ដើម្បីជំរុញឱ្យមានកិច្ចសហប្រតិបត្ដិការរវាងពាណិជ្ជករថៃ និងកម្ពុជាក្នុងការបង្កើនគុណភាពភាពយន្ដ ក៏ដូចជាចែករំលែកបទពិសោធទៅវិញទៅមកកាលពីព្រឹកមិញនេះ សិក្ខាសាលាមួយស្ដីពីឧស្សាហកម្មភាពយន្ដត្រូវបានរៀបចំឡើងនៅសណ្ឋាគារសូហ្វីតែល ភូគីត្រា។ សិក្ខាសាលានេះមានការចូលរួមពីពាណិជ្ជករ ផលិតករក្នុងវិស័យភាពយន្ដនៃប្រទេសទាំងពីរយ៉ាងច្រើនកុះករ។
លោក ជីរ៉ាវុឍ សុវណ្ណអាត អគ្គទីប្រឹក្សាពាណិជ្ជកម្មប្រចាំស្ថានទូតថៃ បានលើកឡើងថា កម្មវិធីនេះបង្កើតឡើងក្នុងគោលបំណងបើកឱកាសដល់ក្រុមហ៊ុនពាក់ព័ន្ធក្នុងវិស័យឧស្សាហកម្មភាពយន្ដរបស់ប្រទេសថៃ និងកម្ពុជា ឱ្យមានការជួបជជែកពិភាក្សាគ្នាលើកិច្ចការនេះបង្កើនកិច្ចសហការក្នុងវិស័យភាពយន្ដធ្វើយ៉ាងណាឱ្យមានភាពរីកចម្រើនបន្ថែមទៀត។
ក្នុងកម្មវិធីសិក្ខាសាលានេះមានការអញ្ជើញចូលរួមពីសំណាក់ក្រុមហ៊ុនមកពីប្រទេសថៃដែលពាក់ព័ន្ធលើវិស័យភាពយន្ដចំនួនជាង20ក្រុមហ៊ុនមានដូចជាក្រុមហ៊ុនផលិតភាពយន្ដ ក្រុមហ៊ុនលក់ភាពយន្ដ ក្រុមហ៊ុនផ្ដល់ឧបករណ៍ជួលសម្រាប់ការផលិតភាពយន្ដ និងមហាវិទ្យាល័យបង្រៀនផ្នែកភាពយន្ដ។
ក្នុងនោះតំណាងប្រទេសកម្ពុជាក៏មានការចូលរួមយ៉ាងច្រើនពីសំណាក់ពាណិជ្ជករ ផលិតករ ដែលមានដូចជាលោកហ្វៃ សំអាង អ្នកស្រីពាន់ ភួងបុប្ផា អ្នកស្រីថុង ស៊ីវទៀង លោកអ៊ិន សុភិន និងលោកចាន់ណា រ៉ូណាន់ ព្រមទាំងតំណាងមកពីក្រសួងវប្បធម៌ វិចិត្រសិល្បៈផងដែរ។
លោក ចាន់ណា រ៉ូណាន់ ជាផលិតករ និងជាអ្នកដឹកនាំរឿងដែលទទួលបានភាពជោគជ័យក្នុងឆ្នំា 2016 លើរឿង”កំណត់ហេតុនាងនាថ” អាចរកប្រាក់ចំណូលបានរង្វង់ 30 ម៉ឺនដុល្លារអាមេរិកបានបញ្ជាក់ថា ការបង្កើតឱ្យមានសិក្ខាសាលាភាពយន្ដ ពិតជាមានសារៈសំខាន់ណាស់សម្រាប់យើងជាផលិតករ ព្រោះបើយើងសង្កេតទៅលើការផលិតភាពយន្ដនៅក្នុងប្រទេសកម្ពុជាគឺនៅមានចំណុចខ្វះខាតច្រើនដែលយើងត្រូវសិក្សាបន្ថែម។
ដូច្នេះវេទិកានេះអាចឱ្យយើងទទួលបាននូវបទពិសោធជាច្រើនក្នុងការផលិត ក៏ដូចជាអាចបង្កើតឱកាសក្នុងការធ្វើកិច្ចសហប្រតិបត្ដិការចាប់ដៃគូ ស្វែងរកទីផ្សារឱ្យភាពយន្ដរបស់យើងផងដែរ៕
![](https://scontent.fpnh3-1.fna.fbcdn.net/v/t34.0-12/19022206_782366068589452_1489003003_n.jpg?oh=cd212a6f91de159470796e6890888cf5&oe=59396C72)
![](https://scontent.fpnh3-1.fna.fbcdn.net/v/t34.0-12/18983311_782366075256118_1294729266_n.jpg?oh=e9f9536b40ab47f0f1ddf508d13f3396&oe=59395225)
![](https://scontent.fpnh3-1.fna.fbcdn.net/v/t34.0-12/19022126_782366071922785_2020546113_n.jpg?oh=931f781772225c9b40babad9360dcf60&oe=593A3E52)
![](https://scontent.fpnh3-1.fna.fbcdn.net/v/t34.0-12/18945288_782366078589451_1563715241_n.jpg?oh=b43f51e35cefc150de19a81898031db7&oe=593A88F9)
![](https://scontent.fpnh3-1.fna.fbcdn.net/v/t34.0-12/18985062_782366081922784_821826284_n.jpg?oh=6711b72ee3267a0b529991189129797d&oe=593A81BD)
![](https://scontent.fpnh3-1.fna.fbcdn.net/v/t34.0-12/18985293_782366085256117_1071431025_n.jpg?oh=d4e7fad06e7696d8eb1f34d77dea14bd&oe=593A6409)
![](https://scontent.fpnh3-1.fna.fbcdn.net/v/t34.0-12/19022042_782366091922783_309546187_n.jpg?oh=27f18ffcb0146e6939c6c7be1a3a16a3&oe=593A4FC3)
![](https://scontent.fpnh3-1.fna.fbcdn.net/v/t34.0-12/19022090_782366098589449_696726999_n.jpg?oh=a78d8ac684bc6bae2e123fe37aab3336&oe=59394BB8)
![](https://i0.wp.com/www.lareine.com.kh/wp-content/uploads/2017/06/photo6179149864160569297-1024x768.jpg?resize=696%2C522&ssl=1)
![](https://i0.wp.com/www.lareine.com.kh/wp-content/uploads/2017/06/photo6179149864160569299-1024x768.jpg?resize=696%2C522&ssl=1)
![](https://i0.wp.com/www.lareine.com.kh/wp-content/uploads/2017/06/photo6179149864160569296-1024x768.jpg?resize=696%2C522&ssl=1)