គណៈកម្មាធិការប្រយុទ្ធប្រឆាំងផលិតផលក្លែងក្លាយ នៃក្រសួងមហាផ្ទៃ បានចុះចែកឆេរ កន្លែងលក់គ្រឿងសំអាង២ទីតាំងម៉ាក N&K ដែលគេដឹងថា នាងខ្ញុង តារាកំប្លែងដ៏ល្បីឡាយលក់រាល់ថ្ងៃ កាលពីព្រឹកថ្ងៃទី៨ ខែមករា ឆ្នាំ២០១៩ និងមានទីតាំងស្ថិតនៅផ្ទះលេខ៤៨Z តាមផ្លូវ លេខ១៣៤ សង្កាត់ផ្សារដេប៉ូ២ ខណ្ឌទួលគោក ទីតាំងទី២នៅផ្ទះលេខ៥០Zផ្លូវ១៣៤ សង្កាត់ផ្សារដេប៉ូ២ខណ្ឌទួលគោក។
នៅក្នុងប្រតិបត្តិការណ៍នេះ សមត្ថកិច្ចបានឱ្យដឹងថា បន្ទាប់ពីមានការសង្ស័យទៅលើទីតាំងខាងលើថាលួចលាក់ក្លែងបន្លំលក់ផលិតផលគ្រឿងសំអាង ការក្លែងក្លាយ និងអត់ច្បាប់ ក៏សូមគោលការណ៍ពីព្រះរាជអាជ្ញាដើម្បីឆែកឆេរ។ ជាលទ្ធផលសមត្ថកិច្ច បានរកឃើញ ផលិផលគ្រឿងសំអាងម៉ាកN &K ជាច្រើនមុខ នឹងបានដកហូតផលិតផលមួយចំនួន ទៅពិនិត្យនៅក្រសួងមហាផ្ទៃ នឹងឱ្យម្ចាស់ទីតាំងឈ្មោះ យ៉ាង ផាន់ណា ទៅកាន់ស្នាក់ការដើម្បីសាកសួរ ។ពាក់ព័ន្ធករណីខាងលើ យើងមិនអាចសុំការបំភ្លឺពីម្ចាស់ទីតាំខាងលើបានទេ ដោយសារម្ចាស់ទីតាំងមិនសហការជាមួយអ្នកសារព័ត៌មាន ៕
