នៅពេលថ្មីៗនេះ តារាសម្ដែងស្រី សាន សុម៉ាលី កំពុងតែជួបទុក្ខធំនៅក្នុងគ្រួសារ ដោយសារតែប្អូនប្រុសរបស់នាង បានជួបគ្រោះថ្នាក់ចរាចរណ៍កាលពីថ្ងៃចូលឆ្នាំខ្មែរកន្លងទៅ ដែលដំបូងឡើយនាងបានទទួលដំណឹងថា ប្អូនប្រុសរបស់នាងបានជួបគ្រោះថ្នាក់ចរាចរណ៍ស្លាប់បាត់បង់ជីវិតទៅហើយ តែដោយឡែកនាងមិនជឿ និងបានទៅដល់កន្លែងកើតហេតុភ្លាមៗ ក៏ស្រាប់តែឃើញប្អូននៅមានជីវិតនៅឡើយ ហើយក៏នាំប្អូនប្រុសទៅសង្គ្រោះបន្ទាន់នៅឯមន្ទីរពេទ្យភ្លាមៗតែម្ដង។
តារាសម្ដែងស្រីរូបនេះ បានបញ្ជាក់ប្រាប់អ្នកសារព័ត៌មានថា ចំពោះករណីប្អូនប្រុសរបស់នាងនេះ នាងសង្ស័យថា ជាអំពើឃាតកម្ម ច្រើនជាងគ្រោះថ្នាក់ចរាចរណ៍។ នាងបានបន្ដអះអាងថា ក្រោយពីបានបញ្ជូនប្អូនប្រុសទៅមន្ទីរពេទ្យ ក៏សង្កេតឃើញមានស្នាមគ្រាប់កំភ្លើងបាញ់ចំភ្លៅ និងបាក់ដៃ-ជើង ហើយព្រមទាំងរបួសខ្ទេចមុខ។ កញ្ញា សាន សុម៉ាលី បានបង្ហើបប្រាប់អ្នកសារព័ត៌មានទៀតថា នៅថ្ងៃចូលឆ្នាំនោះ មានមិត្តភ័ក្ដិ និងតារារួមអាជីពមួយរូប បានទាក់ទងនាងសុំលេខទូរស័ព្ទប្អូនប្រុសនាង ដើម្បីទៅដើរលេង តែរូបនាងបានឱ្យលេខប៉ារបស់នាងជំនួសវិញ ដើម្បីទាក់ទងទៅកាន់ប្អូនប្រុសរបស់នាង។
គួរបញ្ជាក់ផងដែរថា ដោយសារអាការរបស់ប្អូនប្រុសតារាស្រី សាន សុម៉ាលី មានអាការធ្ងន់ធ្ងរខ្លាំង ទើបតារាស្រីរូបនេះ បានយកប្អូនប្រុសទៅព្យាបាលនៅឯមន្ទីរពេទ្យខេត្ត សុរិន្ទ ប្រទេសថៃ បន្ដវិញ មកទល់ពេលនេះគេនៅមិនទាន់ដឹងថា ស្ថានភាពជំងឺបានធូរស្រាលហើយ ឬយ៉ាងណានៅឡើយទេ៕
![](https://i0.wp.com/www.tvfb.news/uploads/15/20,04,18/501e9b93-4b52-4c94-8914-93568556e6fc.jpg?resize=696%2C928&ssl=1)
![](https://i0.wp.com/www.tvfb.news/uploads/15/20,04,18/be022c73-daeb-4dc5-8b40-942ea94f524b.jpg?resize=696%2C928&ssl=1)
![](https://scontent.fpnh3-1.fna.fbcdn.net/v/t1.0-9/30716461_1434646750015023_1490970177087471616_n.jpg?_nc_cat=0&oh=8ecee089e6d835c62e71a8e97900ba36&oe=5B5B9071)
![](https://i0.wp.com/dara-news.com/wp-content/uploads/2018/04/a35751d63845b486c54514c25ee666331b0619d6.jpg?resize=600%2C794&ssl=1)
![](https://i0.wp.com/dara-news.com/wp-content/uploads/2018/04/26166184_526903277673854_4009255443602964199_n-1.jpg?resize=696%2C928&ssl=1)