កាន់តែមិនមានអ្វីនឹងលាក់បាំងទៀតឡើយ គូស្នេហ៍គូចម្រៀង កញ្ញា ទេព បូព្រឹក្ស និងលោក G-Devith សម្ញែងភាពផ្អែមល្ហែម មិនក្រែងភ្នែកអ្នកគាំទ្រ។
មិនថានៅលើហ្វេសប៊ុក ឬនៅចំពោះមុខមហាជន តារាទាំងពីរហ៊ានឱ្យថើបគ្នា នឹងបង្ហាញកាយវិកាជាគូស្នេហ៍យ៉ាងស្អិតរមួត ដើម្បីជម្នះក្រសែភ្នែកអ្នកចាប់អារម្មណ៍ដែលយល់ថានោះជាសកម្មភាពដ្រាម៉ា កែប្រែជំហរ។ ស្ទើរតែគ្មានសកម្មភាពណាមួយដែលតារាចម្រៀងកញ្ញា ទេព បូព្រឹក្ស និងលោក G-Devith ដាច់ឆ្ងាយពីគ្នានោះទេ ខណៈដែលសកម្មភាពខ្លះ គឺអ្នកទាំងពីរស្ទើរតែមានភាពស្អិតរមួតជាងគូស្នេហ៍ខ្លះនោះផង។ ទាំងអាជីពចម្រៀង និងមុខជំនួញ អ្នកទាំងពីរបានផ្សារភ្ជាប់គ្នាគ្មានសល់ ដោយសូម្បីតែស្ទីលក្នុងការតែងខ្លួនក៏ប្លែកៗត្រូវគ្នាមិនខុសពីគូស្នេហ៍ផងដែរ។
ជាក់ស្ដែងរូបថតស្វីតៗរបស់អ្នកទាំងពីរប៉ុន្មានសន្លឹកមុននេះ ដែល ទេព បូព្រឹក្ស បានបង្ហោះអបអរមុនថ្ងៃកំណើតរបស់លោក G-Devith សុទ្ធតែទាក់ភ្នែកមហាជន និងធ្វើឱ្យម្នាក់ៗចាប់អារម្មណ៍។ រូបភាពប៉ុន្មានសន្លឹកនេះបង្ហាញកាន់តែច្បាស់ថាអ្នកទាំងពីរកាន់តែស្អិតរមួតគ្នាក្នុងផ្លូវស្នេហា បើទោះមិនទាន់កំណត់អោយដឹងពីគម្រោងភ្ជាប់ពាក្យ ឬអាពាហ៍ពិពាហ៍នៅឡើយ៕
![](https://scontent.fpnh3-1.fna.fbcdn.net/v/t1.0-9/48415470_2228142407247710_4369537411546349568_n.jpg?_nc_cat=1&_nc_ht=scontent.fpnh3-1.fna&oh=904e24386d696746b6e5467ca5661ead&oe=5CABB675)
![](https://scontent.fpnh3-1.fna.fbcdn.net/v/t1.0-9/48374719_2228142433914374_4045237092588978176_n.jpg?_nc_cat=1&_nc_ht=scontent.fpnh3-1.fna&oh=4aaa19a5fe8686b30851e6bc4d9e97c4&oe=5CD9E95A)
![](https://scontent.fpnh3-1.fna.fbcdn.net/v/t1.0-9/48370062_2228142533914364_2001027676978020352_n.jpg?_nc_cat=1&_nc_ht=scontent.fpnh3-1.fna&oh=fb419c4523dec4e7c2daf58c8c6cc87b&oe=5C974634)
![](https://scontent.fpnh3-1.fna.fbcdn.net/v/t1.0-9/48413622_2228142743914343_6069833505683013632_n.jpg?_nc_cat=106&_nc_ht=scontent.fpnh3-1.fna&oh=0a411b4ac82515bcff627b9c595bef15&oe=5C900E15)
![](https://scontent.fpnh3-1.fna.fbcdn.net/v/t1.0-9/48416608_2228142933914324_7453397541518835712_n.jpg?_nc_cat=103&_nc_ht=scontent.fpnh3-1.fna&oh=0922541f64082021733fc7a4bd345319&oe=5C9383E4)