អ៊ីរ៉ង់ ត្រៀមជើងប្រកួតបាល់ទាត់វិញ ជាមួយនឹងលក្ខខណ្ឌពិនិត្យសុខភាពរាល់សប្តាហ៍

ក្រោយពីទទួលបានដំណឹងល្អពីរដ្ឋាភិបាលភ្លាម សហព័ន្ធកីឡាបាល់ទាត់អ៊ីរ៉ង់ បានប្រកាសត្រៀមខ្លួនបើកការប្រកួតលីកកំពូលរបស់ខ្លួន និងពានរង្វាន់នានាក្នុងស្រុកឡើងវិញនាពេលខាងមុខឆាប់ៗនេះភ្លាមៗដែរ។

ចំពោះការបើកដំណើរការបាល់ទាត់ឡើងវិញនេះ ត្រូវបានគេដឹងថា មានលក្ខខណ្ឌពិនិត្យសុខភាពរៀងរាល់សប្តាហ៍តែម្តងមុនពេលប្រកួតនីមួយៗដោយមជ្ឈមណ្ឌលវាយតម្លៃ និងស្រាវជ្រាវវេជ្ជសាស្ត្ររបស់សហព័ន្ធកីឡាបាល់ទាត់អ៊ីរ៉ង់។

ជាមួយគ្នានោះដែរ កាលបរិច្ឆេទនៅមិនទាន់ចេញជាផ្លូវការនៅឡើយទេ ដោយគណៈកម្មការរៀបចំការប្រកួតកំពុងតែរៀបចំធ្វើ ដោយផែនការដំបូង អាចនឹងកើតមានឡើងប្រហែលជាក្នុងអំឡុងសប្តាហ៍ទី2 នៃខែមិថុនាខាងមុខនេះ៕