ប៉ុន្មានម៉ោងមុននេះបន្ដិច តារាសម្ដែងសិចស៊ី ដែលទើបតែរួចផុតពីបម្រាមរបស់ក្រសួងវប្បធម៌ និងវិចិត្រសិល្បៈ គឺអ្នកនាង ដេននី ក្វាន់ បានបង្ហោះរូបភាពនៅក្នុងបណ្ដាញសង្គមហ្វេសប៊ុករបស់ខ្លួន ដែលសម្ញែងឱ្យឃើញលុយដុល្លារក្រដាសប្រាក់ 100ដុល្លារជាច្រើនខ្ទាស់ ដែលនាងត្រៀមទុកទៅកែសម្ផស្សនៅប្រទេសថៃទៀតហើយ។
អ្នកនាង ដេននី ក្វាន់ បានបញ្ជាក់ផងដែរថា «ចង់ប្រាប់ថាលុយនេះមិនមែនទុកចាយ ឬបើកមុខរបររកស៊ីអីទេ គឺត្រៀមទុកសម្រាប់យកទៅកែសម្ផស្សនៅថៃ…ប៉ុណ្ណឹងប្រហែលជាមិនទាន់គ្រប់ថ្លៃពេទ្យទេ តែក៏មិនមានបញ្ហាអីដែល អស់ម៉ានអស់ទៅ ឱ្យតែអូនស្អាត»។ អូហូ! គឺពិតដូចជាពាក្យនាងបានថាកន្លងមកមែន «ប្រណាំងអី ប្រណាំងបាន តែកុំចង់ប្រណាំងជាមួយព្រេងវាសនា!» បើទោះបីជានាងមិនសូវបង្ហាញមុខមាត់នៅក្នុងពិភពសិល្បៈក៏ពិតមែន តែជីវិតនាងហាក់បីដូចជាជោគជ័យក្នុងការងាររកស៊ីរបស់នាងខ្លាំងណាស់។
គួររំឭកផងដែរថា ស្រីស្រស់ ដេននី ក្វាន់ ធ្លាប់សម្ញែងក្រដាសប្រាក់ដុល្លារទាំងខ្ទាស់ៗ និងសម្ញែងទិញចិញ្ចៀនពេជ្រទាំងការ៉ាត់ៗ ហើយនិយាយថា «ក្តីស្រមៃតូចៗរបស់ខ្ញុំ បានដូចបំណងហើយ នៅឡើយតែក្តីស្រមៃធំៗ សង្ឃឹមថានឹងបាននាពេលឆាប់ៗនេះ សំខាន់វាស្ថិតលើការតស៊ូរបស់ខ្ញុំ ខ្ញុំជឿជាក់លើសមត្ថភាពរបស់ខ្ញុំ»។ ជាមួយគ្នានឹងភាពជោគជ័យរបស់កញ្ញា មានទស្សនិកជនមិនតិចទេដែលនាំគ្នាសរសើរថា នាងគឺជាស្ដ្រីម្នាក់មានការតស៊ូក្នុងជីវិត ចេះទុកដាក់លុយកាក់ត្រឹមត្រូវបានល្អ មានសមត្ថភាពរកចំណូលបានទាំងខ្លួននៅក្មេង ហើយអាចសន្សំប្រាក់រហូតសម្រេចក្ដីបំណងបាន ដោយមិនបានពឹងផ្អែកលើសមត្ថភាពបុរសឡើយ៕
![](https://scontent.fpnh3-1.fna.fbcdn.net/v/t1.0-9/32958036_2059723494249160_2298301312929890304_n.jpg?_nc_cat=0&oh=bafe8760f6e39d93b8b12824d129baeb&oe=5BC4226A)
![](https://scontent.fpnh3-1.fna.fbcdn.net/v/t1.0-9/32253268_2053375321550644_4903738838163128320_n.jpg?_nc_cat=0&oh=64009072bac97011431f8dded6458114&oe=5B8530B1)
![](https://scontent.fpnh3-1.fna.fbcdn.net/v/t1.0-9/32235314_2053520741536102_7474784846565343232_n.jpg?_nc_cat=0&oh=253c68485c29339d7906d9f1698e550c&oe=5B923D0D)
![](https://scontent.fpnh3-1.fna.fbcdn.net/v/t1.0-9/32231149_2053073491580827_785119862795010048_n.jpg?_nc_cat=0&oh=930e61c2493750d7617a9f93b20882f0&oe=5B7B70D3)
![](https://scontent.fpnh3-1.fna.fbcdn.net/v/t1.0-9/32170064_2053073414914168_4290584990544035840_n.jpg?_nc_cat=0&oh=99d5735621958969addeff1d77c73593&oe=5B805E58)