បណ្ដាញទំនាក់ទំនងសង្គមហ្វេសប៊ុក (Facebook) ត្រូវបានទទួលស្គាល់ថា មានតួនាទីជាប្រភពព័ត៌មានដ៏សំខាន់សម្រាប់ពលរដ្ឋកម្ពុជា ក្នុងពេលបច្ចុប្បន្ន ជាងប្រភពព័ត៌មានដែលពួកគេទទួលបានពីទូរទស្សន៍ និងវិទ្យុដូចឆ្នាំកន្លងទៅ។ ដូចដែលយើងបានដឹងហើយថា ថ្មីៗនេះបញ្ហានៅលើសង្គមហ្វេសប៊ុកមានរឿងរ៉ាវច្រើនរាប់មិនអស់ អស់ពីរឿងមួយចូលរឿងមួយ និយាយរួមមានរឿងឱ្យតាមដានរហូត ដោយរឿងភាគច្រើនដែលត្រូវគេតាមដាន ជារឿង ហែកកេរ្តិ៍គ្នា រឿងឈ្លោះប្រកែកគ្នា រឿងដៀមរាម ជេរបញ្ចោរគ្នា និងរឿងទើសនេះទើសនោះជាដើម។
ហាក់ធុញទ្រាន់នឹងរឿងមិនបានការដែលផ្ទុះស្ទើររាល់ថ្ងៃ តែរឿងជាតិ រឿងសង្គម រឿងសិល្បៈវប្បធម៌ខ្មែរគ្មានអ្នកអើពើ លោក G-Davith ដែលជាតារារ៉េបដ៏ល្បីមួយរូប ព្រឹកនេះលោកបានចេញសារមួយយ៉ាងវែងអន្លាយធ្វើឱ្យអ្នកគាំទ្រពេញចិត្តជាខ្លាំង។ ដោយលោក G-Davith បានបង្ហោះសារលើគណនីផ្ទាល់ខ្លួនមានឈ្មោះ Ngoun Chan Davith ថា៖ « កាលគេចប់អារឿងអស់ហ្នឹង ? MV ? បកស្រាយ ? ខំទើស បង្កើតទើស បង្ក្រាប់ទើស ? មិនបើកភ្នែកមើល youtube ? M/V គេចេញ 1ម៉ោង ៥លាន views ឯងវិញមិនដឹងស្អីជាស្អី ។អារឿងមិនល្បីខំទៅប្រកាសអត់ចេះខ្មាស់ យួន ខ្មាស់ថៃទេហី ? ចោទយួនចោទថៃ ដៀលយួនដៀលថៃ គេបង្កើតកម្មវិធី ធំ ល្ខោនគេរូបធម្មតាទៅជា 3D យក្ស តារាគេទៅដល់ណាផ្អើលនៅហ្នុង តារាឯងទៅដល់ណាមុខគេមិនមើល។ ត្រឹម យួន តារាគេច្រៀងជាមួយដល់ទៅ snoop dogg ទៅហើយ ឯងវិញនៅធ្វើឡូយ ស្អី ? អត់ទោសអារឿងថត អីហ្នឹងវាលើស វាលើសទៅហើយ សំខាន់គិតថា M\V ហ្នឹងវាល្បីហោះទៅណា ? សំខាន់ពេលចេញមក បើវាលើសចឹងមែន ក្រសួងនឹងចាត់ការហើយ ។
ហើយឆ្ងល់ខំអារឿងអស់ហ្នឹងម៉េស ហើយថីចង់បង្ហាញចង់បើកទ្រូងហ្នឹងបានអី ? ខំធ្វើចឹងដូចចង់បង្ហាញថាក្រសួងមិនធ្វើការឬមិច ? គេខំប្រកាសកាពារទឹកដីសន្តិភាព គេខំប្រកាសឱ្យប្រជាជនកុំឱ្យមានភាពភ័យខ្លាច គេខំប្រកាសឱ្យប្រជាជនដើរលេងសប្បាយក្នុង ពិធីបុណ្យអ៊ុំទូក គេខំរក្សាសន្តិសុខជូនរាស្រ្ត ឯ ពួកអត់ប្រយោជន៍បំបែកសាច់រឿងឈ្លោះគ្នាអត់ប្រយោជ៍ ធ្វើអោយពត៍មានមិនទូលំទូលាយ ។បើចង់អោយសិល្បៈខ្លាំង សូមយកចិត្តទុកដាក់ ជាពិសេសតម្លៃនៃសិល្បៈគ្រប់ប្រភេទ។ និយាយជារួមស្អីក៏ដោយបើចង់អោយខ្លាំងសូមធ្វើដោយសតិកុំគិតតែ ( អាត្មាអញ ) ។សរុបទៅខ្ញុំនេះក៏អត់ប្រយោជន៍មកចំណាយពេល ១០ នាទីលើ status នេះ ។ ណ្ហើយចំជាអត់ប្រយោជន៍មែនខ្ញុំ»។
![](https://i0.wp.com/www.lareine.com.kh/wp-content/uploads/2019/11/S11.jpg?resize=696%2C708&ssl=1)
![](https://i0.wp.com/www.lareine.com.kh/wp-content/uploads/2019/11/69653002_2457755494318315_1498514244193222656_n.jpg?resize=540%2C960&ssl=1)
![](https://i0.wp.com/www.lareine.com.kh/wp-content/uploads/2019/11/67426547_2372359316191267_2633935505120559104_n.jpg?resize=696%2C696&ssl=1)
![](https://i0.wp.com/www.lareine.com.kh/wp-content/uploads/2019/11/67403164_2367251853368680_6340174771816235008_n.jpg?resize=540%2C960&ssl=1)