បុគ្គលិកមកពីក្រុមហ៊ុន Samsung ថៃ សាខាកម្ពុជា បានរួមគ្នាម្តងទៀតដើម្បីបរិច្ចាគឈាមនៅមជ្ឈមណ្ឌលជាតិផ្តល់ឈាម (NBTC) ដែលរៀបចំឡើងកាលពីថ្ងៃទី19 ខែឧសភា ឆ្នាំ2017 ដែលវាជាផ្នែកមួយនៃកម្មវិធី Samsung Love & Care របស់ក្រុមហ៊ុនដែលតែងតែផ្តល់នូវក្តីស្រឡាញ់ និងការយកចិត្តទុកដាក់ចំពោះប្រជាជនកម្ពុជាតាមរយៈសកម្មភាពមនុស្សធម៌នានា។
![](https://i0.wp.com/www.lareine.com.kh/wp-content/uploads/2017/05/20170519_161746.jpg?resize=696%2C522&ssl=1)
លោក Seungho Choi អគ្គនាយកគ្រប់គ្រងសាខាក្រុមហ៊ុន Samsung ថៃអេឡិចត្រូនិក ប្រចាំប្រទេសកម្ពុជាបានឱ្យដឹងថា ក្រុមហ៊ុនតែងយកចិត្តទុកដាក់ក្នុងកិច្ចការមនុស្សធម៌ក្នុងសង្គម បន្ថែមពីលើការជំរុញឱ្យផ្នែកបច្ចេកវិទ្យាផលិតផល និងការច្នៃប្រឌិត ហើយយើងសង្ឃឹមថា នឹងអាចធ្វើឱ្យជីវិតមនុស្សកាន់តែប្រសើរឡើង។
លោកបន្តថា Samsung ជឿជាក់ថាការកសាងសង្គមប្រកបដោយភាពទទួលខុសត្រូវ និងការយកចិត្តទុកដាក់គឺចាប់ផ្តើមចេញពីខ្លួនយើងម្នាក់ៗ ដូច្នេះហើយបានជាក្រុមហ៊ុនធ្វើការបរិច្ចាគឈាមនេះជារៀងរាល់ឆ្នាំ ហើយយើងបានធ្វើវាពីចេញពីក្រឪបេះដូងរបស់យើង។
![](https://i0.wp.com/www.lareine.com.kh/wp-content/uploads/2017/05/MG_0001.jpg?resize=696%2C464&ssl=1)
ជាចុងក្រោយនេះ ក្រុមហ៊ុនក៏សូមសំណូមពរឱ្យសាធារណជន និងប្រិយមិត្តអ្នកអានទាំងអស់ ដែលគិតថាខ្លួនមានសុខភាពល្អគ្រប់គ្រាន់ដើម្បីផ្តល់ឈាមសម្រាប់អ្នកដែលត្រូវការជាបន្ទាន់ សូមទំនាក់ទំនងទៅកាន់មជ្ឈមណ្ឌលជាតិផ្តល់ឈាមតាមរយៈទូរស័ព្ទលេខ 092 99 8000៕