ពិតជាដូចជាមហាជនបានទស្សនាមកហើយពីបទចម្រៀងមានចំណងជើងថា «សង្សារស្អាតជ្រុល» របស់តារាចម្រៀងស្រី ឈីន រតនៈ នៅក្នុងផលិតកម្មរស្មីហង្សមាស ដែលមួយបទនេះតម្រូវឱ្យតារាស្រីរូបនេះរៀបចំខ្លួន និងស្ទីលសម្ដែងបែបរ៉ក់ មើលទៅរាងកាចៗ រហូតដល់អ្នកដឹកនាំសម្ដែង លោក កៅ សីហា បានតម្រូវឱ្យនាងសម្ដែងឈុតប្រឡែងលេងជាមួយសត្វពស់ថ្លាន់ទម្ងន់ជាង 100 គីឡូថែមទៀតផង ដើម្បីឱ្យមើលទៅឃើញកាន់តែសាហាវទាក់ទាញទៅតាមបទចម្រៀង។
បើតាមសម្ដីពិតរបស់តារាស្រីវ័យក្មេងរូបនេះបានឱ្យដឹងថា «នេះជាឈុតក្នងបទ «សង្សារស្អាតជ្រុល» ដែលជាបទចម្រៀង ROCK និងសង្ឃឹមថាបងប្អូន និងមិត្តយុវវ័យទាំងអស់គ្នាច្បាស់ជាពេញចិត្ត ស្រឡាញ់ និងគាំទ្រ MV មួយនេះមិនខាន ហើយថ្ងៃនេះនាងខ្ញុំគ្រាន់តែចង់និយាយអំពីផលវិបាកតែមួយចំណុចគត់ដែលធ្វើឱ្យខ្ញុំភ័យខ្លាចចុះញ៉មក្នុងការថតបទចម្រៀងមួយបទនេះតែម្ដង…នោះគឺអ្នកដឹកនាំតម្រូវឱ្យថតជាមួយនឹងពស់ថ្លាន់ ដែលវាមានទម្ងន់ជាង100គីឡូឯណោះ»។
នាងបានបន្ដបញ្ចាក់ពីអារម្មណ៍ពិតប្រាប់មហាជនឱ្យដឹងទៀតថា «ខ្ញុំខ្លាច ខ្ញុំរេរា ខ្ញុំអត់ហ៊ាន ខ្ញុំភ័យ យំផងស្រែកផង ព្រោះតែមិនហ៊ានទៅជិតវា តែចុងក្រោយអ្វីដែលខ្ញុំតាំងចិត្តថា អាចថតជាមួយវាបាននោះគឺ ដោយសារតែអ្នកគាំទ្រ ព្រោះចង់ឱ្យទាំងអស់គ្នាបានប្លែកភ្នែក និងប្លែកអារម្មណ៍ជាមួយនឹងបទចម្រៀងមួយបទនេះ ហើយក៏សូមអរគុណដល់បងប្រុស កៅ សីហា ដែលគាត់បានប្រឹងប្រែង និងខំសម្រិតសម្រាំងរកនូវអ្វីដែលថ្មីៗ ក៏ដូចជាដឹកនាំនៅបទចម្រៀងមួយបទនេះបានយ៉ាងល្អដែរ អរគុណដល់បងៗក្រុមការងារទាំងអស់គ្នាដូចគ្នា» នេះបើតាមការជម្រាបបន្ថែមរបស់ កញ្ញា ឈីន រតនៈ៕
![](https://scontent.fpnh3-1.fna.fbcdn.net/v/t1.0-9/31124547_701594923564864_922726380121096192_n.jpg?_nc_cat=0&_nc_eui2=v1%3AAeGp7naT-nbuPST8gcWrYXsRj_aAB-Ob7gydbbW1GWRT6vcZQA2qz9UCEj4wPeTxTaqRga7VZlZTuji0Uiyz4ZNrcG-nxKfgqJzXbI4yEsH04g&oh=8a92bccb415932d62a41bfc354af3e95&oe=5B69FFE3)
![](https://scontent.fpnh3-1.fna.fbcdn.net/v/t1.0-9/31114010_701597833564573_7135866653660676096_o.jpg?_nc_cat=0&_nc_eui2=v1%3AAeFHqpgUWCx63h63nQbJ7eQ6bd3rDcFg76GZDxEnb1Rg_wvZTx5F5YQidxrA01pctmuzXmQa9EvQlazDItj5JntTGflhqN_XxUKUoVBJOnGgaA&oh=34cee45d3c68c97d106be06c864cde1d&oe=5B6CDAE1)
![](https://scontent.fpnh3-1.fna.fbcdn.net/v/t1.0-9/31154260_701597600231263_819949904376889344_o.jpg?_nc_cat=0&_nc_eui2=v1%3AAeFWtvF7SDw1zCd2orvIKdL46P6T518nFz3hlGAfCeUQT3I7b87I2RW8hckFx0mavJTeAffCMhAYusPMYm7VS56zsUVBiAbGf78X2K2VsSKGag&oh=e71cd669c1a20b1da2fa9caf949edd89&oe=5B52130B)