រមណីយដ្ឋានទេសចរណ៍ រូងភ្នំក្រៈឈែ មានទីតាំងនៅក្នុងខេត្ត កានចៈណៈប៊ុរី ជាតំបន់ទេសចរណ៍ដែលជាប់នឹងខ្សែរថភ្លើងមរណៈ និងជាទីតាំងប្រវត្តិសាស្ត្រក្នុងសម័យសង្គ្រាមលោកលើកទី 2។ ផ្លូវរថភ្លើងជាប់នឹងជ្រលងភ្នំ ក្រៈឈែ នេះត្រូវបានកសាងឡើងក្នុងសម័យសង្គ្រាមលោកលើកទី2 ដែលតភ្ជាប់ប្រទេសថៃ ទៅប្រទេសភូមា(ឈ្មោះកាលពីសម័យនោះ) និងធ្លាប់ជាជំរំប្រមូលផ្ដុំរបស់អ្នកទោសសង្រ្គាមនាសម័យកាលនោះ។ បច្ចុប្បន្នវាជាស្ថានីយរថភ្លើងទេសចរណ៍ សម្រាប់ដឹកភ្ញៀវទស្សនាតាមជ្រលងភ្នំ ក្រៈឈែ ទៅកាន់តំបន់ទឹកជ្រោះ និងរូងភ្នំ «ព្រោង» ដែលមានរូបចម្លាក់ព្រះពុទ្ធបដិមាករដ៏ស័ក្ដសិទ្ធិនៅក្នុងរូងភ្នំនោះ។
រូងភ្នំ ក្រៈឈែ ជារូងភ្នំតូចមួយដែលមានភាពទាក់ទាញបំផុត ដោយសារតែនៅតំបន់ខាងមុខរូង មានបណ្ដុំផ្ទះប្រជាជនដែលនិយមត្បាញក្រណាត់តាមបែបប្រពៃណីបុរាណ ទើបធ្វើឱ្យទីតាំងនោះក្លាយទៅជាតំបន់សហគមន៍តម្បាញបែបបុរាណ។ គួរបញ្ជាក់ផងដែរថា ជ្រលងភ្នំ ក្រៈឈែ មានកម្ពស់ 450ម៉ែត្រ និងមានខ្សែរថភ្លើងរត់កាត់ប្រវែង 10គីឡូម៉ែត្រ និងផ្លូវមរណៈដែលគួរឱ្យស្រៀវឆ្អឹងខ្នងបំផុតមានប្រវែង 400ម៉ែត្រ នៅជាប់នឹងមាត់ស្ទឹង ក្រៈឈែ។ ចំពោះខ្សែរថភ្លើងមួយនេះ អាចផ្ទុកមនុស្សបានដល់ទៅ 60,000 នាក់ក្នុងមួយជើងៗ។
គួរជម្រាបដែរថា ចំពោះតម្លៃសំបុត្រចូលកម្សាន្ដនៅក្នុងតំបន់រមណីយដ្ឋានទេសចរណ៍ធម្មជាតិ និងប្រវត្តិសាស្ដ្រមួយនេះមានតម្លៃសមរម្យត្រឹមតែ 100-150បាតប៉ុណ្ណោះ ដោយមិនរួមថ្លៃជិះរថភ្លើងទេ។
អ៊ីចឹងតោះ! នៅចាំអីទៀត ទៅទស្សនាវីដេអូ និងរូបភាពទាំងអស់នោះទាំងអស់គ្នា៖
![](https://i0.wp.com/www.tvpoolonline.com/wp-content/uploads/2018/08/IMG_6925.jpg?resize=696%2C464&ssl=1)
![](https://i0.wp.com/www.tvpoolonline.com/wp-content/uploads/2018/08/IMG_7040.jpg?resize=696%2C464&ssl=1)
![](https://i0.wp.com/www.tvpoolonline.com/wp-content/uploads/2018/08/krasae-cave.jpg?resize=600%2C450&ssl=1)
![](https://i0.wp.com/www.tvpoolonline.com/wp-content/uploads/2018/08/train-861407_960_720.jpg?resize=696%2C392&ssl=1)
![](https://i0.wp.com/www.oknation.net/blog/home/user_data/file_data/201310/01/59769a01b.jpg?resize=696%2C462&ssl=1)
![](https://i0.wp.com/welovetogo.com/upfiles/articles/index/201707//20170703-0016401.jpg?resize=696%2C464&ssl=1)
![](https://i0.wp.com/www.decentbuilders.com/wp-content/uploads/2016/06/%E0%B8%AA%E0%B8%B0%E0%B8%9E%E0%B8%B2%E0%B8%99%E0%B8%82%E0%B9%89%E0%B8%B2%E0%B8%A1%E0%B9%81%E0%B8%A1%E0%B9%88%E0%B8%99%E0%B9%89%E0%B8%B3%E0%B9%81%E0%B8%84%E0%B8%A70003-1024x683.jpg?resize=696%2C464&ssl=1)
![](https://i0.wp.com/www.lukhamhan.ac.th/course/sites/default/files/styles/flexslider_full/public/field/image/mv08.jpg?resize=696%2C435&ssl=1)