កាលពីពេលថ្មីៗនេះមានការភ្ញាក់ផ្អើលដ៏ខ្លាំងមួយ ដោយសារអ្នកលេងហ្វេសប៊ុកជនជាតិថៃម្នាក់ដែលមានគណនីឈ្មោះPormchai Suthanonបានបង្ហោះសារនៅលើហ្វេសប៊ុករបស់ខ្លួនដោយប្រើពាក្យតិះដៀលប្រមាថដល់សិល្បៈវប្បធម៌ខ្មែរនិងជនជាតិខ្មែរ។
នៅក្នុងសារនោះគេបានសរសេររៀបរាប់ថា៖ «ភាគច្រើនសិល្បៈផ្សេងៗរបស់ខ្មែរ គឺមួយផ្នែក Copy ពីប្រទេសថៃយើងច្រើនជាងដែលពួកគេគិតឡើងដោយខ្លួនឯង និងអះអាងថាជាសិល្បៈរួម ដោយសារតែស្ថានភាពសង្គ្រាមរយៈពេលយូរអង្វែង តែប្រជាជនខ្មែរសម័យនេះពួកគេអះអាងថាថៃបានលួចរបស់ពួកគេទៅវិញ (ប្រើពាក្យថាលួចតែម្ដង) ដែលតាមពិតទៅខ្លួនឯងសោះ ជាភាគីលួចពីប្រទេសថៃច្រើនជាង។ ប្រសិនបើមើលតាមក្បាច់រាំ ការតុបតែងមុខមាត់ ម៉ូដសក់ក្បាច់ជីបផ្សេងៗទៀត គឺខ្មែរបានCopy របស់យើងគ្រប់យ៉ាងៗសម្បូរបែប និងថែមទាំងទទូចសូមឱ្យពិភពលោកទទួលស្គាល់ថា ជារបស់ជាតិសាសន៍ខ្មែរ មិនមែនរបស់ជនជាតិថៃ ទាំងមិនស្គាល់អំពីក្រសួងវប្បធម៌ថៃឡើយ។ តើជាអ្វីទៅ..?»។
គ្រាន់តែបានឃើញសារនោះ និងការឆ្លើយតបរបស់កូនខ្មែរមួយចំនួននៅលើហ្វេសប៊ុកភ្លាម ប្រធានសមាគមសិល្បករខ្មែរអ្នកនាងចន ច័ន្ទលក្ខិណាបានពន្លះទៅវិញថា «ខ្ញុំក៏ចង់និយាយដែរថា ប្រទេសរបស់អ្នកឯងជាប្រទេសដែលចេះតែលួចវប្បធម៌អរិយធម៌គេ គ្មានអ្វីជាអត្តសញ្ញាណរបស់ខ្លួនពិតប្រាកដឡើយ មានតែមួយគត់ដែលសម្គាល់ថាជាអត្តសញ្ញាណរបស់ប្រទេសអ្នកឯងគឺ វប្បធម៌ទេសចរណ៍សិច ឬសិចអនាធិបតេយ្យ។ សុំទោស ខ្ញុំយករូបពីការផុសតគ្នាតាមរយៈព័ត៌មានចែកចាយលើបណ្ដាញសង្គម Facebook ឯរឿងហ្នឹងពិត ឬមិនពិតយ៉ាងណា ខ្ញុំមិនដឹងទេ ដឹងត្រឹមតែខ្ញុំមិនសប្បាយចិត្តនឹងអ្នកណានិយាយមើលងាយប្រទេសខ្មែរប៉ុណ្ណោះ»។
យ៉ាងណាមិញ នៅមិនទាន់អស់ចិត្តឡើយ អ្នកនាងនៅបានបង្ហោះសារជាបន្ដបន្ទាប់ទៀតដោយអះអាងថា នាងខ្ញុំជាមនុស្សល្ងង់ តែនាងខ្ញុំឈឺចាប់ណាស់នូវអ្វីដែលសាសន៍គេដៀលខ្មែរ តែអ្វីដែលគួរឱ្យឈឺចាប់ជាងនេះ គឺកូនខ្មែរដែលអង្គុយលើគំនរវិជ្ជា បែរជាអបអរសាទរ និងគាំទ្រនូវអ្វីដែលសាសន៍គេកំពុងមើលងាយសាសន៍ឯងទៅវិញ។ នេះជាការយល់ឃើញរបស់មនុស្សល្ងង់ដូចជារូបខ្ញុំ។ បើអ្នករៀនបានខ្ពង់ខ្ពស់ និងស្ថិតក្នុងត្រកូលថ្លៃថ្នូរ ក្នុងគ្រួសារសម្បូរចំណេះវិជ្ជាមិនយល់ស្រប ក៏សុំទោសផងចា៎ ព្រោះការយល់ឃើញផ្សេងគ្នា ឋានៈខុសគ្នា ចំណេះដឹងខុសគ្នា និងស្ថានភាពខុសគ្នា។ដូច្នេះបើមិនពេញចិត្ត សូមUnfriend ខ្ញុំចោលទៅ ចំពោះគំនិតរបស់អ្នកមកលើមតិយោបល់របស់ខ្ញុំកន្លងមក រួមទាំងការវាយប្រហារមកលើខ្ញុំផ្សេងៗផង គឺខ្ញុំដឹងទាំងអស់គ្រាន់តែខ្ញុំមិននិយាយ។ ទំនេរៗ យកពេលទៅគិតរឿងជួយអភិវឌ្ឍប្រទេសជាតិទៅ កុំយកពេលមកចាំតែរិះគន់ប្រទេសខ្លួនឯង អ្វីៗមិនស្ថិតលើបបូរមាត់ទេ គឺស្ថិតលើសកម្មភាព គេមិនហៅថាទំពាំងស្នងឫស្សីទេ គឺគេហៅទំពាំងជ្រក់៕
