បន្ទាប់ពីមានភាពគគ្រឹកគគ្រេងខាងការវិនិយោគលើវិស័យអចលនទ្រព្យ(ពុះដីឡូត៍លក់) ខណៈនេះលោក ព្រាប សុវត្ថិ ក៏បានប្រកាសចាប់ដៃជាមួយលោកឧកញ៉ាវ័យក្មេង ឡេង ណាវ៉ាត្រា ដែលត្រូវគេស្គាល់ថា ជាអ្នកជំនួញវ័យក្មេងដែលជោគជ័យលើវិស័យអចលនទ្រព្យទាំងលើជំនួញពុះដីឡូត៍លក់ និងសាងសង់បុរី ដោយការដាក់ទុនរួមគ្នាជាង 5លានដុល្លារធ្វើជំនួញពុះដីឡូត៍លក់លើទំហំដីជាង 13ហិកតានៅម្ដុំផ្សារព្រៃទទឹង លើផ្លូវជាតិលេខ3។
លោក ព្រាប សុវត្ថិ បានថ្លែងនៅក្នុងសន្និសីទកាសែតកាលពីរសៀលថ្ងៃទី21 កក្កដា កន្លងទៅថ្មីៗនេះថា ដើម្បីអបអរមុខជំនួញរួមគ្នារបស់លោក ជាមួយលោកឧកញ៉ា ឡេង ណាវ៉ាត្រា លោកនិងដៃគូភាគហ៊ុនបានសម្រេចថែមជូនម៉ូតូមួយគ្រឿងតែម្ដងចំពោះអតិថិជនណាដែលបានទិញដីចំនួន 1ឡូត៍ក្នុងគម្រោងរបស់លោកនៅផ្សារព្រៃទទឹង លើផ្លូវជាតិលេខ3 នេះ ខណៈដែលដីឡូត៍ក្នុងគម្រោងនេះបានប្រកាសលក់តែក្នុងតម្លៃចាប់ពី 3,900ដុល្លារប៉ុណ្ណោះក្នុងមួយឡូត៍ ទាបជាងគម្រោងផ្សេងៗទៀតដែលនៅក្នុងតំបន់ជុំវិញនោះ។ ទាំងអស់នេះ គឺដើម្បីផ្ដល់លទ្ធភាពឱ្យអតិថិជនមានឱកាសបានទិញដីឡូត៍របស់លោក និងលោក ឡេង ណាវ៉ាត្រា ដែលទើបប្រកាសចាប់ដៃគ្នានេះ។ លោកបានបន្ដថា ការថែមជូននេះនឹងមានកំណត់រយៈពេល15ថ្ងៃ គិតចាប់តាំងពីថ្ងៃប្រកាសនេះតទៅ ដោយលោកបានបញ្ជាក់យ៉ាងខ្លីថា ទោះជាក្នុងរយៈពេលនេះដីឡូត៍ក្នុងគម្រោងរបស់លោកទាំងមូលត្រូវបានអតិថិជនទិញអស់រហូតដល់ទៅជាងមួយពាន់ឡូត៍ហើយក៏ដោយ ក៏លោក និងដៃគូភាគហ៊ុនបានសម្រេចចិត្តដាច់ខាតលើការបន្ថែមម៉ូតូមួយគ្រឿងជូនដល់អតិថិជនគ្រប់ៗគ្នា មិនឱ្យខ្វះម្នាក់ណាឡើយ ដើម្បីទុកជាចំណងដៃរបស់លោក ព្រាប សុវត្ថិ និងលោក ឡេង ណាវ៉ាត្រា ដែលបានចាប់ដៃធ្វើជំនួញរួមគ្នាក្នុងគ្រានេះ។
គួរបញ្ជាក់ផងដែរថា ក្រៅពីការប្រកាសជូនម៉ូតូមួយគ្រឿងជាកាដូសម្រាប់ការបើកគម្រោងបណ្ដាក់ទុនរួមគ្នានេះហើយ លោកព្រាប សុត្ថិ នៅបានបញ្ជាក់បន្ថែមទៀតថា មូលហេតុដែលលោកសម្រេចចិត្តបោះទុនរួមគ្នាជាមួយលោកឧកញ៉ា ឡេង ណាវ៉ាត្រា រហូតដល់ជាង 5លានដុល្លារលើគម្រោងវិនិយោគអចលនទ្រព្យនៅផ្សារព្រៃទទឹងនោះ គឺដោយសារតែលោក ឡេង ណាវ៉ាត្រា ជាបុគ្គលមានការតស៊ូគួរឱ្យសរសើរ ជាបុគ្គលជោគជ័យ និងជាបុគ្គលដែលបានទទួលនូវការគោរពជាច្រើនពីសំណាក់មហាជនក្នុងនាមអ្នកជំនួញមានគុណធម៌ និងមានទឹកចិត្តសប្បុរសតាមរយៈកិច្ចការបរិច្ចាគរាប់មិនអស់។ ក្នុងនោះលោកក៏ចង់ជោគជ័យក្នុងជំនួញដីធ្លីឱ្យខ្លាំងដូចគ្នានឹងលោកឡេង ណាវ៉ាត្រា ផងដែរ ទើបលោកប្រើពេលសិក្សាពីការចាប់ដៃ និងបានស្វែងរកដីធ្លីយ៉ាងលំបាក ទម្រាំរកបានដីមួយប្លង់ធំទំហំជាង 13ហិកតានៅទីប្រជុំជនផ្សារព្រៃទទឹង លើផ្លូវជាតិលេខ3 ដែលមានចម្ងាយប្រមាណជា11គីឡូម៉ែត្រពីរង្វង់មូលចោមចៅនេះ។
ជាចុងក្រោយលោកបានបញ្ជាក់ម្ដងទៀតថា ដីដែលបានប្រើទុនរួមគ្នា និងជាគម្រោងបើកឆាកជាមួយលោកឡេង ណាវ៉ាត្រា នេះគឺស្ថិតនៅចំទីតាំងល្អនៅក្នុងទីប្រជុំជនដែលមានតម្លៃសមរម្យអាចទទួលយកបាន។ ការចាប់ដៃគូវិនិយោគលើវិស័យអចលនទ្រព្យយ៉ាងបើកចំហនេះ ត្រូវបានគេរំពឹងទុកថា អ្នកគាំទ្រកំពូលតារាចម្រៀង ព្រាប សុវត្ថិ នឹងមានការចាប់អារម្មណ៍ចំពោះដីឡូត៍ពុះលក់របស់លោកដែលស្ថិតក្នុងទីតាំងល្អ មានតម្លៃត្រឹមតែ 3,900ដុល្លារ និងថែមទាំងផ្ដល់ម៉ូតូជូនមួយគ្រឿងទៀតផង៕
