ពិតជាគួរឱ្យអនិច្ចាណាស់ តារាសម្ដែង បង្ហាញម៉ូដ និងជាពិធីការិនីនិយាយភាសាអង់គ្លេសបានល្អ អ្នកនាង អាលីយ៉ា ខណៈនេះបានទទួលមរណភាពហើយ។
គួរកត់សម្គាល់ផងដែរថា អ្នកលេងបណ្ដាញសង្គមជាច្រើនបាននាំគ្នា Share រូបភាពអ្នកនាង និងសកម្មភាពសប្បុរសធម៌ដែលអ្នកនាងធ្លាប់បានចូលរួមដោយក្ដីអាឡោះអាល័យ សោកសង្រេង និងបានឧទ្ទិសឱ្យវិញ្ញាណក្ខន្ធអ្នកនាងបានទៅកាន់សុគតិភព បើទោះបីជាអ្នកនាងមិនទាន់ទទួលបានយុតិ្តធម៌អស់រយៈពេលជាង 2 ឆ្នាំមកហើយក្ដី។
ក្នុងនោះដែរសិល្បការិនីពហុជំនាញទាំងសម័យ និងបុរាណ អ្នកនាង ខាត់ សុឃីម ក៏បានបង្ហោះសារនៅលើហ្វេសប៊ុកផ្ទាល់ខ្លួន អំពាវនាវឱ្យបងប្អូនអ្នកគាំទ្រ ឌីជេ អាលីយ៉ា និងតារាសិល្បករ-សិល្បការិនីទាំងអស់ ចូលរួមពិធីបុណ្យសព និងគោរពវិញ្ញាណក្ខន្ធ ឌីជេ អាលីយ៉ា ជាលើកចុងក្រោយ។ អ្នកនាង ខាត់ សុឃីម បានបញ្ជាក់ដំណឹងថា «សូមជម្រាបជូនបងប្អូនទាំងអស់គ្នាថា អាលីយ៉ា New Aaliyah Liyah Aaliyah Khao នឹងត្រូវលើកចូលផ្ទះថ្មីរបស់នាងនៅម៉ោង1រសៀលនេះ ហើយលើកចូលមេរុនៅម៉ោង 3រសៀល ហើយបូជានៅម៉ោង 3:20 នាទីរសៀល ថ្ងៃទី28 ខែមិថុនា ឆ្នាំ2018នេះតែម្ដង នៅវត្ត “ទួលសារាវន្ត” ហៅវត្ត “ទួលអស់លោក” ចូលតាមច្រកទល់មុខស្ថានីយទូរទស្សន៍ CTN ឫស្សីកែវយើងនេះ។ សេចក្ដីដូចបានជម្រាបជូនខាងលើ សូមបងប្អូនជិតឆ្ងាយជ្រាបជាដំណឹង» ។
គួរជម្រាបជូនបន្ថែមដែរថា ប្រសិនបើបងប្អូនប្រិយមិត្តអ្នកគាំទ្រ ឌីជេ អាលីយ៉ា មានបំណងចូលរួមពិធីបុណ្យសព សូមអញ្ជើញទៅចូលរួមបានទាំងអស់គ្នាដើម្បីជូនដំណើរនាងទៅកាន់សុគតិភពជាលើកចុងក្រោយ៕
![](https://scontent.fpnh3-1.fna.fbcdn.net/v/t1.0-9/36251058_650178735315247_5869298768213442560_n.jpg?_nc_cat=0&oh=2ee3506fa42cb0bf97365a7b6ea3b413&oe=5BE129C8)
![](https://scontent.fpnh3-1.fna.fbcdn.net/v/t1.0-9/36340421_667156250287424_594873414540328960_n.jpg?_nc_cat=0&oh=e2eca002779e157f0962694ce5be5e74&oe=5BB2BDA8)
![](https://scontent.fpnh3-1.fna.fbcdn.net/v/t1.0-9/36046194_138659770358390_1497717708148441088_n.jpg?_nc_cat=0&oh=974c7af36a45c524002fe3ef45ec6589&oe=5BACC033)