លោក Arsene Wenger បានទទួលស្គាល់ថា អ្នកគាំទ្រដែលបង្កើតយុទ្ធនាការដើម្បីធ្វើឱ្យអ្នកចាត់ការទូទៅចាកចេញ បានបង្កើតឱ្យមាន «បរិយាកាសដ៏ឈឺចាប់មួយ» ដែលកំពុងតែកម្ទេចកេរិ៍្តឈ្មោះរបស់ Arsenal ទូទាំងពិភពលោក។
ការលើកឡើងបែបនេះត្រូវបានធ្វើឡើង ក្រោយពីក្រុម Arsenal បានបង្ហាញពីទម្រង់លេងយ៉ាងល្អដើម្បីផ្តួលក្រុម West Ham យ៉ាងរាបដូចកន្ទេលក្នុងលទ្ធផល 4-1 នាកីឡដ្ឋាន Emirates កាលពីថ្ងៃអាទិត្យ។ ខណៈពេលនិយាយជាលើកទី1 ពីការសម្រេចចិត្តរបស់គេដើម្បីរជ្ជកាលរបស់លោកជាមួយនឹងក្លិបនៅចុងរដូវកាលនេះ លោក Wenger បានបញ្ជាក់យ៉ាងច្បាស់ថា លោកមិនបានចូលនិវត្តន៍ពីកីឡាបាល់ទាត់ឡើយ និងចង់បន្តធ្វើការងារក្នុងកីឡាបាល់ទាត់ បើទោះបីវានឹងក្លាយជារឿងដ៏រំជួលចិត្តសម្រាប់រូបលោកក្នុងការដឹកនាំក្លិបអង់គ្លេសមួយផ្សេងទៀតក៏ដោយ។
គ្រូបង្វឹកសញ្ជាតិបារាំងវ័យ 68ឆ្នាំរូបនេះ បានឱ្យដឹងថា៖ «ខ្ញុំជឿជាក់ថា ក្លិបនេះត្រូវបានគេគោរពទូទាំងពិភពលោក ពោលគឺ ច្រើនជាងគេក្នុងប្រទេសអង់គ្លេស ហើយអ្នកគាំទ្ររបស់យើងមិនបានផ្តល់រូបភាពនៃសាមគ្គីភាពដែលខ្ញុំចង់បានឡើយ។ នោះគឺជារឿងដ៏ឈឺចាប់មួយ ពីព្រោះខ្ញុំមានអារម្មណ៍ថា ក្លិបនេះត្រូវបានគេគោរពទូទាំងពិភពលោក ហើយសរុបមក កេរិ៍្តឈ្មោះដែលយើងត្រូវបានផ្តល់ឱ្យពីក្លិបរបស់យើង មិនដូចអ្វីដែលបង្ហាញ និងមិនមែនជាអ្វីដែលខ្ញុំចូលចិត្តឡើយ»៕
ប្រភពពី៖ The Guardian
