កាលពីថ្ងៃទី២៧ ខែឧសភា ឆ្នាំ២០១៧ តារាបង្ហាញម៉ូដស្រីរូបស្អាត Marinda Kerr មានវ័យ ៣៤ឆ្នាំ បានរៀបអាពាហ៍ពិពាហ៍ជាផ្លូវការជាមួយកំលោះមហាសេដ្ឋី ដែលជាស្ថាបនិក និងជានាយកប្រតិបត្តិ (CEO) ក្រុមហ៊ុនបច្ចេកវិទ្យា Snap Inc (Snapchat) គឺលោក Even Spiegel ដែលមានវ័យ ២៦ឆ្នាំ នៅក្នុងភូមិគ្រឹះក្នុងតំបន់ Brentwood ទីក្រុង Los Angeles ដែលពិធីរៀបមង្គលការនេះមិនសូវជាមានភាពអធឹកអធមប៉ុន្មានទេ គឺមានតែភ្ញៀវប្រហែលជា ៥០នាក់តែប៉ុណ្ណោះ។
![](https://i0.wp.com/i2.mirror.co.uk/incoming/article9947759.ece/ALTERNATES/s615b/BESTPIX-2016-Pre-GRAMMY-Gala-And-Salute-to-Industry-Icons-Honoring-Irving-Azoff-Backstage-An.jpg?resize=615%2C848&ssl=1)
ពិធីមង្គលការរបស់មហាសេដ្ឋី Even បានចំណាយទឹកប្រាក់អស់ ៩លានអឺរ៉ូ ដែលបានអញ្ចើញភ្ញៀវកិត្តិយសតែប៉ុន្មាននាក់ មិត្តភ័ក្ដិជិតស្និទ្ធ រួមជាមួយក្រុមគ្រួសារតែប៉ុណ្ណោះ ។ សូមជម្រាបបន្ថែមថា នៅក្នុងពិធីសំខាន់នេះ គេសង្កេតឃើញមានវត្តមានកូនប្រុសរបស់ Miranda Kerr បានចូលរួម ហើយព្រមទាំងត្រេកអរសប្បាយសាទរជាមួយមង្គលការរបស់ម្ដាយខ្លួនទៀតផង ក៏ប៉ុន្ដែមិនឃើញមានវត្តមានរបស់ Orlando ដែលជាអតីតស្វាមីនោះឡើយ។
![](https://i0.wp.com/i1.mirror.co.uk/incoming/article10516416.ece/ALTERNATES/s615b/Guest-arriving-at-Miranda-Kerr-and-evan-spiegel-wedding-in-Los-Angeles-CA.jpg?resize=615%2C410&ssl=1)
នេះជាអាពាហ៍ពិពាហ៍លើកទី ២ ហើយសម្រាប់តារាបង្ហាញម៉ូដជនជាតិអូស្ត្រាលី នាង Marinda Kerr បន្ទាប់ពីនាងបានបែកបាក់ស្នេហ៍ជាមួយអតីតស្វាមី Orlando Bloom កាលពីឆ្នាំ២០១០មក។
![](https://i0.wp.com/i1.mirror.co.uk/incoming/article10516413.ece/ALTERNATES/s615b/Guests-arriving-at-the-wedding-of-Miranda-Kerr-and-evan-spiegel-in-Los-Angeles-CA.jpg?resize=615%2C374&ssl=1)
គួរបញ្ជាក់ផងដែរថា លោក Even Spiegel ត្រូវបានទស្សនាវដ្ដីដ៏ល្បីរបស់អាមេរិក Forbes ផ្ដល់ចំណាត់ថ្នាក់ ជាមហាសេដ្ឋីវ័យក្មេង ជាមួយនឹងទឹកប្រាក់ 4.7ពាន់លានដុល្លារអាមេរិក៕
![](https://i0.wp.com/i4.mirror.co.uk/incoming/article10516415.ece/ALTERNATES/s615b/Guest-arriving-at-Miranda-Kerr-and-evan-spiegel-wedding-in-Los-Angeles-CA.jpg?resize=615%2C403&ssl=1)
![](https://i0.wp.com/i2.mirror.co.uk/incoming/article10516414.ece/ALTERNATES/s615b/Guests-arriving-at-the-wedding-of-Miranda-Kerr-and-evan-spiegel-in-Los-Angeles-CA.jpg?resize=615%2C407&ssl=1)