នេះគឺជាជំនួបប្រកួតដ៍អស្ចារ្យមួយសម្រាប់លីកកំពូលកម្ពុជា ដែលអ្នកស្នេហាវិស័យកីឡាបាល់ទាត់ រង់ចាំទស្សនាយ៉ាងអន្ទះសារ ហើយអាចនឹងមានអ្នកគាំទ្រច្រើន ទាំងបឹងកេត និង ភ្នំពេញក្រោន ។ ខណៈដែលការប្រកួតនេះ នឹងចាប់ផ្ដើមប្រកួតនាម៉ោង៦ល្ងាច នេះ លើទីលាន RSN (ក្លឹបភ្នំពេញក្រោន)។
![](https://i0.wp.com/www.lareine.com.kh/wp-content/uploads/2017/04/PPCFC-Vs-Naga.jpg?resize=600%2C398&ssl=1)
បើតាមមន្ត្រីសហព័ន្ធបាល់ទាត់កម្ពុជាបានឱ្យដឹងថា៖ ការប្រកួតរវាងបឹងកេត និង ភ្នំពេញក្រោននេះ ដើម្បីដណ្តើមឈរលេខរៀងទី៣ក្នុងសប្តាហ៍ទី៩នៃពានរង្វាន់ក្របខណ្ឌមិត្តហ្វូនខេមបូឌានលីកប្រចាំឆ្នាំ២០១៧។
![](https://i0.wp.com/www.lareine.com.kh/wp-content/uploads/2017/04/FANS222.jpg?resize=696%2C435&ssl=1)
ការជួបគ្នារវាងក្រុមទាំងពីរ នឹងក្លាយជាការប្រកួតមួយដ៏តានតឹង និងស្វិតស្វាញបំផុត ព្រោះបឹងកេតត្រូវការឈ្នះភ្នំពេញក្រោន ដើម្បីបង្កើនឱកាសប្រជែងឈរក្នុងតំបន់ Top2 ដែលមានក្រុមក្រសួងការពារជាតិ និងស្វាយរៀង។
![](https://i0.wp.com/www.lareine.com.kh/wp-content/uploads/2017/04/BKAFC-Vs-AEU.jpg?resize=696%2C325&ssl=1)
ជាមួយនឹងការប្រកួតនេះដែល កីឡាករកែវ សុខង៉ន សមាជិកមួយរូបរបស់ក្រុមភ្នំពេញក្រោនបាននិយាយថា៖ «វាជាជំនួបនៃក្រុមខ្លាំងទាំង ២ ដែលជាក្លឹបដ៏ជោគជ័យ និងឈានមុខនៅក្នុងប្រទេស ហើយវាពិតជាការប្រកួតដ៏ធំសម្រាប់អ្នកគាំទ្រនៃក្លឹបទាំងពីរ គឺដូចគ្នាទៅនឹងជំនួបរបស់ក្រុមធំៗនៅបណ្តាលីគនានាលើពិភពលោកនេះដែរ ។»
![](https://i0.wp.com/www.lareine.com.kh/wp-content/uploads/2017/04/PPCFC-vs-POLICE.jpg?resize=696%2C325&ssl=1)
ខ្សែប្រយុទ្ធដែលធ្លាប់បានចូលរួមលេងទាំងក្នុងក្លឹបភ្នំពេញក្រោន និងបឹងកេត រូបនេះបានបន្តថា៖ «ថ្ងៃអាទិត្យខាងមុខគឺជាថ្ងៃខួបកំណើតរបស់ខ្ញុំ ដូច្នេះខ្ញុំចង់ជូនចំណងដៃដ៏ល្អមួយសម្រាប់អ្នកគាំទ្រទាំងអស់នោះគឺ ជ័យជម្នះ! ខ្ញុំជឿជាក់ថា នឹងមានមនុស្សជាច្រើនចូលរួមទស្សនាការប្រកួតនេះ ។» ជាងនេះទៅទៀត រូបគេក៏បានបង្ហាញនូវការប្តេជ្ញាចិត្តថានឹងព្យាយាមឲ្យអស់ពីលទ្ធភាពដើម្បីសម្រេចគោលដៅដ៏ធំមួយនោះគឺ ការជួយឲ្យក្លឹបភ្នំពេញក្រោនដែលកំពុងឈរនៅលំដាប់ទី៤ នៃតារាងចំណាត់ថ្នាក់ បានឈ្នះទាំងពានលីគកំពូល រួមទាំងពានសម្តេចហ៊ុន សែន ផងដែរនារដូវកាលនេះ ។
![](https://i0.wp.com/www.lareine.com.kh/wp-content/uploads/2017/04/T-02-12-16-i-full.jpg?resize=596%2C330&ssl=1)
គួបញ្ជាក់ផងដែរថា៖ បច្ចុប្បន្នភ្នំពេញក្រោនកំពុងឈរលេខរៀងទី៤មាន១៤ពិន្ទុជាមួយជ័យជម្នះ៤ ស្មើ២ និងចាញ់២ ខណៈបឹងកេតឈរលេខរៀងទី៣មាន១៧ពិន្ទុក្រោយឈ្នះ៥ ស្មើ២ និងចាញ់១៕
![](https://i0.wp.com/www.lareine.com.kh/wp-content/uploads/2017/04/18197520_1525663100777828_241204866_n.jpg?resize=427%2C640&ssl=1)