តារាចម្រៀង T.O.P បានទម្លាយឱ្យដឹងថា លោកធ្លាប់មានទំនាក់ទំនងស្នេហាជាមួយមនុស្សស្រីម្នាក់មានឈ្មោះថា Han SeoHee ដែលធ្លាប់ប្រើប្រាស់ថ្នាំញៀន ជក់បារី និងជក់កញ្ឆា ព្រមទាំងចូលចិត្តផឹកស្រាជាមួយគ្នាទៀតផង។ តារាប្រុសរូបនេះបានបង្ហើបប្រាប់ថា នៅពេលដែលនារីម្នាក់នេះដើរចូលមកក្នុងជីវិតរបស់លោក នាងបានធ្វើឱ្យលោកកាន់តែមានក្តីទុក្ខវេទនាខាងផ្លូវចិត្ត និងសម្រេចចិត្តជក់បារី និងកញ្ឆាតាមនាងដែរ។
តារាប្រុសវ័យ 29 ឆ្នាំរូបនេះបានបន្ដទៀតថា “ខ្ញុំមានអារម្មណ៍ថាសោកស្តាយ និងខូចចិត្តខ្លាំងណាស់ចំពោះអ្វីដែលខ្ញុំបានធ្វើកន្លងមក ខ្ញុំចេះផឹកស្រា និងផឹកខ្លាំងទៀតផង ចេះជក់បារី ចេះជក់កញ្ឆាតាមការបង្ហាត់របស់នាង តែនៅពេលបែកពីនាង ខ្ញុំក៏ឈប់ជក់បារី និងកញ្ឆា និងឈប់ផឹកស្រាហើយ“។
![](https://i0.wp.com/cdn.koreaboo.com/wp-content/uploads/2017/06/TOPIMAGE2.png?resize=696%2C893&ssl=1)
គួរបញ្ជាក់ផងដែរថា ប៉ូលិសបានធ្វើការស៊ើបអង្កេតរឿងរ៉ាវរបស់តារាប្រុស T.O.P កាលពីខែមីនា ឆ្នាំ2017 កន្លងមក ហើយថ្មីៗនេះប៉ូលិសក៏បន្ដស៊ើបករណីពាក់ព័ន្ធជាមួយនារីឈ្មោះ Han SeoHee ដែលធ្លាប់បានប្រើប្រាស់គ្រឿងញៀនប្រភេទកញ្ឆាខុសច្បាប់តាមការឱ្យការណ៍របស់តារាប្រុស T.O.P និងនៅតែបន្ដការសួរចម្លើយបន្ថែមពីតារាចម្រៀងរូបនេះទៀតផងដែរ ព្រោះថាតារាប្រុសខាងលើនេះ បានបង្ហាញភ័ស្ដុតាងដែលបានប្រើប្រាស់កញ្ឆានៅក្នុងផ្ទះរបស់ Han SeoHee ដល់ប៉ូលិសហើយ៕