![](https://scontent.fpnh3-1.fna.fbcdn.net/v/t1.0-9/30706227_1689653211104435_3114841219432185856_n.jpg?_nc_cat=0&_nc_eui2=v1%3AAeFPDuIAHJ-yHxL42eJGB3rkeYFKDV8h5U2KVGpF8dops6rnlIGLpsArssmjCsuVRD7Cx6H_RH8ZzJBUJLqeZZEh7Ld7mcwqkI_pQsGgtAlsEw&oh=825f0b96e121ed62d574273ba1e91243&oe=5B67D039)
![](https://scontent.fpnh3-1.fna.fbcdn.net/v/t1.0-9/30725737_1689653204437769_8620604717237534720_n.jpg?_nc_cat=0&_nc_eui2=v1%3AAeEN0gg0gT-1_tlechCS98PM2uR4s44Klm_G9N0DBaRpHuQ0HIZgAHxt8lwHl4cNgsU_9fqqvNSk6D8LwWuC9A-9zfnW-Yiywl7a2H0cieOEqQ&oh=3a5bd6f86a7292044993cdde79c6aab4&oe=5B682E73)
![](https://scontent.fpnh3-1.fna.fbcdn.net/v/t1.0-9/30706631_1689653291104427_2725381148468314112_n.jpg?_nc_cat=0&_nc_eui2=v1%3AAeEMJYZ13GEeHtGnBHnm22XIna5G2z3WHAubNcPfIByWzTBloeA4fwNlMFaT0gulVRCiRK2lau2kN5Jg_9HCSb_UsEEGSJ02YNtolULJBDBcYw&oh=f03b6ad4bf949ade1b53069f11c09dda&oe=5B5CC025)
![](https://scontent.fpnh3-1.fna.fbcdn.net/v/t1.0-9/30708577_1689653341104422_5518065980653174784_n.jpg?_nc_cat=0&_nc_eui2=v1%3AAeGScKUIzN6A_U7g-Bv5Pb2kSSbakfTo9By82GGfjj1_GJBC8i7CtG9kjLDJkigrGTSkp7mPxAJ_uqCM8EqWpRKEtibLMnUgZIwQA-BtRj8cmA&oh=0f9847189a0f1d9f98395443bbb0bfab&oe=5B5D0CC9)
![](https://scontent.fpnh3-1.fna.fbcdn.net/v/t1.0-9/30716064_1688628847873538_2258983056293494784_o.jpg?_nc_cat=0&_nc_eui2=v1%3AAeGY9DstrS5I1KLKN451bE4H1YZllwtLGhHqNYvh6S6IBQXa5nChFr4fx_CGnMBHYAZRI0ijUMwomJYZMf2zGca7XWKTTSISjbzcae8Gu2UXfg&oh=9c7334cf201e8c12fac570ef8ed4df7c&oe=5B7211A7)
![](https://scontent.fpnh3-1.fna.fbcdn.net/v/t1.0-9/30727822_1688594554543634_5187222403574398976_n.jpg?_nc_cat=0&_nc_eui2=v1%3AAeEUiG5aPaWTcMAxJ2HOoinn_UoVM8oVKlQZXZ58ewSIWH2UHBfQ2l9WY3d-7J80Oc8Ytcf1b8Q3TArXSwpI9hOcpcOSDP2hakgSlH-ZUNn9Zg&oh=93e32603c342d4cc85bbb32658f1e242&oe=5B570521)
![](https://i0.wp.com/www.lareine.com.kh/wp-content/uploads/2018/04/145.jpg?resize=546%2C715&ssl=1)
![](https://i0.wp.com/www.lareine.com.kh/wp-content/uploads/2018/04/79.jpg?resize=501%2C700&ssl=1)