នេះពុំមែនទើបជាលើកទីមួយនោះទេ សម្រាប់រាជនីចិត្តធម៌កញ្ញា ដេននី ក្វាន់ ដែលតែងលេចមុខក្នុងសកម្មភាព មនុស្សធម៌ជួយដល់សង្គម តាមរយៈការចុះចែកអំណោយ និង សម្ភារៈជួយដល់ប្រជាពលរដ្ឋ ជួបការខ្វះខាត ចាស់ជរា និងកុមារមាក្រីក្រនៅតាមសហគមន៍ និងបណ្តាខេត្តមួយចំនួន។ ទង្វើនេះល្អនេះកំពុងទទួលបានការគាំទ្រ និងលើកសរសើរពីសំណាក់មហាជនយ៉ាងច្រើន។
ហើយថ្មីៗនេះ ដេននី ក្វាន់ បានប្រកាសនៅបណ្ដាញសង្គមហ្វេសប៊ុករបស់ខ្លូន ក្នុងការផ្ដល់ជំនួយដល់សិស្សក្រីក្រមួយចំនួន ។ នាងបានរៀបរាប់នៅលើបណ្ដាញសង្គមហ្វេសប៊ុករបស់ខ្លួនថា « តើមានមិត្តណាដឹងថាសាលារៀនណាសម្បូរសិស្សក្រីក្រទេ ? បើដឹងជួយប្រាប់ផងព្រោះចង់ទិញសំភារៈសិក្សាចែកជូនដល់ពួកគាត់ »។
សូមជម្រាបដែរថា ពីតារាសម្ដែងស្រីសិចស៊ីមិនសំចៃដៃ រហូតបានក្លាយជាតារាទី1 ដែលក្រសួងវប្បធម៌ សម្រេចដាក់ពិន័យ1ឆ្នាំ មិនឱ្យមានសកម្មភាពក្នុងវិស័យសិល្បៈ តែនាងបានប្រែមុខមាត់ថ្មីដែលមហាជនគាំទ្រទទួលស្គាល់ចំពោះទឹកចិត្តសប្បុរស និងអំពើល្អជាច្រើន រួមផ្សំទស្សនៈដែលនាងធ្លាប់បានយល់ឃើញថា ពីភាពក្រលំបាករបស់មនុស្សម្នាក់ៗ ដែលបានកើតមកលើលោកនេះហើយ គឺមានវាសនាខុសៗគ្នា ពោលគឺមនុស្សម្នាក់ៗកើតមក ពុំមាននរណាម្នាក់ចង់ជួបនូវភាពក្រលំបាកលំបិន ខ្វះមុខខ្វះក្រោយ រស់ក្នុងសភាពវេទនាឡើយ។ សំខាន់បើមានធនធានសមរម្យអាចចែករំលែកបាន សូមជួយចែករំលែកតាមលទ្ធភាព ព្រោះសុទ្ធតែជាមនុស្សរស់នៅ ក្នុងសង្គមតែមួយ និងជាជាតិសាសន៍ តែមួយដូចគ្នា៕
![](https://scontent.fpnh3-1.fna.fbcdn.net/v/t1.0-9/44477854_2169882006566641_3031421465506349056_n.jpg?_nc_cat=107&_nc_ht=scontent.fpnh3-1.fna&oh=3ac60299fc1762bede8ed4c94983ddc6&oe=5C45DF11)
![](https://scontent.fpnh3-1.fna.fbcdn.net/v/t1.0-9/42756565_2159843730903802_1478157834376970240_n.jpg?_nc_cat=106&_nc_ht=scontent.fpnh3-1.fna&oh=f3f9f7edd49122de2141b591138da115&oe=5C57611D)
![](https://scontent.fpnh3-1.fna.fbcdn.net/v/t1.0-9/42704322_2159208294300679_34684480845250560_n.jpg?_nc_cat=104&_nc_ht=scontent.fpnh3-1.fna&oh=c69836124f0ca63e630ef9e549ef5e4b&oe=5C50AAE5)
![](https://scontent.fpnh3-1.fna.fbcdn.net/v/t1.0-9/42655689_2159207087634133_5103838551280189440_n.jpg?_nc_cat=108&_nc_ht=scontent.fpnh3-1.fna&oh=411dff765400ca1364d4f6b487b89a74&oe=5C839308)