ភ្នំពេញៈ ខណៈមកដល់ពេលពេលនេះ តា ហ៊្វុយហ្សូ ឈ្មោះពិត ស៊ូ សាវ៉ាង ជាតារាកំប្លែងជើងចាស់ និងជាប្រធានអង្គការសមាគមចលនា វប្បធម៌ជាតិ ដើម្បីកុមារកំព្រា និងក្រីក្រ (NACA) កំពុងសង្គ្រោះបន្ទាន់នៅឯមន្ទីរពេទ្យកាល់ម៉ែត្រ ខណៈលោកត្រូវបានគេបញ្ជូនមកដល់ពេទ្យនៅវេលាម៉ោង១០ យប់មិញនេះ បន្ទាប់ពីមានអាការចុកឆ្អល់ក្នុងពោះ ទ្រាំលែងបាន។
![](https://i0.wp.com/www.lareine.com.kh/wp-content/uploads/2017/04/fuso7.jpg?resize=696%2C928&ssl=1)
![](https://i0.wp.com/www.lareine.com.kh/wp-content/uploads/2017/04/fuso5.jpg?resize=696%2C928&ssl=1)
![](https://i0.wp.com/www.lareine.com.kh/wp-content/uploads/2017/04/fuso3.jpg?resize=360%2C480&ssl=1)
បើតាមគ្រូពេទ្យប្រចាំការនៅមន្ទីរពេទ្យនោះ បានឲ្យដឹងថា លោកតា ហ៊្វុយហ្សូ នៅមិនទាន់ចេញពីបន្ទប់សង្គ្រោះបន្ទាន់នៅឡើយទេ និងតាមការបញ្ជាក់ពីលោក ស៊ុន តារា គ្រូពេទ្យបានប្រាប់ថា តា ហ៊្វុយហ្សូ បានបែកគ្រាប់ឈាមយ៉ាងខ្លាំង ហើយគ្រឿងក្នុងពេទ្យថា មានបញ្ហាធ្ងន់ធ្ងរខ្លាំងណាស់។ អតីតតារាកំប្លែងវ័យ ៧៤ ឆ្នាំរូបនេះ ក៏ធ្លាប់មានជំងឺសន្លាក់យ៉ាងធ្ងន់ធ្ងរជាង ២ ខែមក ហើយ។ ជំងឺនោះបានធ្វើឲ្យអតីតតារាកំប្លែងរូបនេះ មានអាការបានធ្វើទុក្ខជាខ្លាំងស្ទើររាល់ថ្ងៃ ចាប់ពីត្រគាករហូតដល់ចុងជើង គឺមានអាការក្ដៅក្រហាយជាខ្លាំង មិនអាចដេកនិង ដើរបានឡើយ។
![](https://i0.wp.com/www.lareine.com.kh/wp-content/uploads/2017/04/fuso6.jpg?resize=696%2C928&ssl=1)
![](https://i0.wp.com/www.lareine.com.kh/wp-content/uploads/2017/04/fuso-1.jpg?resize=540%2C720&ssl=1)
គួរបញ្ជាក់ថាកន្លងមកលោកតា ហ៊្វុយហ្សូ ក៏ធ្លាប់លេចឮថាលោកបានលះបង់ដោយការយកប្លង់ផ្ទះទៅដាក់ធានាដើម្បីយកប្រាក់ពីធនាគារកាលពី ២ ឆ្នាំមុន នាគ្រានោះអង្គការរបស់លោកអស់ជំនួយតែម្ដង ស្របពេលដែលលោកបានប្ដូរទីតាំងមកនៅកន្លែងថ្មី សប្បុរសជនដែលធ្លាប់ជួយរកមិនឃើញ ហើយមិនមានបណ្ដាញសារព័ត៌មានជួយផ្សព្វផ្សាយទៀតផង។ លោកធ្លាប់បង្ហើបបានឲ្យដឹងថា កាលណោះលោកបានខ្ចីប្រាក់ពីធនាគារត្រឹមតែ ១០០០ ដុល្លារ ដើម្បីយកមកដោះទាល់មួយគ្រា ជាពិសេសគឺ បង់ថ្លៃភ្លើងតែម្ដង ព្រោះភ្លើង តែហ៊ានបង់យឺតគឺគេផ្ដាច់ហើយ។ ស្រណោះសម្តីលោកថា ៖ «រឿងគេផ្ដាច់ភ្លៀងហ្នឹង គេផ្ដាច់ច្រើនដងមកហើយ អីចឹងមានតែ ប្លង់ផ្ទះហ្នឹងសិនហើយ ដើម្បីដោះស្រាយមួយគ្រាសិន»។
![](https://i0.wp.com/www.lareine.com.kh/wp-content/uploads/2017/04/fuso8.jpg?resize=696%2C522&ssl=1)
![](https://i0.wp.com/www.lareine.com.kh/wp-content/uploads/2017/04/fus10.jpg?resize=480%2C360&ssl=1)
អង្គការ NACA របស់តា ហ៊្វុយហ្សូ បានបង្កើតឡើងនៅឆ្នាំ២០០០ ដោយទទួលយកតែកុមារកំព្រា ឬកុមារដែលក្រីក្រគ្មានលទ្ធភាពទៅសាលារៀន ក្នុងចន្លោះពី អាយុ៦ឆ្នាំ រហូតដល់ទៅ១៨ឆ្នាំ ។ អង្គការមួយនេះ មានបង្រៀនសិល្បៈរបាំគ្រប់ប្រភេទ តារាសម្ដែងខារ៉ាអូខេ ពិធីករ បង្រៀនភាសា អង់គ្លេស និង ចំណេះដឹងទូទៅជាដើម៕