ភ្នំពេញៈ កុនដែលដឹកនាំការសម្តែង និងដាក់ទុកដំបូងរបស់តារាកំប្លែងល្បីប្រចាំទូរទស្សន៍ស៊ីធីអ៊ិនគឺ នាយ គ្រឿន រឿង «ជួបស៊យ» កំពុងតែចាក់បញ្ចាំងតាមរោងកុនទំនើបៗនានាយ៉ាងគគ្រឹកគគ្រេង និងទទួលបានការគាំទ្រដោយការនិយាយថា ល្អមើល កំប្លែងសើចសប្បាយធូរអារម្មណ៍គឺចាយលុយទិញសំបុត្រទស្សនាមិនខកបំណងនោះ ក៏លេចឮថា មានអ្នកទស្សនាខ្លះឆ្លៀតឱកាសយកកេងចំណេញផ្សាយវីដេអូផ្ទាល់ (Live Video ) ចេញពីរោងកុនទៅក្រៅចែកមិត្តភក្តិខ្លួនបានមើលមិនបាច់អស់ប្រាក់ទិញសំបុត្រ។
![](https://i0.wp.com/www.lareine.com.kh/wp-content/uploads/2017/04/LD-Picture-1024x768.jpg?resize=696%2C522&ssl=1)
ដំណឹង Live Video នេះ ក៏បង្កឲ្យមជ្ឈដ្ឋានមហាជនភាគច្រើនមានការរិះគន់ និងសម្តែងការហួសចិត្តចំពោះភាពមិនសមរម្យខ្វះការពិចារណានេះផងដែរ សូម្បីតារាសម្តែងស្រីអ្នកមេម៉ាយ ចាយរាងមានរូបឆោមលោមល្អក្រមុំមិនដូរ អ្នកនាង សុខ សោម៉ាវត្តី ក៏ទ្រាំលែងបានហើយទម្លាយសារតាមហ្វេសប៊ុកខ្លួនបង្ហាញពីអារម្មណ៍សោកស្តាយផងដែរ។
![](https://i0.wp.com/www.lareine.com.kh/wp-content/uploads/2017/04/Votey.jpg?resize=696%2C563&ssl=1)
តារាសម្ដែង និងពិធីការិនី ស្រីស្រស់សម្រស់ផូរផង់ និងនៅខ្ញង់មិនចាញ់ក្រមុំ អ្នកនាង សុខ សោម៉ាវត្តី បានសរសេរសារមួយឃ្លាថា៖ «អរគុណដែលស្រលាញ់កុនខ្មែរដល់ថ្នាក់ចូលមើលហើយលួច Live Video ទៀត …..ចង់សួរថាអត់មានអាណិតអ្នកផលិត អ្នកចាយលុយទេ ឬក៏អី ? គួរនិយាយបែបណាឲ្យសមនឹងចិត្តដែលឃើញរឿងគួរឲ្យស្អប់បែបនេះ ? ជួយ Share ឲ្យអ្នក Live រឿងជួបស៊យឃើញផង ដើម្បីឲ្យគាត់ពិចារណាថាអ្វីដែលគាត់ធ្វើខុស ឬត្រូវ »។
![](https://i0.wp.com/www.lareine.com.kh/wp-content/uploads/2017/04/2017-04-26_165907.jpg?resize=688%2C317&ssl=1)
![](https://i0.wp.com/www.lareine.com.kh/wp-content/uploads/2017/04/LD-Picture-1-1024x768.jpg?resize=696%2C522&ssl=1)
![](https://i0.wp.com/www.lareine.com.kh/wp-content/uploads/2017/04/Sok-Somavotey11.jpg?resize=696%2C522&ssl=1)
វណ្ណកម្មដឹកនាំសម្ដែងរឿង ជាលើកដំបូងរបស់តារាកំប្លែង នាយ គ្រឿន មានចំណងជើងថា «ជួបស៊យ» នៃផលិតកម្ម LD Picture បានបើកសម្ពោធយ៉ាងអធិកអធម នាល្ងាចថ្ងៃទី១០ ខែមេសា ឆ្នាំ២០១៧នេះ នៅរោងភាពយន្ត Legend ផ្សារស្ទឹងមានជ័យថ្មី ដោយមានវត្តមានតារាសម្ដែងចាស់ថ្មី និងតារាចម្រៀង ព្រមទាំងទស្សនិកជន យ៉ាងច្រើនកុះករចួលរួម។ ចំណែកតារាសម្ដែងល្បីៗមានដូចជា នាយ គ្រឿន, នាយ ពែកមី , លោក ទេព រិនដារ៉ូ, អ្នកនាង ប៉ែន សុផានី , លោក ងួន សុបិន, កញ្ញា សាឡាត់ ស្រីឡាង, កញ្ញា គៀត សុវណ្ណាឡាង, លោក ជា សុវណ្ណារាហ៍ និងតារាសម្ដែងប្រុសស្រីជាច្រើនរូបទៀត៕
![](https://i0.wp.com/www.lareine.com.kh/wp-content/uploads/2017/04/LD-Picture-3-1024x768.jpg?resize=696%2C522&ssl=1)
![](https://i0.wp.com/www.lareine.com.kh/wp-content/uploads/2017/04/LD-Picture-5-1024x768.jpg?resize=696%2C522&ssl=1)