តារាកំប្លែង ប្រចាំស្ថានីយទូរទស្សន៍ CTN នាយ តាក់ស៊ី បានធ្វើឱ្យទស្សនិកជន មានការងឿងឆ្ងល់យ៉ាងខ្លាំង បន្ទាប់ពីបានឃើញ នាយ តាក់ស៊ី មានរាងស្គមស្គាំង ដូចជាគ្មានកម្លាំងក្នុងខ្លួនសោះ។
នៅលើបណ្ដាញសង្គមហ្វេសប៊ុក គេមើលឃើញ នាយ តាក់ស៊ី មានជំងឺប្រចាំកាយលើសជាតិស្ករខ្លាំង បណ្ដាលឱ្យស្រកគីឡូជាច្រើន ទើបបានជាស្គមបែបនេះ។ លោកក៏បានសរសេរសារមួយឃ្លា តបទៅកាន់អ្នកគាំទ្រថា « បាទប្អូនគឺជាតិស្ករឡើងខ្លាំងពេកបានជាបងស្រកសាច់ ហើយមួយទៀតបងកោសក់ គឺបងទៅបួសនៅភ្នំគូលេនដើម្បីសងគុណឪពុកម្តាយ គឺបងអត់មានរឿងអីទេប្អូនសូមអគុណ» ។
គួរបញ្ជាក់ដែរថា ឥឡូវនេះនាយ តាក់ស៊ី ក៏កំពុងតែពិនិត្យនឹងព្យាបាលជំងឺលើសជាតិស្ករ តែលោកនូវតែមិនចោលអាជីពសិល្បៈកំប្លែងរបស់លោកនោះទេ ព្រោះលោកចង់ឱ្យទស្សនិកជនមានភាពសប្បាយរីករាយនៅពេលដែលលោកឡើងសម្ដែងម្តងៗ ។ មិនត្រឹមតែប៉ុណ្ណឹងនោះទេតារាកំប្លែង នាយ តាក់ស៊ី ក៏សូមអរគុណដល់ទស្សនិកជននិង អ្នកគាំទ្ររូបលោក ដែលបានបារម្ភពីសុខភាពរបស់លោក គាត់គ្មានតបស្នងទៅទស្សនិកជនវិញទេ ក្រៅពីចំណងដៃទស្សនីយភាព និងម្រាមដៃដប់សំពះអរគុណទៅកាន់ទស្សនិកជនប៉ុណ្ណោះ ៕
![](https://scontent.fpnh16-1.fna.fbcdn.net/v/t1.0-9/44929418_492775677894570_5682355291543306240_n.jpg?_nc_cat=106&_nc_ht=scontent.fpnh16-1.fna&oh=4fc4f8f5accbd162f78375f48aca6bde&oe=5C8403D6)
![](https://scontent.fpnh16-1.fna.fbcdn.net/v/t1.0-9/44907375_189967528575319_4643754881369243648_n.jpg?_nc_cat=105&_nc_ht=scontent.fpnh16-1.fna&oh=7e8d2bbae612fca4c7362ef6a043599f&oe=5C42D740)
![](https://scontent.fpnh16-1.fna.fbcdn.net/v/t1.0-9/44855398_189967568575315_6321218332359917568_n.jpg?_nc_cat=104&_nc_ht=scontent.fpnh16-1.fna&oh=6310c7ac0845599ed81aa37a58bef029&oe=5C7E7E5A)
![](https://scontent.fpnh16-1.fna.fbcdn.net/v/t1.0-9/42392837_189967615241977_1834262703988801536_n.jpg?_nc_cat=110&_nc_ht=scontent.fpnh16-1.fna&oh=5c787493d8bcd7373f9ae7ec28baf7f6&oe=5C7C94F6)
![](https://scontent.fpnh16-1.fna.fbcdn.net/v/t1.0-9/44825788_189967658575306_7103071305590636544_n.jpg?_nc_cat=110&_nc_ht=scontent.fpnh16-1.fna&oh=8737e5ff32d09054689d45fe189f6a1b&oe=5C810D70)