ក្រោយមានការចុះផ្សាយព័ត៌មានថាឧស្សាហកម្មកុនកូនជ្រូករបស់ប្រទេសជប៉ុនប្រកាសជ្រើសរើសតួប្រុស ដើម្បីបំពេញតម្រូវការតួប្រុសចាស់ៗដែលចូលនិវត្តន៍ និងដើម្បីផលិតភាពយន្តបម្រើផ្លូវភេទឱ្យបានច្រើននោះ តារាចម្រៀងលោក ម៉ារ៉ា ប៊ុណ្ណា បែរជាទម្លាយឱ្យដឹងថាលោកគឺជាបុរសដែលមានចំណង់ផ្លូវភេទខ្ពស់ ដោយបានទាំងសាក់អក្សរ King Of Sex ប្រែថាស្ដេចផ្លូវភេទ ដែលធ្វើឱ្យម្នាក់ៗភ្ញាក់ផ្អើល។
លោកនិយាយបែបលេងបន្លំមែនថា តែក្រុមហ៊ុនរបស់ជប៉ុនទទួលយក គឺពេញចិត្តនឹងធ្វើការនៅក្នុងវិស័យនេះផង។ លោកអះអាងថា លោកសុំមិនធ្វើការអត្ថាធិប្បាយពីខ្លឹមសារអក្សរដែលលោកបានសាក់នៅលើក្បាលពោះនោះទេ ប៉ុន្តែបានបង្ហើបអត្ថន័យមួយខ្លីថា ប្រហែលជាបងប្អូនយល់ហើយ ថាតើហេតុអ្វីទើបលោកសម្រេចចិត្តសាក់ពាក្យមួយឃ្លានេះ នៅជាប់នឹងសាច់។ ស្រដៀងគ្នានឹងខ្លឹមសារអក្សរដែលលោកបានសាក់ គេកត់សម្គាល់ថាតារាចម្រៀងលោក ម៉ារ៉ា ប៊ុណ្ណា មានព័ត៌មានស្នេហាជាមួយតារាស្រីទាំងក្មេង និងវ័យកណ្ដាលមិនសូវដាច់នោះទេ ដែលអាចនិយាយបានលោកគឺជាបុរសដែលមានមន្តស្នេហ៍មិនធម្មតា។ លោកទទួលថាខ្លួនមិនសូវបាត់បង់ស្នេហាយូរៗនោះទេ ដោយរមែងមាននារីចូលមកជំនួសបេះដូងជាហូរហែរ ពោលគឺលុះត្រាតែលោកមិនបើកចិត្តទទួលទើបអាចនិយាយបានថាលោកមិនមានស្នេហា។
លោកម៉ារ៉ា ប៊ុណ្ណា បានសារភាពថា លោកមិនដល់ថាចង់ថតរឿងនឹងនៅក្នុងវិស័យកុនស៊ិចរបស់ជប៉ុននោះទេ ប៉ុន្តែដោយសារតែមានការភ្ញាក់ផ្អើលនឹងករណីកង្វះខាតនេះ ទើបលោកបង្ហើបឱ្យដឹងថាលោកក៏ជាបុរសស័ក្ដសមដែរ តែលោកមិនដល់ថ្នាក់ស្ម័គ្រចិត្តទទួលថតភាពយន្តនឹងឡើយ។ យ៉ាងណាមិញ លោកបានព្រលយយ៉ាងខ្លីថា បើខាងភាគីក្រុមហ៊ុនជប៉ុន ទទួលយកមែន គឺលោកអាចប្រថុយ៕
![](https://scontent.fpnh3-1.fna.fbcdn.net/v/t1.0-9/45280407_1533725716771884_8816986242806710272_n.jpg?_nc_cat=101&_nc_ht=scontent.fpnh3-1.fna&oh=6b04f98c1e6767c4d041e67927e7e451&oe=5C6B0E0C)
![](https://i0.wp.com/phteasdara.com/wp-content/uploads/2018/12/photo_2018-12-05_07-38-55.jpg?resize=696%2C522&ssl=1)
![](https://i0.wp.com/phteasdara.com/wp-content/uploads/2018/12/photo_2018-12-05_07-38-55-2.jpg?resize=642%2C1280&ssl=1)
![](https://i0.wp.com/phteasdara.com/wp-content/uploads/2018/12/photo_2018-12-05_07-38-53.jpg?resize=435%2C756&ssl=1)
![](https://scontent.fpnh3-1.fna.fbcdn.net/v/t1.0-9/37043761_1424340371043753_4253922054488719360_n.jpg?_nc_cat=111&_nc_ht=scontent.fpnh3-1.fna&oh=298b4a9ef404b156383f4943bb389094&oe=5C6A5405)