បើតាមបណ្ដាញហ្វេសប៊ុកនៅពេលថ្មីៗនេះបានឱ្យដឹងថា តារាសម្ដែង លោក ញ៉ែម សុគន្ធ ត្រូវបានអ្នកលេងបណ្ដាញទំនាក់ទំនងមួយនេះទម្លាយរូបភាពជាច្រើនសន្លឹក ដែលស្ដែងឱ្យឃើញថា លោកបានភ្ជាប់ពាក្យជាមួយនារីស្រស់សោភាម្នាក់ មានឈ្មោះ ងួន កែវមល្លិកា នៅថ្ងៃទី18 ខែមិថុនា ឆ្នាំ2018 នេះ។
ដោយផ្អែកទៅលើគណនីរបស់ម្ដាយខាងកូនស្រីដែលបានបង្ហោះរូបភាពរបស់កូនស្រី អង្គុយពាក់ចិញ្ចៀនភ្ជាប់ពាក្យជាមួយលោក ញ៉ែម សុគន្ធ និងបានរៀបរាប់ថា «នាងខ្ញុំសូមថ្លែងអំណរអរគុណដល់មិត្តភ័ក្តិ បងប្អូន ពូមីង យាយតា និងភ្ញៀវកិត្តិយសទាំងអស់ដែលបានអញ្ជើញមកចូលរួមក្នុងពិធីភ្ជាប់ពាក្យកូនស្រីនាងខ្ញុំក្នុងថ្ងៃនេះ និងសូមជូនពរដល់កូនៗ និងមិត្តភ័ក្តិ បងប្អូន កូនក្មួយ ពូមីង យាយតា និងភ្ញៀវកិត្តិយសទាំងអស់សូមជួបតែពុទ្ធពរបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ និងសូមជួបតែសុភមង្គលគ្រប់ក្រុមគ្រួសារ»។ យ៉ាងណាមិញ តារាប្រុសរូបនេះក៏ទទួលបានសារជូនពរជ័យពីសំណាក់តារាកិត្តិយសដែលបានចូលរួមពិធីដ៏មហាមង្គលរបស់លោកផងដែរ ដូចជាកញ្ញា ថន លក្ខិណា បានជូនពរថា «អបអរសាទរ!!! បងប្រុស ញ៉ែម សុគន្ធ ភ្ជាប់ពាក្យហើយ ជួបគ្នាម្តងទៀតនៅថ្ងៃពិសេសរបស់អ្នកទាំងពីរ»។
សូមជម្រាបផងដែរថា មួយរយៈមុននេះ តារាសម្ដែងប្រុសរូបនេះ ត្រូវបានក្មេងប្រុសម្នាក់ដែលអះអាងថា ជាសាច់ឈាមនឹងរូបលោកចោទប្រកាន់ថា ញ៉ែម សុគន្ធ ស្រឡាញ់ភេទដូចគ្នា និងសុំមើលប្រដាប់ភេទរបស់ខ្លួន តែជាព័ត៌មានអកុសលនេះត្រូវបានបញ្ចប់មន្ទិលត្រឹមនេះហើយ ព្រោះថាតារាប្រុសរូបនេះ បានសម្រេចចិត្តភ្ជាប់ពាក្យជាមួយនារីដ៏ស្រស់ស្អាត និងទទួលយកគ្នាធ្វើជាស្វាមីភរិយាតទៅថ្ងៃអនាគត៕
![](https://scontent.fpnh3-1.fna.fbcdn.net/v/t1.0-9/35701205_1824850114476779_227659899780202496_n.jpg?_nc_cat=0&_nc_eui2=AeFROH4RCC6O4TWFotj9Wb0gSnayFDQ74uJ7c9wPZrVFs9L7P3Ozg_kCEAFpl5oteGBqRsCgxwg6Fdn3RXhT-0QbrG6-wi2uGsY6i8fMVjeMnA&oh=48f5b1b1b25360d9c31e4778d2ddfc1d&oe=5BC01E4E)
![](https://scontent.fpnh3-1.fna.fbcdn.net/v/t1.0-9/35519188_1074516909369364_8256188557626966016_n.jpg?_nc_cat=0&_nc_eui2=AeE9IJBePXwdVqw3XWb2WNA6rBoQR7d8PFg4ncxUppmfcrr4MK19xvpbVA89qaByWLrdqc-GunT1qzvGn-Vo3VcFtTajuqVx2WjZyOLjPIsvgw&oh=d4d0462c6b71430040f6931ce5778f9c&oe=5BAA6575)
![](https://scontent.fpnh3-1.fna.fbcdn.net/v/t1.0-9/35492753_1074516962702692_5893316865282801664_n.jpg?_nc_cat=0&_nc_eui2=AeEoZ3KfiIw8oOmmbbbkM0r5jykSb6oTHUtmZBjoJeuV668n0d46S3844VhK7_p600AU1APmfvMP7UeKjIlsWg2nLp3EcDHoIa1mRMvUMs7OmA&oh=89e3ef301fd1a81ff88b5f574dcf1086&oe=5BB81636)
![](https://scontent.fpnh3-1.fna.fbcdn.net/v/t1.0-9/35347292_1683514395102902_7222273669010030592_n.jpg?_nc_cat=0&_nc_eui2=AeESXYJsXYZQpvYzNAkeF2mWJypDnq_oylQCpG4u9xOHMr6vE2OPKlPfPIUUkaMZJEC06LKxUKaZZi4dld1hS41ChoUzNQROY68gXJHXOrD4Tw&oh=67010e08f015e5dd0b402ff2bf5de4eb&oe=5BA92424)
![](https://scontent.fpnh3-1.fna.fbcdn.net/v/t1.0-9/35517493_1988246757980390_563556432868278272_n.jpg?_nc_cat=0&_nc_eui2=AeEC1bUkrfCMQM-70CHHDOC2BHs6hAiNrbXL_wO-QpTgSgHLn2np2LT5hlWgksAJf2pJA_2IKnAulpO0z_1oLRUaDz2b0Cr7nFQFSEXiRCvuXg&oh=35d8ed0b9e08274bfce58861f3e9e765&oe=5BEB9F80)