បន្ទាប់ពីគ្រូបង្វឹកជម្រើសជាតិកម្ពុជា លោក Felix បាននិយាយក្នុងសន្និសីទកាសែត 1ថ្ងៃមុនការប្រកួតថា កីឡាករទាំងឡាយដែលលោកធ្វើការកោះហៅ គឺសុទ្ធតែជាកីឡាករដែលមានឆន្ទៈក្នុងការលេងឱ្យក្រុមជម្រើសជាតិគោព្រៃកម្ពុជា។
តែ កាលពីពេលថ្មីៗនេះ កីឡាករ ចាន់ វឌ្ឍនាកា បានបង្ហោះសារនៅក្នុងបណ្តាញសង្គមរបស់ខ្លួន អមជាមួយរូបភាព 1សន្លឹក ដោយបានសរសេរថា ”សូមទោសដែលប៉ុន្មានឆ្នាំមកនេះអ្នកលេងគ្មានឆន្ទៈលេងទេ អ្នកគឺលេងដោយការសប្បាយរបស់អ្នក”។ ទោះជាបែបនេះក្តី រឿងរ៉ាវលម្អិតចំពោះអត្ថន័យពិតប្រាកដនៃការបង្ហោះសារនោះ មិនត្រូវបានបង្ហើបឱ្យដឹងដោយ កីឡាករ ចាន់ វឌ្ឍនាកា ឡើយ។
កីឡាករ ចាន់ វឌ្ឍនាកា មិនត្រូវបានគ្រូបង្វឹកជម្រើសជាតិកម្ពុជាដាក់ឈ្មោះក្នុងបញ្ជីកោះហៅរបស់ខ្លូនឡើយ ខណៈដែលកីឡាកររូបនេះទើបតែសម្រេចចិត្តចែកផ្លូវគ្នាជាមួយនឹងក្លិបលីកកំពូលម៉ាឡេស៊ី PKNS FC កាលពីជាង 2សប្តាហ៍មុន៕
