ក្រុម Leicester City កំពុងតែចាប់អារម្មណ៍ខ្លាំងទៅលើកីទ្បាករ Hee-Chan Hwang សញ្ជាតិកូរ៉េខាងត្បូង មានវ័យ 23ឆ្នាំ ដែលសព្វថ្ងៃកំពុងតែលេងអាជីពនៅក្នុងក្លិប RB Salzburg របស់ប្រទេសអូទ្រីស។
កីទ្បាករសញ្ជាតិកូរ៉េខាងត្បូងនេះបានបង្ហាញខ្លួនឱ្យក្រុម RB Salzburg បានចំនួន 73ដង និងស៊ុតបញ្ចូលទីបាន 23គ្រាប់ ចាប់តាំងពីរូបគេចូលរួមជាមួយនឹងក្រុមនេះនៅឆ្នាំ2015 ហើយទម្រង់លេងរបស់កីទ្បាករម្នាក់នេះក៏មិនមែនធម្មតាដែរ ដោយថ្មីៗនេះគេបានប្រើទេពកោសល្យ និងជំនាញផ្ទាល់ខ្លួន កិបបាល់ញាក់ដាច់ខ្សែការពារលំដាប់ពិភពលោក Van Dijk ហើយក៏ស៊ុតបញ្ចូលទីបានសម្រេចទៀតផង។
កីទ្បាករសញ្ជាតិកូរ៉េរូបនេះ ក៏មានក្លិបអាជីពនៅក្នុងក្របខ័ណ្ឌ English Premier League ជាច្រើនទៀតចាប់អារម្មណ៍ ដែលមានដូចជា Everton និង Wolves ជាដើម ខណៈដែលមិត្តរួមក្រុមរបស់គេម្នាក់ទៀតគឺ Takumi Minamino ក៏ទើបតែបានផ្លាស់ទៅលេងនៅប្រទេសអង់គ្លេស និងកំពុងតែលេងឱ្យក្រុម Liverpool ផងដែរ៕
ប្រភព៖ 90min
![](https://i0.wp.com/www.lareine.com.kh/wp-content/uploads/2020/01/salzburgs_south_korean_midfielder_hwang_heechan_l_beats_liverpoo_1359621.jpg?resize=640%2C360&ssl=1)
![](https://i0.wp.com/www.lareine.com.kh/wp-content/uploads/2020/01/wolves-prepare-january-swoop-for-salzburg-forward-hwang-hee-chan.jpeg?resize=696%2C435&ssl=1)
![](https://i0.wp.com/www.lareine.com.kh/wp-content/uploads/2020/01/គ្រប់ក្លឹបនៅ-Premier-League-កំពុងផ្តោតអារម្មណ៍-លើកីទ្បាករកូរ៉េខាងត្បូងម្នាក់.jpg?resize=696%2C365&ssl=1)
![](https://i0.wp.com/www.lareine.com.kh/wp-content/uploads/2020/01/22147656-7784761-image-a-17_1576147616223.jpg?resize=634%2C423&ssl=1)
![](https://i0.wp.com/www.lareine.com.kh/wp-content/uploads/2020/01/EE0MVunWwAENBWQ.jpg?resize=696%2C535&ssl=1)