បើតាមរយៈបណ្ដាញទំនាក់ទំនងសង្គមហ្វេសប៊ុករបស់លោក កែវ វាសនា មុននេះបន្ដិច បានបង្ហោះរូបភាពមួយសន្លឹកដែលបង្ហាញឱ្យឃើញថា ភរិយារបស់លោកគឺ អ្នកនាង ឈីឈី កំពុងតែគេងសម្រាកនៅក្នុងមន្ទីរពេទ្យ ដើម្បីត្រៀមប្រសូតកូនស្រីទី 2 ដែលរូបភាពមួយសន្លឹកនោះបានធ្វើឱ្យមហាជនអ្នកគាំទ្រមានការភ្ញាក់ផ្អើល និងកំពុងទន្ទឹងចាំមើលមុខកូនស្រីរបស់តារាចម្រៀងរូបនេះផងដែរ។
បើតាមសំណេរនៅលើហ្វេសប៊ុក លោក កែវ វាសនា បានសរសេររៀបរាប់ថា «ជិតដល់ម៉ោងបានជួបមុខ ឈី អ៊ីង ហើយ សូមឱ្យសំណាងល្អទាំងប្រពន្ធ និងកូន»។ មកទល់ពេលនេះ ក្ដីបារម្ភរបស់តារាប្រុសរូបនេះ ក៏ដូចជាមហាជនអ្នកគាំទ្រដែរបានបួងសួងសូមឱ្យព្រះជាម្ចាស់តាមថែរក្សាភរិយាលោករហូតដល់ពេលសម្រាលហើយ។
ក៏ដូចគ្នានេះដែរ មានការជូនពរឱ្យអ្នកនាង ឈីឈី ព្រមទាំងបុត្រីមានសុខភាពល្អពីបណ្ដាអ្នកគាំទ្រជាច្រើន និងមានការសរសើរផងដែរថា ទោះជាមានការងាររវល់យ៉ាងណាក៏ដោយ តែលោក កែវ វាសនា ក៏នៅតែចំណាយពេលនៅក្បែរមើលថែទាំភរិយាមិនឱ្យដាច់ពីក្រសែភ្នែកឡើយ នេះបានពិតជាស្វាមីល្អមែន៕
![](https://scontent.fpnh3-1.fna.fbcdn.net/v/t1.0-9/31118036_1227514320717277_2719897824432354589_n.jpg?_nc_cat=0&_nc_eui2=v1%3AAeH3uy1_UIjohhNqUa7GpZiBp-ifv25X1UXQckMqfYG1VQB0-QaArL1B9Gx6JntzHrxAARN0CfIpZcL1uXfuQs_46LZvxD8ICYjFK8v7Gsr2aQ&oh=d895eb66b21747f624d28b04171bbe53&oe=5B619FB9)
![](https://scontent.fpnh3-1.fna.fbcdn.net/v/t1.0-9/28056354_1183345978467445_577722810612824445_n.jpg?_nc_cat=0&_nc_eui2=v1%3AAeFyT0uchy8hzpGffNt_uWyLBZ_8f5OEzDP23-mY74zGXz3Uawb_NRrmxEE6qEjDJUV_N_Z5eYMatjYkexLmYVEeixTv43nG6o94C1g7N0Mq1g&oh=2ccfbce534c5e6b69e76f190435604bc&oe=5B5DB6C6)
![](https://scontent.fpnh3-1.fna.fbcdn.net/v/t1.0-9/23172753_1119118458223531_3304314986611988284_n.jpg?_nc_cat=0&_nc_eui2=v1%3AAeGpkuVgPtZFGt6pATzojI2zBr_4raqTlBOvq4DDPcppuy_XR0CFglkr7Wk-j91MMXknu0taWllt377bShuOvqu0IkkATKDglA8lTTz1sdAXhg&oh=8fa8597f63f42792ab3580bac7fe45c8&oe=5B991783)
![](https://scontent.fpnh3-1.fna.fbcdn.net/v/t1.0-9/23231372_1119118414890202_5266920476767135785_n.jpg?_nc_cat=0&_nc_eui2=v1%3AAeFvAYZ3FndFx8IIhkbRgeehzDJrmX1Gt27BIqHVIFSFHl0O2ZBLSaliwAr3mkcyu7ckirGVikHm5Nk8Y3GCpEJjS_ZbeBk9B2GvkCrG5hX9IA&oh=ee152fea93bd61cef13f9a2ab6dd20b4&oe=5B6A2ACA)
![](https://scontent.fpnh3-1.fna.fbcdn.net/v/t1.0-9/18765986_1023847784417266_6277877413218818142_n.jpg?_nc_cat=0&_nc_eui2=v1%3AAeFmzCYXEk4XPNomsmKqHwiFPeMMAn1pjpqmSHVEc_N7akOidM7GsFX76BIYzobrPWpehwA8ZJ_DaUJcDwyDBdTxHGpT67uY076psgsNtz4XXQ&oh=e5c6d5b028ea16bddbc8c40ece11d436&oe=5B9973CC)