នៅរសៀលម្សិលមិញ សំឡេងហ៊ោកញ្ជ្រៀវស្រែកស្ទើរតែបែកត្រចៀកនៅឯរោងកុន Major Cineplex by Smart ក្នុងផ្សារទំនើប Aeon Mall 1 ជាមួយ Fan របស់តារាល្បីឈ្មោះមកពីប្រទេសថៃគឺ លោក Peach Pachara ដែលជាតួរឯកប្រុសដ៏សង្ហារនៅក្នុងរឿង “ម៉ូតូឌុបបះសក់ ឬក៏ Bikeman”។
លោក Peach Pachara បានប្រាប់ទៅកាន់ Fan របស់លោកថា នេះជាលើកទីមួយហើយដែលលោកបានមកជួបជាមួយ Fan របស់លោកនៅក្នុងប្រទេសកម្ពុជា ហើយលោកស្រលាញ់ Fan ទាំងអស់គ្នាជាខ្លាំង លោកសង្ឃឹមថានឹងអាចត្រលប់មកជួបជាមួយ Fan ម្តងទៀតនៅក្នុងពេលឆាប់ៗ ខាងមុខ។
លោកបានចំណាយពេលលេងហ្គេម ថតរូបប្លែកៗ ជាច្រើន និង ផ្តល់ភាពសិទ្ធស្នាលជាមួយ Fan របស់លោកយ៉ាងសប្បាយរីករាយ។
តារាប្រុសរូបសង្ហារដែលប្រសូតចេញពីត្រកូលអភិជនលោក Peach Pachara កើតនៅថ្ងៃទី10 ខែឧសភា ឆ្នាំ 1993 និង បានបញ្ចប់ការសិក្សាពីសកលវិទ្យាល័យ Chulalongkorn ផ្នែកពាណិជ្ជកម្ម និងគណនេយ្យ។
ទស្សនិកជនបានស្គាល់លោកលើកដំបូងតាមរយៈស្នាដៃដូចជាការដឹកនាំរឿង SuckSeed និងមហាសេដ្ឋីឆ្នាំ 2011។ បច្ចុប្បន្ននេះគាត់កំពុងធ្វើការជាមួយប៉ុស្តិ៍លេខ 3 ហើយក៏ជាអ្នកដឹកនាំដ៏សំខាន់មួយនៅក្នុងរឿង Hormones: The Series ដែលដើរតួជា Win ហើយលោកក៏ធ្លាប់លេងភ្លេង និង បានបង្កើតក្រុមតន្ត្រីផ្ទាល់ខ្លួនដែលមានឈ្មោះថា Rooftop៕
