ប្រធានាធិបតីបារាំង ចង់ឱ្យលីកនៅអឺរ៉ុប បញ្ឈប់ត្រឹមនេះ ទាំងអស់គ្នា

លោក Emmanuel Macron ប្រធានាធិបតីបារាំង និងត្រូវជាប្រធានផ្លាស់វេនរបស់សហភាពអឺរ៉ុបឆ្នាំនេះ បានថ្លែងដោយសង្កត់ធ្ងន់ថា ប្រទេសជាសមាជិកអឺរ៉ុបទាំងឡាយ គួរតែរៀនតាមបារាំង ពោលគឺបិទសកម្មភាពកីឡាទាំងអស់ក្នុងឆ្នាំនេះចោលទៅ។

ក្នុងនោះលោកក៏បានលើកឡើងចំៗ ពីឈ្មោះប្រទេសដូចជា អាល្លឺម៉ង់ អង់គ្លេស អ៊ីតាលី និងអេស្ប៉ាញ ដែលជាប្រទេសលំដាប់កំពូលទាំង10 ដែលមានអ្នកឆ្លងមេរោគកូវីដ-19 ច្រើនជាងគេបំផុតនៅលើពិភពលោក ឱ្យប្រញាប់ប្រញាល់បិទបញ្ឈប់ការប្រកួតក្នុងលីកកំពូលទាំងអស់របស់ខ្លួនចោលទៅ ដើម្បីចូលរួមទប់ស្កាត់មេរោគកូវីដ-19 នៅក្នុងប្រទេសរបស់ខ្លួន ក្នុងសហគមន៍អឺរ៉ុប ក៏ដូចជាក្នុងពិភពលោកផងដែរ។

គួររំឭកផងដែរថា នៅអឺរ៉ុបមានប្រទេស 3ហើយ ដែលបានប្រកាសរំសាយក្របខ័ណ្ឌលីកកំពូលរបស់ខ្លួន មានដូចជា បែលហ្ស៊ិក ហូល្លង់ និងបារាំង ដែលជាអ្នកចាប់ផ្តើមដំបូងគេបង្អស់៕