ក្រោយពីបង្ហាញខ្លួនតាំងពីឆ្នាំ 1964 ក្នុងកម្មវិធី World Fair ក្នុងទីក្រុង New York មក រថយន្ត Ford Mustang បានអភិវឌ្ឍខ្លួនជាមួយនឹងការបំពាក់បច្ចេកវិទ្យាទំនើបៗជាច្រើន ហើយបានក្លាយជារថយន្តស្ព័រដែលពេញនិយមបំផុតនៅតំបនអាស៊ីប៉ាស៊ីហ្វិកសម្រាប់រថយន្តជំនាន់ទី 6 របស់ម៉ាកនេះ។
រថយន្ត Ford Mustang មានម៉ាស៊ីន 2 ប្រភេទ រួមមានប្រភេទម៉ាស៊ីន 2.3-liter Ecoboost 4ស៊ីឡាំង និង ប្រភេទម៉ាស៊ីនធំ 5.0-liter 8 ស៊ីឡាំង។ នៅប្រទេសចិន 90% នៃចំនួនរថយន្តលក់ជាប្រភេទម៉ាស៊ីន 2.3-liter Ecoboost រីឯនៅប្រទេសអូស្ត្រាលីវិញប្រភេទម៉ាស៊ីន 5.0-liter V8 ពេញនិយមជាងប្រភេទម៉ាស៊ីនតូចៗ។ សម្រាប់ពណ៌រថយន្តវិញ ពណ៌ដែលពេញនិយមបំផុតទាំងនៅទីផ្សារប្រទេសចិន និងអូស្ត្រាលី មានពណ៌ខ្មៅ និងពណ៌ក្រហម ដែលជាពណ៌តំណាងឱ្យស្មារតីអត្តពលកម្ម អំណាច និងសេចក្ដីស្រឡាញ់។ លើសពីនេះទៅទៀតនោះ អ្វីដែលធ្វើឱ្យរថយន្តនេះទទួលបានការពេញនិយមកាន់តែខ្លាំងនោះគឺ ការរចនាម៉ូដ និងបច្ចេកវិទ្យាចុងក្រោយដែលបំពាក់នៅក្នុងរថយន្ត ដែលរួមមានដូចជា៖
1. HID Headlamps with & LED Signature Lighting – ចង្កៀងគជ់បំពាក់ដោយភ្លើង LED ប្រភេទស្ព័រ 3ឆ្នូត
2. LED Tail lamps with Sequential Turn Signals – ចង្កៀងស្តុបក្រោយបំពាក់ដោយភ្លើងស៊ីញ៉ូប្រដេញគ្នា
3. Ambient Lighting – ភ្លើងខាងក្នុងរថយន្តអាចប្ដូរពណ៌បាន
4. Pony Projection Light – ភ្លើងបំភ្លឺរូបសេះនៅចំហៀងរថយន្តទាំងសងខាងពេលបើកទ្វារ
5. Intelligent Access with Push-Button Start – ប្រព័ន្ធបញ្ឆេះរថយន្តដោយស្វ័យប្រវត្តិជាមួយនឹងការចុចបូតុង
6. BLIS (Blind Spot Information System) with Cross-Traffic Alert – ប្រព័ន្ធផ្តល់សញ្ញានៅចំហៀង និងខាងក្រោយនៃរថយន្ត (ពេលវ៉ា បត់ឆ្វេងស្ដាំ និងថយក្រោយ)
7. Adaptive Cruise Control and Rain-Sensing Wipers – ប្រព័ន្ធកំណត់ល្បឿននៃការបើកបរ និងផ្លិតទឹកប្រើសេនស័រអូតូ
8. Selectable Power-Assisted Steering Wheel (Normal, Sport, Comfort…) -ចង្កូតប្រើថាមពលអេឡិចត្រូនិកអាចកំណត់ស្ថានភាពផ្សេងៗគ្នាបាន
9. Selectable Driving Mode (Normal, Snow / Wet, Sport, or Track) – ប្រព័ន្ធគ្រប់គ្រងល្បឿនទៅតាមស្ថានភាពផ្លូវ
10. ShakerTM Pro Audio with HR Radio – ប្រព័ន្ធបំពងសំឡេង Shaker Pro
