មុននេះគេមើលឃើញថា តារាចម្រៀង ម៉ៃ សុគន្ធ ដែលជាធ្លាប់ជាអ្នកគាំទ្រក្រុមតារាចម្រៀង SHINEE បានចេញសារពន្លះទៅកាន់អាចារ្យធំវិញម្ដង ដោយថា បើកភ្នែកនិងបើកខួរមើលផង អ្នករិះគន់ តារា SHINee or Kpop គាត់បានបរិច្ចាកអីខ្លះដល់កម្ពុជានិងកុមារកំព្រាកាលពីឆ្នាំ2010 គាត់ផ្តល់ជំនួយឥតសំណង 10000ដុល្លារ ទៅដល់មូលនិធិកុមារកម្ពុជា តើលុយ10000$ កាលពី8ឆ្នាំមុនរបស់គាត់ទុកជាអសាបង់មែន ?
ត្រឹមតែធ្វើបុណ្យរំលឹកគុណ បាយមួយស្រាក់ តេយ្យទាន បុណ្ណឹងខុសមែន ហើយស្មើទំហំលុយរបស់គាត់ទេ !?(បើ10000$ដាក់ធនាគារក៏ស៊ីការប្រាក់សល់លើសអាលុយធ្វើបុណ្យនេះផង) តែក្មេងគាត់ដឹងគុណតើខុសរឺ!? សាសនាព្រះពុទ្ធប្រកាន់ពូជសាសន៍មែន!?លោកអាចារ្យ តែថេះ ដែលបរិច្ចាក10000$ហើយរឺនៅ !? ទើបដៀលក្មេងៗកប់ៗមាត់ហ្នឹង។
ក្រោយពីអ្នកគាំទ្រខ្មែរមួយក្រុមបានយកចង្ហាន់និងតេយ្យទានមួយចំនួន ទៅប្រគេនព្រះសង្ឃ ដើម្បីឧទ្ទិសបុណ្យកុសលជូនវិញ្ញាណក្ខន្ធលោក Kim Jonghyun ស្រាប់តែកើតមានរឿងចម្រូងចម្រាស់នេះតែម្ដងទៅ។ ដោយឡែកថ្មីនេះៗមន្ត្រីជាន់ខ្ពស់ និងជាអ្នកនាំពាក្យក្រសួងវប្បធម៌និងវិចិត្រសិល្បៈក៏បានគិតថាជារឿងមិនខុសឆ្គងផងដែរ។ លោក ថៃ នរៈសត្យា បានប្រាប់សារព័ត៌មានក្នុងស្រុកថា «វា ជាសន្តានចិត្តរបស់ពួកគេ គេអាចប្រើចំណង់ចំណូលធ្វើបាន បើគេស្រឡាញ់គាំទ្រតារាណាម្នាក់។ ពួកយើង មិនអាចបន្ទាសពួកគាត់បានឡើយ ដោយសារតែវាជាអំពើមនុស្សធម៌។ ជួនណា គេអាចធ្វើទង្វើនេះ ទៅដាក់តារាខ្មែរផងដែរ។ ប្រសិនបើគេធ្វើទង្វើនេះមកលើតារាខ្មែរទៀត ក៏ជាការល្អដែរ»។ លោកក៏បានបន្ថែមថា សកម្មភាពនោះវាមិនខុសក្រមសីលធម៌នោះទេ គ្រាន់តែពួកគេមានសន្តានចិត្ត៕
![](https://scontent.fpnh3-1.fna.fbcdn.net/v/t1.0-9/42584789_1888153337921038_3949207344746856448_n.jpg?_nc_cat=101&_nc_ht=scontent.fpnh3-1.fna&oh=79c14de124ad21af20e29e9f7e062280&oe=5CD9DBF3)
![](https://i0.wp.com/www.lareine.com.kh/wp-content/uploads/2018/12/48380876_2276839282562285_8136765823730581504_n.jpg?resize=696%2C929&ssl=1)
![](https://i0.wp.com/www.lareine.com.kh/wp-content/uploads/2018/12/48343431_2276839349228945_3656483539450331136_n.jpg?resize=696%2C928&ssl=1)
![](https://i0.wp.com/www.lareine.com.kh/wp-content/uploads/2018/12/48363067_2276839372562276_5875858231246454784_n.jpg?resize=696%2C522&ssl=1)
![](https://i0.wp.com/www.lareine.com.kh/wp-content/uploads/2018/12/48270724_2276839419228938_400542916243619840_n.jpg?resize=696%2C522&ssl=1)