នៅពេលថ្មីៗនេះ តារាសម្ដែងលោក ហង្ស អច្ឆរិយា ទទួលបានការងារក្នុងស្រុកច្រើនជាងមុន និងកន្លងមកមានទាំងការសម្ដែងរឿងនៅក្នុងប្រទេសថៃទៀតផង ដែលសកម្មភាពសិល្ប:ទាំងអស់របស់លោកកំពុងដុតកម្តៅមហាជនឱ្យចាប់អារម្មណ៍ពីទេពកោសល្យដ៏ប៉ិនប្រសប់ និងការបង្ហាញសិល្បៈថតរូបអាក្រាតកាយរបស់លោកនៅលើបណ្ដាញសង្គមហ្វេសប៊ុក។ រូបអាក្រាតរបស់លោកនោះត្រូវបានគេសង្កេតឃើញថា បានកន្រ្តាក់អារម្មណ៍មហាជន(ពិសេសនារីៗ)ពេញបណ្ដាញហ្វេសប៊ុក និងទទួលបានការសរសើរថា លោកជាតារាចិត្តសឿង ហ៊ានថតរូបភាពអាក្រាតកាយខុសពីតារាភាគច្រើន។
តារាសិចស៊ីប្រុសរូបនេះ ធ្លាប់បានប្រាប់ថា ដោយសារតែលោកធ្លាប់ថតភាពយន្តស្រឡាញ់ភេទដូចគ្នាជាមួយផលិតករបរទេស ហើយលោកក៏ធ្លាប់ថតស្រាតដាក់ផ្សាយនៅលើទស្សនាវដ្ដីបរទេសផងដែរ ដូច្នេះហើយទើបលោកនៅតែជាប់ឈ្មោះថាជាតារាស៊ិចស៊ី រហូតដល់មានអ្នកខ្លះរើសអើងថា លោកជាតារាដែលប្ដូររូបកាយ ដើម្បីល្បីឈ្មោះ ហើយមិនសូវផ្ដល់នូវភាពជិតស្និទ្ធជាមួយ។ យ៉ាងណាមិញ គេកត់សម្គាល់ឃើញថា ការងារសិល្ប:របស់ ហង្ស អច្ឆរិយា មានការរីកចម្រើនជាងមុនច្រើន ដោយទទួលបានការសម្ដែងក្នុងរឿងធំៗជាហូរហែមិនចេះដាច់ បើទោះជាក្នុងពេលនេះលោកមិនទាន់មានឱកាសបានសម្ដែងតួឯកនៅឡើយក្ដី។
មុននេះបន្ដិចលោកបានប្រាប់សារព័ត៌មាន ឡារ៉ែនថា លោកបានទទួលការសម្ដែងភាពយន្ដភាគថ្មីមួយទៀតរបស់ស្ថានីយទូរទស្សន៍បាយ័ន ដែលមានចំណងជើងថា «គ្រូខ្មែរ» ដែលជាវណ្ណកម្មថ្មី ត្រូវឱ្យលោកសម្ដែងជាគ្រូមន្ដអាគមអូមអាម បញ្ចេញមន្ដវិជ្ជាការតស៊ូជាមួយពពួកព្រាយ ធ្មប់ និងបិសាច។ លោកថា កាន់តែថ្មីសន្លាងសម្រាប់រូបលោកទៀតហើយ ដែលត្រូវសម្ដែងជាតួគ្រូមន្តអាគមបែបនេះ ព្រោះកន្លងមកលោកមិនធ្លាប់សម្ដែងតួបែបហ្នឹងទាល់តែសោះ តែលោកមានការតាំងចិត្តចំពោះរឿងនេះខ្លាំង។ លោកបន្ដថា រឿងនេះជារឿងដែលបានលើកតម្កើងពីវប្បធម៌ខ្មែរយ៉ាងខ្លាំង រួមមានការសម្ដែងរបាំអប្សរា មានការប្រើប្រាស់មន្ដវិជ្ជាខ្មែរបុរាណ និងទំនៀមទម្លាប់ប្រពៃណីបុរាណខ្មែរ ដែលពិភពលោកកំពុងចាប់អារម្មណ៍។ លោករំពឹងខ្ពស់ថា មហាជននឹងគាំទ្រស្នាដៃសម្ដែងរបស់លោក ហើយកាន់តែប្លែកអារម្មណ៍តាមរយៈរឿងភាគល្អឯកមួយនេះ៕
