Seria A ត្រៀមបើកការប្រកួតបិទទ្វារឡើងវិញ ក្រោយរាងធូរស្បើយពីកូវីដ-19 បន្តិច

លីគកំពូលអ៊ីតាលី បានប្រកាសថា នឹងត្រូវធ្វើតេស្តរកមេរោគកូវីដ-19 នៅខែក្រោយនេះបន្តទៀត នៅលើក្លិបបាល់ទាត់ទាំងអស់ រួមនឹងបុគ្គលិកដែលពាក់ព័ន្ធនឹងវិស័យបាល់ទាត់ បន្ទាប់ពីពួកគេវិលត្រឡប់មកពីការឃុំខ្លួនឯងក្នងផ្ទះអស់ជិត 3ខែមកនេះ។

ការធ្វើតេស្តរកវីរ៉ុសនេះ ត្រូវបាន Seria A ប្រកាស ដោយសារតែលីកកំពូលរបស់អ៊ីតាលីគ្រោងនឹងវិលត្រឡប់មកវិញ នៅអំឡុងខែមិថុនាខាងមុខនេះ ដោយគ្រោងនឹងបញ្ចប់នៅក្នុងខែសីហា ពោលគឺ នឹងមានការប្រកួតជារៀងរាល់ 3ថ្ងៃម្តង។

ការវិលត្រឡប់មកវិញនេះ គឺបន្ទាប់ពីប្រទេសអ៊ីតាលីហាក់ធូរស្បើយបន្តិចពីការវាយលុក របស់ជំងឺនេះ ដោយពីតួលេខអ្នកស្លាប់ បានធ្លាក់មកនៅក្រោម 450នាក់ ក្នុងរយៈពេលប៉ុន្មានថ្ងៃចុងក្រោយនេះ៕