ភ្នំពេញ: កំពូលតារាចម្រៀងស្រីជ្រកកោនលើផលិតកម្មហង្សមាសឡើងដុះស្លែ អ្នកនាង ពេជ្រ សោភា ដែលកំពុងតែបង្កាត់ភ្លើងស្នេហ៍យ៉ាងផ្អែមល្ហែម ជាមួយ លោក ឆឹម សក្កដា តារាសម្ដែងជាសាធារណៈហើយនោះ ក៏លេចចេញព័ត៌មានរិះគន់ផ្ទួនៗគ្នាថា អ្នកទាំងពីរស្រឡាញ់គ្រាន់តែជាការសម្តែង និងថាអ្នកនាង ពេជ្រ សោភា ធ្លាប់មានកូនទៀតផង។
![](https://i0.wp.com/www.lareine.com.kh/wp-content/uploads/2017/04/pich-sophea-3.jpg?resize=696%2C464&ssl=1)
![](https://i0.wp.com/www.lareine.com.kh/wp-content/uploads/2017/04/sophea-33.jpg?resize=696%2C394&ssl=1)
ដោយទ្រាំធ្វើជាគ និងធ្វើថ្លង់ទៅនឹងព័ត៌មានបែកធ្លាយជាមតិរិះគន់បោកបក់នោះមិនបាន ពេជ្រ សោភា ក៏ផ្ទុះប្រតិកម្មតបវិញថា៖ «ខ្ញុំហ៊ានប្រកាសផ្ដល់រង្វាន់ធំ បើសិនជាមានអ្នកអាចរកពេទ្យបង្កើតកូនឲ្យខ្ញុំបាន» និងបន្ទរថា៖ «ម៉េចមានពាក្យរបស់មនុស្សដែលនិយាយថា ខ្ញុំធ្លាប់មានកូន ៣នាក់រួចទៅហើយចឹងហ្ន?»។ សម្ដីបែបតឹងសរសៃក ប្រតិកម្មព័ត៌មានគេថាមានកូនបីនាក់នោះ ពេជ្រ សោភា ប្រកាសថា ប្រសិនបើមានអ្នកណារកឃើញពេទ្យ ឬឆ្មបដែលអះអាងថាធ្លាប់បង្កើតកូនឲ្យនាង គឺអ្នកនាងស្ម័គ្រចិត្តផ្ដល់រង្វាន់ជាទឹកប្រាក់ ១ ម៉ឺនដុល្លារ ហើយក៏មិនមានការខឹងសម្បានឹងឆ្មបនោះដែរ។
![](https://i0.wp.com/www.lareine.com.kh/wp-content/uploads/2017/04/pich-sophea4.jpg?resize=696%2C464&ssl=1)
![](https://i0.wp.com/www.lareine.com.kh/wp-content/uploads/2017/04/sophea.jpg?resize=696%2C928&ssl=1)
តារាចម្រៀងក្នុងទ្រនំហង្សមាស នាង ពេជ្រ សោភា ដែលមិនភ្លេចពាក្យសម្ដីថា ខ្លួនមិនមែនជាមនុស្សគេចវេសការពិត និងធ្លាប់ចូលរោងការដោយបើកចំហជាមួយនឹងអតីតស្វាមីអាណិកជនអាមេរិកឈ្មោះលោក ឡៅ ឆាលី បានពោលថា៖ «ខ្ញុំមិនមែនជាតារាដែលមានទម្លាប់រស់នៅជាមួយគ្នា មិនបានរៀបការនោះឡើយ»។ អ្នកនាង ពេជ្រ សោភា តារាចម្រៀងស្រីមានប្រវត្តិចេញពីអ្នកលក់អំពៅសាង អ្នកនាង ពេជ្រ សោភា និងជាគ្រូបង្វឹកល្បីរបស់ The Voice Cambodia បានឆ្លើយទៅនឹងពាក្យចចាមអារ៉ាមដោយការអះអាងថា៖ «ខ្ញុំ និងលោក ឆឹម សក្កដា ស្រឡាញ់គ្នាដោយបើកចំហ មិនមែនជាស្នេហាលួចលាក់កំបាំងភ្នែកនោះទេ។ រវាងស្នេហាខ្ញុំ និងលោក ឆឹម សក្កដា មិនមែនជាស្នេហាដើម្បីតោងការលីបគ្នា ហើយខ្ញុំថែមទាំងហ៊ានស្បថឲ្យស្លាប់ទៀតផង បើនាងខ្ញុំ និងឆឹម សក្កដា ធ្លាប់បានរួមរស់ជាមួយគ្នា និងមិនបានឈានដល់ការរួមរស់ក្រោមដំបូលជាមួយគ្នាដូចពាក្យរិះគន់នោះដែរ»៕
![](https://i0.wp.com/www.lareine.com.kh/wp-content/uploads/2017/04/pich-sophea-23.jpg?resize=696%2C392&ssl=1)
![](https://i0.wp.com/www.lareine.com.kh/wp-content/uploads/2017/04/pich-sophea-1.jpg?resize=696%2C464&ssl=1)