ភ្នំពេញៈ សពភរិយារបស់តារាចម្រៀងកំសត់ប្រុសប្រចាំផលិតហង្សមាស លោក រិន សាវ៉េត បានយកទៅរៀបចំធ្វើពិធីតាមទំនៀមទម្លាប់ប្រពៃណនៅឯភូមិខ្វាវ ស្រុកសំរោង ខេត្តតាកែវ បន្ទាប់ពីអស់លទ្ធភាពនឹងព្យាបាលដោយសារតែជាជំងឺរ៉ាំរ៉ៃមហារីកដុំគីស តាំងពីឆ្នាំ២០១៣ មកនៅទ្រូងខាងស្តាំ ដែលត្រូវបានមហាជនគ្រប់មជ្ឈដ្ឋានបានសម្តែងការសោកស្តាយ និងចូលរួមរំលែកទុក្ខលោក ខណៈពិធីបុណ្យសពមានលក្ខណៈអតតខាត់មែនទែន។
![](https://i0.wp.com/www.lareine.com.kh/wp-content/uploads/2017/04/រិន-សាវ៉េត.jpg?resize=696%2C392&ssl=1)
![](https://i0.wp.com/www.lareine.com.kh/wp-content/uploads/2017/04/រិន-សាវ៉េត-២.jpg?resize=696%2C392&ssl=1)
សពស្រ្តីឈ្មោះ គង់ សាវី ដែលជាភរិយារបស់តារាចម្រៀងប្រុស មានសំឡេងក្រអួនក្រអៅ បំពេអារម្មណ៍ប្រិយមិត្ត មានស្រុកកំណើតពីខេត្តបាត់ដំបង និងធ្លាប់មានបទពិសោធន៍ជាកកម្មករសំណង់ អ្នករត់ម៉ូតូឌុប ជ្រកក្រោមទ្រនំផលិតកម្មល្បីហង្សមាសលោក រិន សាវ៉េត ត្រូវបានគេដឹងថា នាំយកឆ្ពោះទៅខេត្តតាកែវ ជាស្រុកកំណើតរបស់សព។ លោក រិន សាវ៉េត បានសារប្រាប់ឲ្យដឹងពេលអាការជំងឺប្រពន្ធធ្ងន់នៅចំពេលលោករវល់ខ្លាំងក្នងការងារសិល្បៈ ហើយធ្វេសប្រហែស ខណៈប្រពន្ធមិនហ៊ានរន្ធើនប្តីឲ្យនាំទៅពេទ្យថា៖ «ដល់ពេលដុំគីសឡើងធំ ភរិយាខ្ញុំ ទើបខ្ញុំបានយកគាត់ទៅពិនិត្យ ហើយក៏បានយកទៅពេទ្យល្អអ្វីដែរ ទើបសាច់ដុំគីសនោះវាកាន់រីកធំទៅៗ បានរហ័សស្វះស្វែងរកពេទ្យ»។
![](https://i0.wp.com/www.lareine.com.kh/wp-content/uploads/2017/04/Rin-Saveth.jpg?resize=696%2C929&ssl=1)
តែទោះជាយ៉ាងណា សម្រាប់សង្គមសិល្បៈក៏មានការផុសផុលជួយគ្នាដែរ ក្នុងការចូលរួមចែករំលែកទុកទៅដល់ក្រុមគ្រួសារនៃសព ក៏ដូចជាលោក រិន សាវ៉េត ដោយគេឃើញតារាចម្រៀងស្រីពូកែខាងសម្តែងភាពម្ញិកម្ញក់អ្នកនាង ទូច ស្រល័ក្ខ បានបង្ហោះសារគៀងគរអ្នកសិល្បៈឲ្យជួយចូលរួមសោកស្តាយ និងចែករំលែកទុក្ខដល់លោក រិន សាវ៉េត ដែលជាអ្នកសិល្បៈដូចគ្នានោះ។ អ្នកនាង ទូច ស្រីល័ក្ខ បានសរសេរសារក្នុងប្រព័ន្ធហ្វេសប៊ុកខ្លួនឈ្មោះថា Jenny Outver ថា៖ «ក្នុងនាមខ្ញុំជាសិល្បការិនីមួយរូបពិតជាចូលរួមរំលែកទុក្ខចំពោះក្រុមគ្រួសារបង រិន សាវ៉េត ដែលជាតារាចម្រៀងដ៏ល្បីនៅក្នុងប្រទេស និងក្រៅប្រទេស ដែលភរិយារបស់គាត់បានទទួលមរណភាពនៅមុននេះបន្តិចដោយសារជំងឺមហារីក។ ប្អូនពិតជាចូលរួមសោកស្តាយផង ពីប្អូន ទូច ស្រីល័ក្ខ»៕
![](https://i0.wp.com/www.lareine.com.kh/wp-content/uploads/2017/04/Rin-Saveth-3.png?resize=508%2C386&ssl=1)