ទីបំផុតកំពូលតារាចម្រៀង Katy Perry បានព្រមទទួលយកតំណែងជាគណៈកម្មការក្នុងកម្មវិធីការប្រឡងចម្រៀងលំដាប់ថ្នាក់ពិភពលោក American Idol រដូវកាលទី15នេះហើយ ។
![](https://i0.wp.com/www.speakerscorner.me/wp-content/uploads/2016/02/katy10.jpg?resize=696%2C391&ssl=1)
គណៈកម្មការឈុតថ្មីរបស់កម្មវិធីប្រឡងចម្រៀងលំដាប់ថ្នាក់ពិភពលោកដែលកំពុងតែវិលត្រឡប់មកវិញគឺ American Idol នោះ នឹងមានការចូលរួមពីសំណាក់ Katy Perry កំពូលតារាចម្រៀងស្រីសំឡេងមានសម្ទុះដ៏ល្អឥតខ្ចោះ បន្ទាប់ពីកម្មវិធីខាងលើបានបង្ហើបឱ្យដឹងជាថ្មីថាតារាចម្រៀងស្រី Katy នឹងមកទទួលភារកិច្ចនេះ ហើយសាមីខ្លួនក៏មិនរួញរា និងបើកចិត្តតាមរយៈបណ្ដាញសង្គមផ្ទាល់ខ្លួនថា មានអារម្មណ៍ថាជាកិត្តិយស និងរំភើបជាខ្លាំងដែលបានទទួលតួនាទីជាគណៈកម្មការសាងក្ដីសុបិនរបស់បេក្ខជនដែលមានសមត្ថភាពទាំងឡាយឱ្យក្លាយជាការពិត ។
![](https://i0.wp.com/assets.vogue.com/photos/58ebe6b01b99a21c8c322078/master/pass/11-katy-perry-vogue-may-2017-cover-story-photos.jpg?resize=696%2C696&ssl=1)
ជាចុងក្រោយកម្មវិធីនៃក្ដីសុបិនមួយនេះ បានធ្វើឱ្យបណ្ដាអ្នកដែលមានសមត្ថភាពដែលបានចូលរួមប្រឡងមានក្ដីរំពឹងលើតារាចម្រៀងរូបស្អាត Katy Perry ដែលអាចកសាងកម្មវីធីនេះឱ្យមានក្ដីសុបិនត្រឡប់មកវិញ បន្ទាប់ពីកម្មវិធីបានបិទអស់មួយរយៈពេលកន្លងមក ដូចអ្វីដែលនាងធ្លាប់បានជួយកម្មវិធីការប្រគំតន្ដ្រី Acoustic របស់ស្ថានីយ៍ទូរទស្សន៍ MTv កន្លងទៅម្តងរួចមកហើយ ៕
![](https://i0.wp.com/s1.ibtimes.com/sites/www.ibtimes.com/files/styles/embed/public/2017/05/15/katy-perry.jpg?resize=696%2C464&ssl=1)