កីឡាករវាយកូនបាល់ Marin Cilic ដែលមានចំណាត់ថ្នាក់លេខ1 ប្រចាំព្រឹត្តិការណ៍បានសង្គ្រោះពិន្ទុកាត់សេចក្តី 1លើក នៅមុនពេលផ្តួលកីឡាករ Novak Djokovic ក្នុងលទ្ធផល 5-7 7-6 (4) និង6-3 ដើម្បីឈ្នះពាន Queen’s Club Championships ជាលើកទី2 របស់គេកាលពីថ្ងៃអាទិត្យ។
Cilicដែលបានឈ្នះពាននេះជាលើកចុងក្រោយកាលពីឆ្នាំ2012 នោះ បានគ្រប់គ្រងការប្រកួតយ៉ាងល្អ នៅលើទីលាន ប៉ុន្តែបានខ្ជះខ្ជាយពិន្ទុដ៏សំខាន់ចំនួន 6លើកក្នុងការប្រកួតសិតបើកឆាក ដែលនាំឱ្យ Djokovic មានឱកាសវាយបកវិញ។ កីឡាករវាយកូនបាល់សញ្ជាតិស៊ែប៊ីវ័យ 31ឆ្នាំរូបនេះ បានដណ្តើមយកឱកាសរបស់គេដើម្បីវាយកូនបាល់យ៉ាងល្អ ក៏ដូចជាទប់ទល់នឹងការវាយសេវារបស់ Cilic មុននឹងដណ្តើមបានជ័យជម្នះក្នុងការប្រកួតសិតទី1 ក្រោយពីការប្រជែងគ្នាអស់រយៈពេល1ម៉ោង។ ជើងខ្លាំង Djokovic បានរបូតត្រឹមតែ 1ពិន្ទុគត់នៃការវាយសេវារបស់គេអំឡុងសិតទី2 ហើយហាក់ដូចជាកំពុងស្ថិតនៅផ្លូវទៅកាន់ជ័យជម្នះទៅហើយ ប៉ុន្តែកីឡាករ Cilic បានវាយបកវិញយ៉ាងល្អ ដើម្បីដណ្តើមយកជ័យជម្នះក្នុងការប្រកួតសិតនោះ។
ស្របពេលដែលការមានប្រៀបផ្សេងៗធ្លាក់ទៅលើរូបគេវិញ Cilic បានគ្រប់គ្រងការប្រកួតយ៉ាងល្អនៅក្នុងទីលានភាគខាងលិចនៃទីក្រុងឡុងដ៍ ខណៈដែលរូបគេបានយកឈ្នះក្នុងការប្រកួតសិតចុងក្រោយ ដើម្បីឈ្នះពានជាលើកទី1 របស់គេនៅឆ្នាំនេះតែម្តង៕
![](https://i0.wp.com/images.indianexpress.com/2018/06/marin-cilic-m.jpg?resize=696%2C387&ssl=1)
![](https://i0.wp.com/i.eurosport.com/2018/06/23/2360146-49101690-2560-1440.jpg?resize=696%2C391&ssl=1)
ប្រភពពី៖ Channel News Asia