តាមរយៈបណ្ដាញទំនាក់ទំនងសង្គមហ្វេសប៊ុករបស់តារាស្រី មាន សូនីតា នៅថ្ងៃទី6 ខែមីនា ឆ្នាំ2018នេះ គេមើលឃើញថា តារាស្រីរូបនេះបានបង្ហោះរូបភាពជាច្រើនសន្លឹកក្នុងឈុតកូនក្រមុំ បែបប្រពៃណីបុរាណខ្មែរ។ ដោយឡែក កាន់តែពិសេសជាងនេះទៅទៀតនោះគឺ នាងបានសរសេរសារបញ្ជាក់នៅលើហ្វេសប៊ុករបស់នាង ដោយបានបង្ហើបប្រាប់ពីមូលហេតុដែលនាងមិនទាន់ចង់រៀបការ បើទោះបីជាវ័យខិតជិតដល់លេខ 30 ហើយក៏ដោយ។
![](https://scontent.fpnh3-1.fna.fbcdn.net/v/t1.0-9/28378550_1439996522796755_8909579670427140173_n.jpg?oh=b07c2b404862c8cc9a4d63f62693f7f6&oe=5B07FE32)
យ៉ាងណាមិញថៅកែស្រីហាង «មីក្រហម» រូបនេះបានបញ្ចេញសារដ៏គួរឱ្យចាប់អារម្មណ៍មួយឃ្លានៅក្នុងគណនីហ្វេសប៊ុក ដោយបង្ហើបឱ្យដឹងពីហេតុផលដែលនាងមិនទាន់ចង់ដឹកដៃបុរសណាម្នាក់ចូលរោងការ កសាងគ្រួសារដូចតារាមួយចំនួនទៀតនោះ។ ក្នុងសារនោះ សូនីតា បានរៀបរាប់ថា «រៀបការមិនសំខាន់ សំខាន់រកលុយដើរលេងសិន» ។ គួរបញ្ជាក់ផងដែរថា ទោះបីផ្អែកលើសារមួយឃ្លារបស់ រាជិនីក្រមា ខាងលើនេះក៏ដោយ ក៏នៅតែមិនទាន់អាចបញ្ជាក់បានច្បាស់ដែរថា នាងនិយាយក្នុងន័យលេងសើច ឬយ៉ាងណានោះដែរ ប៉ុន្ដែអ្នកគាំទ្រសង្កេតឃើញតារាសម្ដែងស្រីមួយដួងនេះ និយមធ្វើដំណើរកម្សាន្ដនៅបរទេស និងក្នុងស្រុកជាច្រើនកន្លែងពិតមែន។ ដូច្នេះ ការបង្ហើបប្រាប់ពីមូលហេតុនេះ អាចជាការពិតក៏ថាបានដែរ៕
![](https://scontent.fpnh3-1.fna.fbcdn.net/v/t1.0-9/28575842_1439996626130078_2345222386790072007_n.jpg?oh=09a6ccd319c33aca4b3b55d581579e28&oe=5B3B0496)
![](https://scontent.fpnh3-1.fna.fbcdn.net/v/t1.0-9/28575943_1439996706130070_8614752755326141901_n.jpg?oh=6568d949e814168d38228ceeb111b7c3&oe=5B449A53)
![](https://scontent.fpnh3-1.fna.fbcdn.net/v/t1.0-9/28575887_1439996752796732_3966238590423676432_n.jpg?oh=d45d271af4752cf1de3f37cff68f0105&oe=5B0738C4)