ដូចប្រិយមិត្តទាំងអស់គ្នាបានជ្រាបហើយថា តារាសម្តែងកំប្លែង ពៅ ស៊ូរ៉ែន ហៅ ម៉ាដូណា បានប្រកាសចំណងស្នេហ៍ភេទដូចគ្នាជាសាធារណៈប្រាប់មហាជនកាលពីពេលកន្លងទៅថ្មីៗ ក្រោយពីភ្ជាប់ទំនាក់ទំនងគ្នាអស់រយៈពេល 5ឆ្នាំមកហើយ។ សង្សាររបស់គេជាបុរសវ័យក្មេងនោះ មានឈ្មោថា ណុប ហេងទ្រី ដែលត្រូវបានគេស្គាល់ថា ជាអ្នកថតរូបអាជីព និងជាអ្នកផលិត MVផង។
មួយរយៈចុងក្រោយនេះ អ្នកទាំងពីរតែងតែបង្កើតវីដេអូប្លែកៗបង្ហោះនៅលើបណ្ដាញសង្គម ដែលធ្វើឱ្យអ្នកសារព័ត៌មាន និងមហាជនអ្នកគាំទ្រចាប់អារម្មណ៍ពីសកម្មភាពរបស់អ្នកទាំងពីរយ៉ាងខ្លាំង។ ដោយឡែក មានការភ្ញាក់ផ្អើលកាន់តែខ្លាំងទៀតគឺ ប៉ុន្មានម៉ោងមុននេះ តារាកំប្លែង គឺលោក ម៉ាដូណា ជាមួយនឹងគូស្នេហ៍បានចាប់ដៃគ្នាចេញ MV cover បទ «Body» ដោយ Version របស់លោក ម៉ាដូណា និងគូស្នេហ៍ខុសគ្នាពី Version របស់ G-Devith និងកញ្ញា ទេព បូព្រឹក្ស ដែលធ្វើមហាជនមិនអាចទប់សំណើចបានឡើយ ក្រោយពីមើល MV Version របស់ លោក ម៉ាដូណា និងគូស្នេហ៍របស់លោករួច។
គួរបញ្ជាក់ដែរថា បទចម្រៀងថ្មី «Body» របស់តារាចម្រៀងរ៉េប G-Devith កំពុងតែទទួលបានការគាំទ្រជាខ្លាំង ដោយសារតែបទនេះមិនត្រឹមតែពីរោះប៉ុណ្ណោះទេ តែការសម្តែងក៏គួរឱ្យចាប់អារម្មណ៍ខ្លាំងដែរ ជាពិសេសគឺក្នុង MV នៃបទចម្រៀងនេះ មានឈុតផ្អែមល្ហែមរវាងលោក G-Devith នឹងគូស្នេហ៍របស់លោក គឺកញ្ញា ទេព បូព្រឹក្ស ទៀតផង។ ចង់ដឹងថា ល្អមើល និងផ្ទុះសំណើចដល់កម្រិតណានោះ សូមទស្សនាវីដេអូខាងក្រោម៖
