តាមរយៈគេហទំព័រកម្សាន្ដ Kapook បានឱ្យដឹងថា ព្រៃកោងកាង ធុងប៉្រូងថង ( ทุ่งโปรงทอง ) មានទីតាំងស្ថិតនៅជុំវិញមាត់ច្រាំងទន្លេ ប្រៈសែ ក្បែរតំបន់ទំនាបសមុទ្រ ប្រៈសែ ស្រុកក្លែង ខេត្តរៈយ៉ង។ នៅតំបន់ទេសចរណ៍ធម្មជាតិមួយនេះ មានព្រៃកោងកាងលាតសន្ធឹងល្វឹងល្វើយ និងមានស្ពានធ្វើអំពីឈើ ដែលអាចដើរឆ្លងពីព្រៃមួយទៅព្រៃមួយ និងអាចដើរព័ទ្ធជុំវិញព្រៃបាន។
ចំណែកស្ពានដែលភ្ញៀវទេសចរអាចធ្វើដំណើរកម្សាន្ដទស្សនាសត្វស្លាប និងកូនព្រៃដើមកោងកាងបាននោះ មានប្រវែង 2 .6គីឡូម៉ែត្រ ក្នុងនោះភ្ញៀវទេសចរអាចថតរូបផ្ដិតយកទេសភាពស្អាតៗនៅក្បែរខ្លួនបានផងដែរ ។ តែដោយឡែក ស្ពានដែលមានប្រវែងវែងបំផុត និងអាចដើរឆ្លងទៅកាន់ព្រៃកោងកាងនីមួយៗ បើចង់បន្ដដំណើរត្រូវផ្ដល់ដំណឹងទៅអ្នកអនុរក្សព្រៃជាមុនសិន ដើម្បីធ្វើដំណើរជាមួយអ្នកនាំផ្លូវ។
បន្ថែមលើសពីនោះ ភ្ញៀវទេសចរអាចបន្ដដំណើរនៅលើទូកដើម្បីទស្សនាព្រៃកោងកាងទាំងមូលក៏បានផងដែរ។ កាន់តែពិសេសជាងនេះទៅទៀត កន្លែងតំបន់ទេសចរណ៍ធម្មជាតិមួយនេះ ត្រូវបានបើកឱ្យចូលទស្សនាទាំងភ្ញៀវជាតិ និងអន្ដរជាតិដោយឥតគិតថ្លៃ ចាប់ពីវេលាម៉ោង 6ព្រឹក ដល់ម៉ោង 6ល្ងាច។ តែចំពោះការជិះទូកវិញ ត្រូវបានបង់ថ្លៃទៅតាមចំនួនមនុស្ស ។
ដើម្បីកុំឱ្យខកខាន សូមទស្សនាវីដេអូទេសភាពព្រៃកោងកាង «ធុងប៉្រូងថង» ដែលធំជាងគេនៅប្រទេសថៃ ៖
![](https://i0.wp.com/www.rayonghip.com/wp-content/uploads/2016/09/OneDayTrip-09.jpg?resize=696%2C392&ssl=1)
![](https://i0.wp.com/th.readme.me/f/3936/575c14ceef77d72515dc58b0.jpg?resize=696%2C522&ssl=1)
![](https://scontent.fpnh3-1.fna.fbcdn.net/v/t31.0-8/20413935_1660380363974369_8111567362255027853_o.jpg?_nc_cat=104&oh=6aaeda73bbc8978a79fabbfcb3c9604c&oe=5C17B8D2)
![](https://i0.wp.com/pbs.twimg.com/media/CnUyOkAUIAAQwCr.jpg?resize=696%2C463&ssl=1)
![](https://i0.wp.com/f.ptcdn.info/062/032/000/1433345528-DSC0711JPG-o.jpg?resize=696%2C464&ssl=1)
![](https://i0.wp.com/spcdn.co/wp-content/uploads/2018/04/Sequence-10.02_36_33_01.Still121.jpg?resize=696%2C392&ssl=1)
![](https://i0.wp.com/p.mgcdn.me/CMF0kF7bzHr_dKA3WZUU819YYNY=//978/094/000/1528959850_5b312dec.jpg?resize=696%2C392&ssl=1)