ពិតជាកក្រើកវិស័យអចលនទ្រព្យនៅក្នុងប្រទេសកម្ពុជា បន្ទាប់ពីកំពូលតារាចម្រៀងល្បីល្បាញនៅក្នុងប្រទេសកម្ពុជា លោក ព្រាប សុវត្ថិ ស្រាប់តែបានប្រកាសចាប់ដៃជាមួយឧកញ៉ាវ័យក្មេង លោក ឡេង ណាវ៉ាតត្រា ដែលត្រូវគេស្គាល់ថា ជាអ្នកជំនួញវ័យក្មេង ដែលជោគជ័យលើវិស័យអចលនទ្រព្យទាំងលើជំនួញពុះដីឡូតិ៍លក់ និងសង់បុរីនោះ។ អ្នកទាំងពីរបានប្រកាសដាក់ទុនរួមគ្នាជាង5លានដុល្លារ ធ្វើជំនួញពុះដីលក់លើទំហំដីជាង13ហិកតានៅម្ដុំផ្សារព្រៃទទឹង លើផ្លូវជាតិលេខ3 ។
ដើម្បីផ្ដល់ទំនុកចិត្តដល់អតិថិជនដែលជាអ្នកគាំទ្ររបស់លោកផ្ទាល់ និងជៀសវាងការបោកបញ្ឆោតពីជនខិលខូចបានយករូបថតរបស់លោកទៅចុះផ្សព្វផ្សាយដោយពុំមានការអនុញាត្តិ ទាំងដែលមិនមែនជាគម្រោងរបស់លោកនោះ កំពូលតារាចម្រៀងរូបនេះ បានសរសេរបញ្ជាក់នៅលើហ្វេសប៊ុករបស់លោកថា « ជំរាបសួរអ៊ុំប្រុសអ៊ុំស្រីពូមីង នឹងបងប្អូនយុវ័យទាំងអស់ ខ្ញុំបាទ ព្រាប សុវត្ថិ សូមថ្លែងអំណរ អរគុណយ៉ាងជ្រាវជ្រៅ ដែលបានគាំទ្រនឹងស្រលាញ់ខ្ញុំបាទកន្លងមកនៅក្នុងវិស័យសិល្បៈ ដោយនាពេលថ្មីៗនេះខ្ញុំបាទបានបង្កើតវិស័យអចលនទ្រព្យ ដើម្បីជាតម្រូវការនៃការស្រលាញ់ និងមានទំនុកទុកចិត្ត។
សូមជំរាបថា៖ គម្រោងខ្ញុំបាទមុនៗ បានលក់ដាច់អស់ហើយ ។ ដើម្បីឱ្យកាន់តែមានភាពជឿជាក់ និងទទួលបានព័ត៍មានកាន់តែច្បាស់លាស់ ហើយមិនយល់ច្រទ្បំនោះ ព្រោះថាមានបណ្តាញសង្គម (Pages) មួយចំនួននៅក្នុង Facebook និងបណ្តាព័ត៍មានមួយចំនួន ដែលបានយករូបថតនឹងសកម្មភាពរបស់ខ្ញុំបាទ ទៅចុះផ្សព្វផ្សាយដោយពុំមានការអនុញាត្តិ! ដែលមិនមែនជាគម្រោង របស់ខ្ញុំ ។ (សូមប្រុងប្រយ័ត្ន)
សូមបញ្ជាក់ម្តងទៀតថាៈ Page ដែល Post លក់បោកបញ្ឆោតតាមរយៈយករូបភាពនានា! ក្រុមការងាររបស់ខ្ញុកំពុងស្រាវជ្រាវនឹងរៀបចំឯកសារតាមនិតិវិធី ច្បាប់ ។ ថ្មីៗនេះ ខ្ញុំបាទកំពុងរៀបចំគម្រោងល្អៗ ពិសេសនោះគឺ គម្រោង (ព្រាប សុវត្ថិ នឹងទ្បេង ណាវ៉ាត្រា) ដែលជាទីតាំង ដ៏ល្អសម្រាប់ការជ្រើសរើសរបស់អតិថិជនរបស់យើង ដែលប្រកបទៅដោយភាពជឿជាក់។ (ប្រសិនបើគ្មានទីតាំងណាល្អ ដាច់ខាតខ្ញុំមិនជ្រើសរើសសម្រាប់អតិថិជនខ្ញុំឡើយ) »៕
![](https://i0.wp.com/www.lareine.com.kh/wp-content/uploads/2018/08/898.jpg?resize=502%2C690&ssl=1)
![](https://scontent.fpnh3-1.fna.fbcdn.net/v/t1.0-9/38502498_2131121220292280_4473704709370150912_n.jpg?_nc_cat=0&oh=27ef84b47acc1a49acbaef6f11964ae0&oe=5BCEF45D)
![](https://scontent.fpnh3-1.fna.fbcdn.net/v/t1.0-9/38448981_2131121226958946_6901647952272424960_n.jpg?_nc_cat=0&oh=37a22b9edf8721a2bb7fad1f76123299&oe=5BFE5035)
![](https://scontent.fpnh3-1.fna.fbcdn.net/v/t1.15752-9/37568273_2056657554404811_9096221681835311104_n.jpg?_nc_cat=0&_nc_eui2=AeGJMkVh7WmEbWhKVxPGXr1PuF_KlGic7Xam3_pqnaw9eWn8ReFsd2qiIDADmbGNL_GL_GTqYO_Jq-Yv0hHVXBACQgCAkMwpoudNdICQ1uikFg&oh=37a95346ad29fb0bf30baa7996af23ab&oe=5BCCEDCB)
![](https://scontent.fpnh3-1.fna.fbcdn.net/v/t1.15752-9/37517904_2056656247738275_8341552437089271808_n.jpg?_nc_cat=0&_nc_eui2=AeF8LvtnWmMMg4UVIAe5bCkGMyhLZzEAJAF3fntNSHRLn5p4LWTWxMjiTOIP3DPlFUBU6U8QjToPtVQ_1leYD_NtmXdQRGYLqDD6tCAAVXRPRw&oh=fa7d150ff804a7c64a2e7b567ff7bd94&oe=5BD7AF63)