 11.00 – 12.00 ដោយសារតែពន្លឺព្រះអាទិត្យដែលចាំងចូលមកតាមចន្លោះថ្មកំបោរមករហូតកើតចេញជាពន្លឺពណ៌ផ្ទៃមេឃខៀវឡើងហ្នឹងឯង។
6 . ល្អាង សុន ទុង(Son Doong)ល្អាងដែលធំបំផុតក្នុងពិភពលោក នៅប្រទេសវៀតណាម
![](https://i0.wp.com/www.lareine.com.kh/wp-content/uploads/2020/10/6-bckaehrt.jpg?resize=696%2C458&ssl=1)
ស្ថិតនៅក្នុងតំបន់ឧទ្យានជាតិ ហ្វុងយ៉ា-គែបាង ស្រុក បូចាក់ ខេត្ត កួងប៊ីន(Quang Binh) គេល្បីថា ជាល្អាងដែលមានភាពលំបាកបំផុត ព្រោះអ្នកទេសចរដែលទៅទីនោះត្រូវតែចេះស៊ូទ្រាំ អត់ធន់ និងមានភាពក្លាហានហ៊ានប្រថុយប្រថានខ្លាំងទើបអាចចូលទៅទស្សនាបាន។
7 . ល្អាង ហ្វ៊ីងហ្កាលស៍(Fingals Cave) ប្រទេស ស្កត់លែនដ៍
![](https://i0.wp.com/www.lareine.com.kh/wp-content/uploads/2020/10/7-bkdshtkrt.jpg?resize=696%2C489&ssl=1)
ជាល្អាងដែលស្ថិតនៅក្នុងសមុទ្រ លើកោះស្តាហ្វហ្វា ខាងក្រៅឆ្នេរទិសខាងលិចរបស់ប្រទេស ស្កុតលែនដ៍។ កោះនេះមានឈ្មោះល្បីល្បាញរឿងកំណប់បុរាណ ក្នុងល្អាងមានថ្ម បៈសូលរូបរាងបួនជ្រុង មានប្រវែងខាងក្នុង 70ម៉ែត្រ និងផ្នែកខាងមុខល្អាងមានកម្ពស់ស្មើអាគារ 6ជាន់ឯណោះ។
8 . ល្អាងថ្លើមថ្ម(Cavernas De Marmol) ប្រទេស ឈីលី
![](https://i0.wp.com/www.lareine.com.kh/wp-content/uploads/2020/10/8-bkjchekth.jpg?resize=696%2C522&ssl=1)
ជាល្អាងដែលកើតឡើងពីចរន្តទឹកហូរដែលច្រោះដាច់រយៈពេលរាប់លានឆ្នាំ រហូតដល់ភ្នំថ្លើមថ្មកើតចេញជាគ្រោងល្អាងថ្លើមថ្មដ៏សែនស្រស់ស្អាតនេះឡើង។ ល្អាងនេះស្ថិតនៅក្នុងតំបន់បឹងទឹកសាប ការេរ៉ា នៅខាងក្នុងល្អាងនោះពេញទៅដោយទឹកថ្លាឈ្វេងស្អាតបរិសុទ្ធ ចាំងឆ្លុះពន្លឺពីផ្ទៃមេឃប៉ះនឹងផ្ទៃទឹករបស់បឹងទឹកសាបដ៏ធំបំផុតលំដាប់លេខពីររបស់ទ្វីបអាមេរិកខាងត្បូង។
9 . ល្អាង ផូស្តូតណា(Postojna Cave) ប្រទេស ស្លូវេនៀ
![](https://i0.wp.com/www.lareine.com.kh/wp-content/uploads/2020/10/9-cbkewhtk.jpg?resize=696%2C463&ssl=1)
ស្ថិតនៅក្នុងតំបន់ទីប្រជុំជន ផូស្តូតណា ជាល្អាងដែលស្អាតបំផុតក្នុងទ្វីបអឺរ៉ុប មានអាយុចំណាស់ជាង 2លានឆ្នាំ និងបើកឱ្យភ្ញៀវទេសចរចូលទស្សនាតាំងពីឆ្នាំ 1884 មកម្ល៉េះ។ នៅខាងក្នុងល្អាងមានទាំងថ្មដុះឡើង និងថ្មដុះធ្លាក់សំយ៉ុង ខ្សែទឹកហូរ អាងទំនប់ទឹក និងថែមទាំងមាន ត្រីមនុស្ស(Human Fish)ឬ Olm វត្ថុមានជីវិតខ្នាតតូច មានសម្បុរស្បែកស្រដៀងមនុស្ស តែដងខ្លួនវែងស្រ ដៀងសត្វពស់ មានដៃ និងជើង ត្រូវបានរកឃើញលើកដំបូងនៅឆ្នាំ1768៕