នៅក្នុងចំណោមកីឡាករប្រដាល់ខ្លាំងៗជាច្រើន ខាំ ខ្លាំនាង ជាអ្នកប្រដាល់វ័យក្មេងជំនាន់ថ្មី ដែលមានសាច់ស្នៀត ល្អប្រហាក់ប្រហែលនឹង គ្រូបង្វឹករបស់ខ្លួនដែលជា អតីតកីឡាករ ប៉ឺត ខាំ ដែលបច្ចុប្បន្នជា គ្រូបង្វឹកក្នុងក្លឹបប្រដាល់រហាប់ស្វាយប៉ាកនោះ ធ្លាប់បានឡើងសង្វៀនប្រកួតចំនួន ៨០លើកមកហើយ នៅតែថាខ្លួនឯងមិនទាន់មានចំណុចណាល្អគ្រប់គ្រាន់នៅឡើយទេ បើទោះបីមានប្រវត្តឈ្នះជាង៧០ដងក៍ដោយ ។
![](https://i0.wp.com/www.lareine.com.kh/wp-content/uploads/2017/04/4.jpg?resize=696%2C463&ssl=1)
ខាំ ខ្លាំនាង ជាអ្នកប្រដាល់វ័យក្មេងជំនាន់ថ្មី (ក្រហម)
បច្ចុប្បន្នកីឡាករវ័យក្មេងម្នាក់នេះកំពុងសាបព្រោះកេរ្តិ៍ឈ្មោះជាខ្លាំងក្នុងវិស័យប្រដាល់គុនខ្មែរ ហើយរយៈពេលចុងក្រោយគេឃើញកីឡាកររូបនេះភាគច្រើនប្រកួតជាគូមិត្តភាពអន្តរជាតិរហូត។ បើទោះជាមានស្ថិតិឈ្នះច្រើនលើសលុបក្ដីតែ ជើងខ្លាំងទម្ងន់ ៥១គីឡូក្រាមរូបនេះប្រាប់ថាខ្លួនធ្វើមិនទាន់បានល្អត្រង់ចំណុចតាំងឃុំបានល្អនោះឡើយ ហើយលើក តាំងឃុំយឺត។
![](https://i0.wp.com/www.lareine.com.kh/wp-content/uploads/2017/04/3.jpg?resize=696%2C463&ssl=1)
ជាក់ស្ដែងដូចការប្រកួតជាមួយកីឡាករថៃ Anon ម្សិលមិញនៅ PNN អីចឹង គេភ្លាត់រហូតទៅដល់ពីរលើក ដែលបណ្ដោយឲ្យកីឡាករថៃទាត់កាប់ចានត្រូវ រហូតដល់អាជ្ញាកណ្ដាលរាប់ដល់ទៅពីរដង។ នៅពេលចូលអោបឬនៅកៀកគ្នាកូនសិស្សរបស់អតីតជើងខ្លាំង ប៉ឺត ខាំ ម្នាក់នេះមិនសូវពឹតខ្លួនបិទពីការវ៉ៃរបស់ដៃគូឡើយបានល្អទេ។
![](https://i0.wp.com/www.lareine.com.kh/wp-content/uploads/2017/04/2.jpg?resize=696%2C463&ssl=1)
ខាំ ខ្លាំនាង បានឲ្យដឹងថា គេនឹងខំប្រឹងប្រែងហាត់ឲ្យខ្លាំងជាងនេះ ហើយចំណុចខ្វះខាតខាងលើត្រូវតែខំហាត់កែប្រែវាឲ្យល្អឡើងវិញ ដើម្បីបន្តស្វែងរកជ័យជម្នះនិងមិនបណ្ដោយឲ្យមានកំហុសដដែលនេះទៀតទេ៕
![](https://i0.wp.com/www.lareine.com.kh/wp-content/uploads/2017/04/1.jpg?resize=696%2C463&ssl=1)