អាជីពការងារ ជាប្រធានបទសំខាន់មួយដែលត្រូវបានមនុស្សគ្រប់មជ្ឈដ្ឋានលើកឡើង ហើយវាក៏ជាចំណុចស្នូលមួយសំខាន់ផងដែរនៃផ្នែកធនធានមនុស្សនៅក្នុងសង្គម។ និស្សិតជាច្រើននៅកម្ពុជាមិនទាន់បានយល់ដឹងច្បាស់នៅឡើយពីអាជីពការងារដែលសម្បូរបែបនៅក្នុងសង្គម ហើយធ្វើឱ្យពួកគេជ្រើសរើសយកតែជំនាញណាដែលពួកគេស្គាល់ ដែលវាបង្កើតឱ្យមានវិសមភាពនៃអាជីពការងារនៅក្នុងសង្គម។
![](https://scontent-kut2-1.xx.fbcdn.net/v/t1.0-9/18739976_1781008331925773_5664943715150933164_n.jpg?oh=42e9519375b95caf53bb03f394647bc1&oe=59AEEFA2)
ដោយមើលឃើញពីភាពចាំបាច់នៃការស្វែងយល់ពីអាជីពការងារនៅកម្ពុជា អង្គការមូលនិធិអាស៊ីប្រចាំនៅកម្ពុជា បានសហការជាមួយនឹងក្រសួងអប់រំ យុវជន និងកីឡា ផលិតវីដេអូស្តីពីអាជីពការងារ ឬ Career Introductory Video ដើម្បីផ្តល់ព័ត៌មានជាមូលដ្ឋានផ្នែកអាជីពការងារដល់សិស្សនិស្សិត ពីជម្រើសការងារ ទីផ្សារការងារ និងការរៀបចំខ្លួន តម្រង់ទិសមុខវិជ្ជាទៅថ្ងៃអនាគត។ វីដេអូទាំងអស់នេះត្រូវបានផ្សាយជាសាធារណៈនៅក្នុងបណ្តាញ Youtube និងទំព័រ Facebook ជាផ្លូវការរបស់ក្រសួង អប់រំ យុវជន និងកីឡា។
![](https://scontent-kut2-1.xx.fbcdn.net/v/t1.0-9/18582205_1781008245259115_2302579113845850773_n.jpg?oh=a3370ed40c329d5838f87dddcdc7a02a&oe=59AF6486)
ក្នុងចំណោមវីដេអូទាំងអស់នោះ មានបង្ហាញពីអាជីពសំខាន់ៗមួយចំនួនដូចជា វិស្វករសំណង់ស៊ីវិល អ្នកដឹកនាំខ្សែភាពយន្ត វេជ្ជបណ្ឌិតវះកាត់ វិស្វករអគ្គិសនី អ្នកស្រាវជ្រាវបរិស្ថាន និងអាជីពដែលកំពុងមានក្នុងទីផ្សារនៅកម្ពុជាជាច្រើនទៀត៕
ព័ត៌មានលម្អិតចូលទៅកាន់ Facebook ក្រសួងអប់រំ