គួរបញ្ជាក់ផងដែរថា ក្រៅពីការសម្ដែងក្នុងរឿងភាគធំៗហើយនោះ លោកក៏ទទួលបានជោគជ័យក្នុងការងារដើរម៉ូដ និងសម្ដែងរឿងផ្សេងទៀតស្ទើរតែរកពេលទំនេរមិនបាន ជាពិសេសសម្រាប់ការដើរម៉ូដជាទម្រង់ដោះអាវ លែងខ្លួនមួយកំណាត់លើបញ្ចេញសាច់ដុំធំៗ ដែលតារាប្រុសៗមួយចំនួនមិនហ៊ានទទួល៕
![](https://scontent.fpnh3-1.fna.fbcdn.net/v/t1.15752-9/38779931_252588328718589_4693159757031145472_n.jpg?_nc_cat=0&_nc_eui2=AeGHeBoFUp57IEWnJvaRUZ4rf6qcHx7wQWxHeZIWGWfxX26VI7UpmwxVAMoBLC6KFj3EkC6FVOyHF2DzrlCcIABeLBxk3ah-E1Pone_Qd5olFQ&oh=7df5fab7a2fed149c52de62fb4f391b6&oe=5BFFF8C0)
![](https://scontent.fpnh3-1.fna.fbcdn.net/v/t1.15752-9/38723586_248244492665674_5967364532417331200_n.jpg?_nc_cat=0&_nc_eui2=AeE07osWLtVY_amIaUziImdZOFevA7-CTSfOqeD4g-1wOmF3LcB_Nc9oDef3BB1zYzCmayauHKLxRKQwljfcHDZTmwrM99EAYyQOo-2FDsP3jg&oh=cc0c3fd261af0c97b7b380e213c65c1e&oe=5C13C0D2)
![](https://scontent.fpnh3-1.fna.fbcdn.net/v/t1.15752-9/38758293_546952572391012_4824200282973929472_n.jpg?_nc_cat=0&_nc_eui2=AeHJRBsNGm2P2TaQyk5LBXQ5Buw2K0xnsdIwZvjpBAX6IyrT8BvoIMG-9Y985joC8wOgvnkhg1nhH21lfj32RY5TlyEQ11bW77pJkzc6unD6JA&oh=6bc846361127bc4f48e834b0d9ea2cb7&oe=5C0A95B3)
![](https://scontent.fpnh3-1.fna.fbcdn.net/v/t1.15752-9/38769189_1758621204187580_7281759107793551360_n.jpg?_nc_cat=0&_nc_eui2=AeFdmlMgSzLfJgxeFRH4y8d_TuJ081ynqUJb98zSWNT3k-VMscT_fxyPNLIdIbfG-Dic1xwtHO50a7FOP6odo7js0N_e192dLKtWTf_aTPcNlQ&oh=9cfa09eb31879705cc8e2ceb58a0b9d3&oe=5C007A11)
![](https://scontent.fpnh3-1.fna.fbcdn.net/v/t1.15752-9/38720642_274574096671306_1432106937331220480_n.jpg?_nc_cat=0&_nc_eui2=AeEpFtxmbzrVA9WVObBof05yMw05rmWWLWZ4HShqHk0ywkeT3-Y6grxtqPZ8yTUz_Z040avIH10f2NV6bj9eXbfVbhj3uu5R10mnhzK9kr2KhQ&oh=5a7e0184f76adce879bdd0a5e99060a7&oe=5C0649AC)