![](https://scontent.fpnh3-1.fna.fbcdn.net/v/t1.15752-9/37568273_2056657554404811_9096221681835311104_n.jpg?_nc_cat=0&_nc_eui2=AeGJMkVh7WmEbWhKVxPGXr1PuF_KlGic7Xam3_pqnaw9eWn8ReFsd2qiIDADmbGNL_GL_GTqYO_Jq-Yv0hHVXBACQgCAkMwpoudNdICQ1uikFg&oh=37a95346ad29fb0bf30baa7996af23ab&oe=5BCCEDCB)
![](https://scontent.fpnh3-1.fna.fbcdn.net/v/t1.15752-9/37572970_2056657327738167_2296978463002722304_n.jpg?_nc_cat=0&_nc_eui2=AeHQpUY9P9ixLTGR-Xh2Xlmf6Kh2xPBjiDNSYXqONjMFUjDphOt_T3bRzd_lTl7hCRD6c2pynNVUDl27D9OPe3O7XmSLKZMBLMQLAWfg2WYv3Q&oh=3b2b22c65f0ec45342f2ae8ccd12b28c&oe=5BC52F50)
![](https://scontent.fpnh3-1.fna.fbcdn.net/v/t1.15752-9/37517904_2056656247738275_8341552437089271808_n.jpg?_nc_cat=0&_nc_eui2=AeF8LvtnWmMMg4UVIAe5bCkGMyhLZzEAJAF3fntNSHRLn5p4LWTWxMjiTOIP3DPlFUBU6U8QjToPtVQ_1leYD_NtmXdQRGYLqDD6tCAAVXRPRw&oh=fa7d150ff804a7c64a2e7b567ff7bd94&oe=5BD7AF63)
![](https://scontent.fpnh3-1.fna.fbcdn.net/v/t1.15752-9/37536347_2056656111071622_3768165505328742400_n.jpg?_nc_cat=0&_nc_eui2=AeEXcIOPGcM2eo40ZMgavqzQWNoBzTOwCTWCTJJ76HZoe8IWhNcp0T9nYXz5-UYPrcYLTpYacYomkong5QTwi-4lsTDDNDaM8MXjVBwxz9Kojw&oh=985694096bf0aa03f054d299977b3908&oe=5BCA8E44)
![](https://scontent.fpnh3-1.fna.fbcdn.net/v/t1.15752-9/37635871_2056656404404926_8549924106894573568_n.jpg?_nc_cat=0&_nc_eui2=AeGvbFlJYK8S1eJhSLnVtDu9cFrWgoU12VPIp7xncm4E98Q17DE0cb31bkW5nsm1b6_JvpeiVHrJFJ6SzYH0PRc8xrE_Ca1fAfrV2sJp8GLh_g&oh=1c97e719770c7d92272169a8b4dbd823&oe=5BCBC04F)
![](https://scontent.fpnh3-1.fna.fbcdn.net/v/t1.15752-9/37559126_2056656607738239_76337769466560512_n.jpg?_nc_cat=0&_nc_eui2=AeFf3r1wISlX0QaKKFF176DekNBrLLg3YPQeMgf_iJpw4mquWRoIlWYajDwC32K8a-9PX0HAddWH5YZvq-an-WdYiWmtNlsG0wfTmdjnbQky1A&oh=4f5f539da9e76e1d76e6b60558fef3fe&oe=5BE2FAF1)
![](https://scontent.fpnh3-1.fna.fbcdn.net/v/t1.15752-9/37565511_2056655994404967_7160878322694488064_n.jpg?_nc_cat=0&_nc_eui2=AeG1rzWAKqCXY9iHbLQ22yXkch0Ju1eHk7DWWnCjFFzadqxOT07KWPnjuoioL0P5tD2XmTzmBMFtdWPJPpRp_0oVBmDwvPqRjQmBYXrbEm0wIA&oh=f64e4473b46bb4738bee71aa87e7565b&oe=5BDEE206)
![](https://scontent.fpnh3-1.fna.fbcdn.net/v/t1.15752-9/37649314_1697770826987812_84571900377825280_n.jpg?_nc_cat=0&_nc_eui2=AeEVjttGQIBsDyp2M8O-DoHj-3Vm2gVEoO4K55NybiJU57dNPpgH0RJkBg-cudKjYMb6UlLVII-MpJM9KHejHVxtkplI45tL6cxlMyqWX-Lo_w&oh=393c0a01a99d6b698120c6930535c49a&oe=5BE172B5)